唔知大家對塔斯曼尼亞（Tasmania）嘅印象如何呢？小小編記得年幾前睇過一個旅遊節目叫〈塔斯曼尼亞的日與夜〉，就已經被佢嘅大自然風光所吸引，所以去塔斯曼尼亞絕對係一個小小的大心願（版主就去過，據聞佢日日食生蠔，嘿嘿）。

其實塔斯曼尼亞有62個香港左右咁大。但人口得50萬左右，工業化較低，污染較少，政府盡可能保持原生態，所以喺2014年10月，塔斯曼尼亞被《Lonely Planet》評選為“2015年全球十大最佳旅行地區”之一，亦係澳紐唯一上榜嘅地區。得獎嘅原因皆因佢有古老嘅雨林、起伏嘅群山同壯麗嘅海岸景色！而呢個小島上約有百分之四十係國家公園、保護區同世界遺產，仲可以拜候超卡哇伊嘅袋熊、小霸王塔斯曼尼亞魔鬼同睇到企鵝回巢，除咗啱鐘意影相嘅您，亦都啱一家大細嚟大自然同野生動物上寶貴嘅一課。

如果想玩得激，都冇問題，可以坐船出海，面對一望無際的南太平洋，心曠神怡。或者坐四驅車喺原始森林嚟一場大冒險都唔錯。

除咗玩，小小編最鐘意就係食喇！嚟到塔斯曼尼亞可以試到即開即食嘅太平洋新鮮生蠔、鐘意品酒必試黑皮諾葡萄酒，當然唔少得去果園採摘新鮮莓果即摘即食啦，仲有芝士同蜂蜜，買啲翻嚟做手信都唔錯！筆值多少少就記住食餐鮮活生蠔鮑魚宴，一定令您呢個旅程帶嚟一個完美嘅句號！（小小編細聲講：記得年幾前見到版主喺塔斯曼尼亞返嚟，食到肥咗兩個碼，搞到返嚟要做Gym Keep Fit！）

由香港去塔斯曼尼亞雖然冇直航，其中澳洲航空（Qantas Airways）每日由澳洲各地城市提供多班內陸航班直達首府荷伯特（Hobart）或位於北部嘅第二大城市朗塞斯頓（Launceston）。由墨爾本或悉尼出發只需要50分鐘至1小時10分鐘左右，就可以嚟到呢個大自然寶庫。無論您嘅假期係幾長定幾短，呢個地方一定令您滿載而歸。

澳洲航空網址：www.qantas.com

塔斯曼尼亞旅遊局網址：www.discovertasmania.com

（覺得正可用Whatsapp同LINE Share俾朋友架）

澳元跌！平玩豪食，享受盡在塔斯曼尼亞

今個農曆新年，去邊度旅行都好，記得買埋旅遊保險，依家經中銀香港投保「環宇旅遊綜合險」，單次旅程計劃保費低至85折優惠，如果一家大細去，家庭投保保費可低至每人HK$41起^。如果成日都要飛，建議買全年保險計劃，因為有9折優惠兼送HK$100超市禮券。成功投保更可獲得高達10,000中銀信用卡簽賬積分# ，簽賬積分仲可以換到「亞洲萬里通」里數（每15分 = 1里數），咁下次又可以用分換機票去玩喇！即刻上www.bochk.com或download 中銀香港App 投保「環宇旅遊綜合險」喇！優惠期由即日起至2015年2月22日，優惠受條款約束，活動詳情同投保範圍請去中銀香港官網睇睇（請留意：買保險唔同訂酒店/機票，千祈唔好單睇保費多少，一定要比較埋受保範圍及賠償金額多少先係真正格價）。

^以父母及2名6星期至17歲或以下子女同時投保4天「地區1–銀計劃」計算，適合亞洲熱門地點短遊人士
( 地區 1 的受保地區包括中國內地、台灣地區、緬甸、泰國、馬來西亞、新加坡、印尼、菲律賓、汶萊、越南、柬埔寨、老撾、韓國、日本及關島。地區 2 的受保地區包括世界各地。)

