月中時我哋介紹過捷特航空飛英法嘅平盤（http://flyagain.la/18351），嚟到倒數階段，捷特連推多個航點做個年底大清貨，出發日期由依家至2015年3月31日，啱就要睇睇喇，來回連稅計：加德滿都HK$3,430起、杜拜HK$4,491起、阿布扎比HK$4,621起、布魯塞爾HK$5,124起。仲有好多中東盤，有需要亦可以搵搵心頭好。Check過系統，貨量集中喺明年2月尾至3月中，其他月份同旺季供應相對較少，最後出票日期12月31日（即係今日！），啱就拿拿臨上ZUJI買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

捷特航空清貨盤，來回連稅加德滿都$3,430、杜拜$4,491、阿布扎比$4,621、布魯塞爾$5,124起，今日截飛

香港飛巴西，來回連稅一向要過萬，依家有隻超平飛但要即搶：西班牙國家航空（Iberia，又名伊比利亞航空）推出一系列平飛，其中以馬德里往巴西里約熱內盧 + 里約熱內盧返德國柏林最抵，出發日期為2015年3至5月，來回連稅EUR 233.83（約HK$2,206），加埋香港往馬德里及柏林返港嘅機票（最平係俄航賣緊連稅HK$5,682），兩套來回連稅只係HK$7,888起，去巴西喎！兼且玩埋馬德里及柏林，實在抵玩。Check過系統，Iberia呢隻平飛供應日子唔多，回程以週一及週二較易搵到，建議先搶為妙，因為香港來往歐洲平飛選擇多（尤其係俄航啦！呢期佢最平），稍後先補購都得。機票有效期1個月（須跨越一次週日），最後出票日期為2015年1月20日，可上官網買。

提提您：1. 記得用Multiple Journeys去Search，去程出發地揀MAD，目的地為RIO；回程出發地揀番RIO，目的地揀BER；2. 伊比利亞航空係傳統航空公司（兼且係寰宇一家OneWorld成員），呢口價已包1件23kg行李寄艙配額。

網址：www.iberia.com

（覺得抵可用Whatsapp同LINE Share俾朋友架）

即搶！平飛巴西！馬德里往里約熱內盧再返柏林，來回連稅$2,206起，5月31日前出發

一陣早上10:00，捷星亞洲（Jetstar Asia）將推出10週年聖誕Mega Sale，香港出發飛新加坡同轉機飛東南亞或澳洲都有優惠，出發日期由2015年1月7日至10月22日（視乎航點），香港飛新加坡來回HK$696起（連稅HK$1,218起）。另外，經新加坡樟宜機場轉機仲有多個選擇添，東南亞方面（來回連稅計）：雅加達HK$1,636起、峇里島HK$1,915起、布吉HK$1,963起；澳洲方面（來回連稅計）：達爾文HK$2,921起、珀斯HK$3,137起。其中香港冇直航達爾文航點，所以來回連稅唔駛HK$3,000的確係入手靚價；另外，香港飛峇里島直航少有平盤，想抵玩唯有靠捷星轉機喇。

其實經新加坡樟宜機場轉機都幾方便，行李可以直接寄到目的地，唔駛係樟宜機場攞行李，加上香港可以直接出埋下站登機證，去到樟宜機場直接搵番同一客運大樓嘅登機閘口轉機就得，慳番嘅時間可以嘆個海南雞飯喎。

除咗東南亞，日本捷星都有平貨！大阪飛札幌來回連稅計HK$1,043起，加埋香港大阪嘅廉航平機票，想平平地走轉北海道就要把握機會！確實票量要等開賣先知。提提您，以上價格不包行李寄艙及飛機餐，最後出票日期為12月28日23:59。

網址：www.jetstar.com

（覺得抵可用Whatsapp同LINE Share俾朋友架）

聖誕大折！捷星亞洲10週年Mega Sale，來回新加坡$696，轉機飛都有平，東南亞各地$936起、澳洲各地$1,586起，12月28日截飛

今年聖誕新年去邊度呢？DoDo姐都教落：去旅行記得買埋旅遊保險，「環宇旅遊綜合險」為您提供：1. 高達HK$4,000,000 意外雙倍賠償；2. 高達HK$1,000,000 醫療費用保障；3. 保障多項冒險活動；4. 「租車自負額」同「外遊警示」保障。

依家中銀香港「環宇旅遊綜合險」推出5大優惠：1. 個人投保單次旅程計劃保費高達85折；2. 家庭投保每人HK$41起（以父母及2名6星期至17歲或以下子女同時投保4天「地區1* – 銀計劃」計算，適合亞洲熱門地點短遊人士）；3. 投保全年保險計劃9折；4. 成功投保全年保險計劃可獲贈隨身充電器，去旅遊好啱用（先到先得，送完即止）；5. 可獲得高達10,000中銀信用卡簽賬積分（計算方法見下表#），簽賬積分仲可以換到「亞洲萬里通」里數（每15分 = 1里數），咁下次又可以用分換機票去玩喇！即刻上www.bochk.com或download 中銀香港App 投保「環宇旅遊綜合險」喇！優惠期至2015年2月22日，活動詳情同投保範圍請去中銀香港官網望望（請留意：買保險唔同訂酒店/機票，千祈唔好單睇保費多少，一定要比較埋受保範圍及賠償金額多少先係真正格價）。

* 地區 1 的受保地區包括中國內地、台灣地區、緬甸、泰國、馬來西亞、新加坡、印尼、菲律賓、汶萊、越南、柬埔寨、老撾、韓國、日本及關島。
地區 2 的受保地區包括世界各地。