# 簽賬積分：所有客戶經中銀信用卡付款及登記直接付款授權服務可獲5,000簽賬積分。折後保費達HK$200或以上嘅「智盈理財」客戶可獲額外2,500中銀信用卡簽賬積分，而「中銀理財」客戶可獲額外5,000中銀信用卡簽賬積分。

網址：http://goo.gl/osM6Oh

（覺得抵可用Whatsapp同LINE Share俾朋友架）

經中銀香港投保「環宇旅遊綜合險」，單次旅程計劃保費低至85折，家庭投保每人$41起。有機會獲贈$100超市禮券及高達10,000中銀信用卡簽賬積分

國泰港龍fanfares嚟到第120週又嚟啦！記得今朝08:00開倉喎！自由揀日子估計為4月30日至5月13日，指定日子估計介乎2月14日至2日22日，今朝08:00去搶喇！

地點　淨機票 ｜連稅價（評語）

鄭州 HK$590起 | HK$986起（無咩好玩）
馬尼拉 HK$790起 | HK$1,171起（睇您唔到）
桂林 HK$790起 | HK$1,186起（只屬一般）
上海 HK$790起 | HK$1,186起（港龍首選）
杭州 HK$890起 | HK$1,286起（成日都有）
沙巴 HK$990起 | HK$1,413起（平過廉航）
杜拜 HK$2,090起 | HK$3,103起（絕對平貨）
約翰內斯堡 HK$2,190起 | HK$3,415起（極抵首選）
曼徹斯特 HK$3,390起 | HK$5,360起（都有得諗）
芝加哥 HK$3,490起 | HK$4,814起（唔買唔得）
杜塞爾多夫 HK$3,490起 | HK$4,901起（初次見面！）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

相關文章：官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

港航趁2月底農曆假尾聲，推出2個人氣熱點嘅超平機票，不過留意只限香港單程飛去：台北HK$180起（連稅HK$381），峇里島HK$550起（連稅HK$751），出發日期：台北2月25,26,27,28日（早午晚都得），峇里島2月23,24,25,26日（限坐加班零晨機）。咁點返香港呢？台北回程貴，可考慮落台中搭廉航HK Express，最平3月5日連稅TWD1,012（約HK$248，不包行李寄艙及飛機餐），來回加埋只係HK$629，自製超平Open Jaw（其他日子貴TWD300，約HK$73）！至於峇里島，回程直航冇平，可考慮AirAsia（經吉隆坡轉機）或虎航（經新加坡轉機），連稅約HK$1,300（不包行李寄艙及飛機餐），兩者加埋連稅唔過HK$2,000，慳番啲錢住靚Resort吧！仲可以順道玩埋新加坡及吉隆坡呢！港航官網有售。

網址：www.hongkongairlines.com

（覺得抵可用Whatsapp同LINE Share俾朋友架）

單程超平！港航香港飛台北$180，峇里島$550起，2月尾指定日期出發

越南簽證貴，唯有等機票平先諗。越南航空來回越南兩大城市淨機票HK$740起，連稅計：胡志明市HK$1,286起、河內HK$1,325起，呢口價比起坐廉航飛峴港貴少少而已，又有餐飲又有行李寄艙呢！出發日期由依家至1月31日、3月26日至4月19日、5月6日至6月30日。最大賣點係Open Jaw，由南玩到北都得（不過比較難拼，建議先搵出該城市去或回程邊日有”Super Deal”票，然後先用Multi-Destination搵出最平嘅Open Jaw票）。Check過系統，平飛集中3同5月，趁未係風季，平平哋走番轉吧～機票有效期1個月，最後出票日期為1月30日。

請留意：去越南持特區護照及BNO均需申請簽證，單次旅遊費用為HK$500，可直接上灣仔道越南領事館申請，需時約1星期。

網址：www.vietnamairlines.com

（覺得抵請記得按Like同Share俾朋友）

越南靚盤！越航飛河內胡志明市來回$740起，可Open Jaw，6月30日前出發

冬天ByeBye！即刻生猛晒！港航呢批春季盤：來回台北HK$688起（連稅HK$1,141起）、曼谷HK$899起（連稅HK$1,446起）、沖繩HK$1,322起（連稅HK$1,817起）、峇里HK$1,746起（連稅HK$2,124起）、鹿兒島HK$2,698起（連稅HK$3,076起），出發日期由2月28日至6月11日，包埋日本台灣櫻花期，想去就快啲訂！以上各價以沖繩5-6月初夏期間最吸引（6月都可以落水架），如想2-3月飛，可睇埋樂桃航空今晚隻盤（1月29日 00:00開售）；另外，台北同曼谷嘅價位都好可取，尤其曼谷跌破一千大關呢！Check過系統，優惠以平日出發為主，旺季好少見。機票有效期7日，啱就上ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

投奔初春！香港航空來回台北$688、曼谷$899、沖繩$1,322、峇里$1,746、鹿兒島$2,698起，6月11日前出發

冇見一排嘅皇家汶萊航空今次推出3個地點經汶萊斯里巴加灣轉機平飛，出發日期由依家至2月13日、2月25日至3月26日、4月21日至5月29日，來回杜拜$2,362起（連稅計HK$3,991起）、倫敦$3,125起（連稅計HK$6,380起）；另外，出發日期由2月25日至3月31日、4月8日至6月26日，來回墨爾本HK$2,636起（連稅計HK$4,699起），以上各價都比之前平咗HK$600左右，再配合埋3大賣點：1. 可免費Stopover汶萊，一雞兩味，玩哂兩個地方；2. 可以坐全新波音787，感受一吓夢幻客機（Dreamliner）嘅魅力；3. 如果轉機需要overnight（唔計自己Stopover），將獲1晚免費汶萊標準酒店住宿（訂飛後需自行致電ZUJI或航空公司）。當然仲有皇家汶萊航空極有水準嘅機隊同服務水平，同區內頂級航空公司有得Flight。Check過系統，供應以淡季出發為主，3月同5月都有好多平飛，機票有效期為1個月，官網比ZUJI貴HK60左右，邊度買自己諗，最後出票日期為1月31日。

網址：www.zuji.com.hk

（覺得抵請記得按Like同Share俾朋友）

一雞兩味！皇家汶萊航空飛杜拜$2,362、墨爾本$2,636、倫敦$3,125起，轉機送一晚酒店住宿

香港飛南美，最快亦係最貴就係經美國轉機，但如果想慳返美國簽證費，不妨考慮呢個阿提哈德航空嘅成都出發翻啅筍盤！出發日期由依家至2月15日、2月23日至6月30日，成都來回（經阿布扎比）淨機票RMB1,400起（HK$1,746起），連稅RMB4,834起（HK$6,029起），加埋香港來回成都嘅港航平機票（一般連稅HK$1,300-1,500之間，如遇上「一Click即享」或「話飛就飛」優惠就可降到HK$1,000左右），總價約HK$7K至HK$7.5K之間。如果想睇埋里約熱內盧森巴嘉年華，就要鎖定2月13至17日呢段時間喇。呢口價飛南美確實係可遇不可求，而機票有效期長達1個月，玩晒全南美都得架！Check過系統，淡季供應量足，復活節旺季就未見有喇，最後出票日期係今晚（1月5日）23:59，想去就拿拿臨上官網買飛啦。

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.etihad.com

（覺得抵可用Whatsapp同LINE Share俾朋友架）

翻啅筍盤！一起森巴舞！阿提哈德航空成都來回聖保羅$1,746起，連稅$6,029起！