# 簽賬積分：所有客戶經中銀信用卡付款及登記直接付款授權服務可獲5,000簽賬積分。折後保費達HK$200或以上嘅「智盈理財」客戶可獲額外2,500簽賬積分，而「中銀理財」客戶可獲額外5,000簽賬積分。

網址：http://goo.gl/YE9uFH

（覺得抵可用Whatsapp同LINE Share俾朋友架）

透過中銀香港投保「環宇旅遊綜合險」單次旅程計劃保費優惠高達85折，家庭投保每人HK$41起，仲送隨身充電器及賺取高達10,000中銀信用卡簽賬積分

今次介紹一隻超筍盤，以價論價真係超平，不過……目的地好凍架！講緊嘅係蒙古。出發日期只有2015年1月1日，回程可揀1月4日／6日／8日／11日，搭蒙古航空來回淨機票HK$1,680起，連稅HK$2,177起。如果唔可以呢日飛，1月15日前出發來回淨機票HK$3,370起，連稅HK$3,867起，聖誕期間出發都有。Check過系統，機票數量都有好多，想挑戰自己可以考慮，其中聖誕節12月23日出發，28日返都有。另外，特區護照持有人去蒙古可享有14日免簽証（留意BNO持有人需要申請簽証），機票有效期為21日，有興趣上官網買啦。

旅遊小提示：每HK$1約等於243蒙古圖格里特（MNT）。當地消費唔高，大家大可盡情購買地道紀念品。當地嘅交通以的士為主，由機場前往市區約HK$50左右。另外，肉食以羊肉為主，唔好羊嘅要做好準備喇。

航班時間：
去程 OM298 逢星期二、四 13:25 / 18:15
回程 OM297 逢星期二、四 07:50 / 12:20

網址：www.miat.com

（記得按下面「讚好」Share俾Facebook朋友）

元旦超平飛蒙古，蒙古航空來回烏蘭巴托$1,680，聖誕$3,370起

今日玩另類，介紹啲冷門野俾大家睇睇，出發日期由2015年1月6日至2月16日、2月26日至4月1日、4月7日至7月10日、8月26日至9月30日、10月3日至12月18日、12月26日至12月31日，坐韓亞航空經首爾來回遠東同中亞HK$4,350起，連稅計：俄羅斯海參威HK$5,544起、俄羅斯伯力HK$5,786起、俄羅斯南薩哈林斯克HK$6,220起、哈薩克阿拉木圖HK$6,372起、烏茲別克塔什干HK$6,446起。坐韓亞除咗包20kg寄艙行李，仲可以訂佢嘅海鮮特別餐（最遲須於出發前24小時打上熱線預訂）。另外，只要補返機場稅，就可以中停首爾玩番幾日，想去呢啲冷門地方呢口價真係入得過。Check過系統，呢口價都唔少，部份日子可坐A380來回，班次為週一、二、三、六同日，去程 OZ746 00:30-04:50，回程 OZ745 19:40-22:30，咁就可以慳番轉機時間，機票有效期1個月，最後出票日期為12月20日，可以去Expedia買。

網址：www.expedia.com.hk

（覺得抵請記得按Like同Share俾朋友）

韓亞冷盤、一雞兩味！來回遠東中亞$4,350起，可停首爾，機票有效期1個月

香港飛南美洲，來回機票連稅一般要過萬。想平去巴西？呢隻極品限時劈一定要掃：阿提哈德航空為慶祝成都線開航3週年，今日起推出48小時限時劈，一系列歐洲非洲航點都有劈，不過唯一有睇頭嘅竟然係巴西聖保羅，出發日期由依家到2015年6月30日 (2月16日至2月22日不適用)，成都來回（經阿布扎比）淨機票RMB1,220起（HK$1,528），連稅RMB4,626（HK$5,797），加埋香港來回成都嘅港航平機票（一般連稅HK$1,300-1,500之間，如遇上「一Click即享」或「話飛就飛」優惠就可降到HK$1,000左右），總價約HK$6.7K至HK$7.5K之間。呢口價直頭係歐洲價飛南美，而機票有效期達1個月，足夠您玩晒全南美！Check過系統，聖誕冇平，農曆新年去暫時有2月14日去2月27日返（咁啱撞正里約熱內盧嘅森巴嘉年華，於2月13至17日舉行），復活節去有平返冇平，有啲可惜！

如果筆直高啲，不如諗佢商務艙，來回連稅RMB16,942（HK$21,231），飛南美喎！香港來回成都就搭番港航Econ算啦！最後出票日期為明晚（12月11日）晚上11:59。

預告：阿提哈德將於12月12日舉行大中華地區6至7折劈，價錢未出，有會通知大家。

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.etihad.com

（覺得抵可用Whatsapp同LINE Share俾朋友架）

限時狂搶！超平飛巴西睇森巴嘉年華！阿提哈德航空成都來回聖保羅$1,528起，連稅$5,797起！

香港航空推出明年初東南亞線優惠，出發日期由2015年1月2日至2月11日、2月26日至2月28日，香港出發來回：台北HK$688起（連稅HK$1,171起）、曼谷HK$741起（連稅HK$1,315起）、河內HK$793起（連稅HK$1,336起）、峇里HK$1,640起（連稅HK$2,046起）、鹿兒島HK$2,698起（連稅HK$3,104起）、札幌HK$4,602起起（連稅HK$5,077起）。同港航8週年優惠比，係貴咗少少，但好處係易啲搵飛；另外，河內同鹿兒島線8週年優惠冇出，啱都可以睇睇。Check過系統，優惠以平日出發為主，機票有效期7日，上ZUJI買飛啦。

網址：www.zuji.com.hk

（覺得抵可用Whatsapp同LINE Share俾朋友架）

香港航空東南亞線優惠減，來回台北$688、曼谷$741、河內$793、峇里$1,640、鹿兒島$2,698、札幌$4,602起，12月18日前出飛