X
秋冬去越南，天氣唔熱，幾舒服架！越南航空今日剛推出秋冬淡季劈，來回河內及胡志明市淨機票一律HK$830，連稅計，河內HK$1,475起，胡志明市HK$1,506起（留意1/9起，燃油附加費可能會上調），出發日期為26/8 – 25/9；3/10 – 15/12，機票有效期14日。Check過系統，雖然中秋／國慶／重陽正日來回冇咁平，但揀前後日子出發呢一刻買仲有，記得揀Super Saver，先係今次出擊目標。最後出票日期為30/8。
（覺得抵請記得按Like同Share俾朋友）
又有一個送錢網上遊戲，頭獎係HK$50,000旅遊現金券！玩法相當簡單：只需以Citibank提款卡為題創作漫畫故事（唔使有Citibank張卡都可以玩架），之後將您作品喺Facebook / 新浪微博拉票，得票最高作品將贏取HK$50,000！夠您同Honey去巴黎／馬爾代夫／澳洲／日本／南美洲…..總之隨您鐘意！二獎同三獎亦分別有HK$8,000同HK$2,000太古旅遊現金券，玩下又唔駛$，愈早玩，愈著數（比賽時間由12/8 – 8/9）！即Click：http://hk.lifestyle.yahoo.com/citiatmcard，想知點樣玩同勝出貼士？請睇以下教學：
Steps：
1. 先去呢個網址：http://hk.lifestyle.yahoo.com/citiatmcard；
2. 拉到頁底，睇一條以人氣漫晝「文地貓」故事為題嘅動畫，裡面有介紹Citibank最新推出嘅晶片提款卡優點，先掌握產品特色；
3. 按”遊戲”，發揮您獨特創意，由10張「文地貓」中揀6張，編製一個故事（次序您話事），然後利用您搞鬼精神，為每張漫晝創作抵死啜咳嘅對白，總之可以解釋到Citibank全新推出嘅晶片提款卡優點（記得唔可以用粗口或其他不雅用語架）；
4. 按”預覽”，Check多一次有冇問題，有就改，冇就按”提交”。主辦機構收到後會進行審批，成功者會喺3個工作天內於”投票”頁內刊登，記得定期返去望望；
5. 最重要一步！見到自己作品刊登咗，立即Share去自己Facebook / 新浪微博，叫晒朋友快啲嚟投票撐您！
想贏？俾兩個貼士您：1. 愈早玩，愈多時間叫人投票，票數自然多；2. 每人最多有10票，叫朋友集中火力投晒您一張作品！
網址：http://hk.lifestyle.yahoo.com/citiatmcard
（覺得正請記得按Like同Share俾朋友）
成日講熱門城市，今次就介紹隻冷門嘅：搭皇家汶萊航空，直航汶萊首都斯里巴加灣（Bandar Seri Begawan），來回淨機票HK$1,990起，連稅HK$2,584起，比之前平三／四成左右，呢口價暑假8月尾至20/12前出發都有。嫌貴？唔好意思，直航汶萊唯有呢間航空公司，想平就要轉機，經馬來西亞去大約平HK$1K左右，除非您想順道玩埋沙巴，否則直航化算啲。至於斯里巴加灣有乜玩？坦白講，冇酒賣，冇夜生活，但卻非常寧靜，安全，而且主要睇佢超豪一面，例如市中心內嘅汶萊博物館、皇家典禮廳、蘇丹皇宮、水村、Empire旅館、奧馬阿里賽夫丁回教堂、哈沙尼爾齊安回教堂等等，處處顯露呢個有錢油國浮華一面。想搵吳尊？可以順道參觀佢旗下嘅Fitness Zone健身室，撞到佢嘅話，記得話俾大家知喎～
（覺得抵請記得按Like同Share俾朋友）
自上週我哋聯同TopCashBack.com回贈網站推出Accor限時回贈優惠後，收到fans問可否定期Update一下各旅遊網站喺TopCashBack.com內嘅回贈金額，好！今次就同大家分享下本週（5/8 – 11/8）生效中嘅比率，啱用就經TopCashBack.com去卜啦！想知TopCashBack.com回贈網究竟係乜東東，教學請按此：http://flyagain.la/?p=5933，免費申請TopCashBack.com戶口請按此：http://bit.ly/12tfxda。記住次次拎回贈，積少成多又飛啦！
– Accorhotels（包括ibis，Mecure，Grand Mecure，Pullman，Novotel，MGallery，All Season，Formule 1等等）：8%回贈
– Agoda：6%回贈
– AirFrance：1.2%回贈
– Best Western：5%回贈（包括住房及購買禮券）
– Booking.com：7%回贈
– CheapTickets.com：預先付款酒店（Pre-paid）11.25%回贈（如使用優惠Code，2.25%回贈）；機票4%回贈
– Expedia：訂Expedia特別價格（Expedia Special Rate）6%回贈，其他酒店2%回贈；機票US$2.25回贈，租車2%回贈，遊輪假期US$25回贈
– HostelBookers.com：3%回贈
– Hotels.com：7%回贈及可同時使用10%折扣Code（JULYHOTELS1）<–本週推介！
– Marriott International：3%回贈
– Orbitz：預先付款酒店（Pre-paid）11.25%回贈（如使用優惠Code，2.25%回贈），現場先付酒店6%回贈（如使用優惠Code，2.25%回贈），機票US$5回贈，租車US$5回贈，遊輪假期US$45回贈
– Radisson Hotels：7%回贈
– Starwood Hotels：3%回贈
– Vayama：網上訂購US$15回贈（訂平酒店最抵用）
– Wyndham Hotels：5%回贈
訂酒店，記得去hotelscombined.com或wego.hk比完價先去訂！如使用上有問題，歡迎留言討論。
（覺得抵請記得按Like同Share俾朋友）
「借分殺人」機會又嚟喇！兩間星際聯盟（Star Alliance）旗下航空公司：全美航空（US Airways）及哥倫比亞航空（Avianca），前幾日無獨有偶同時推出里數買一送一優惠。如果您係「又飛啦！」老fans，都應該睇過我哋對呢兩間航空公司買里數嘅分析（全美航空：http://flyagain.la/?p=7634，哥倫比亞航空：http://flyagain.la/?p=5479）。記住：買里數呢家嘢，最好係用嚟兌換長途商務艙，如果想藉此換經濟客位或短途商務艙，建議您唔好買，因為齋買特價機票仲抵。至於頭等呢？唉！依家好難換到，無謂花心機買里數吧！
全美航空今次買一送一同上次基本上冇分別（除咗入門要求由買5,000里增至10,000里，不過買得里數，一般都買最大，故此無影響），買每一里要US$0.035（HK$0.273），並加7.5%稅。最多可以買50,000里（最抵），總成本為US$1,881.25（折合HK$14,674），最後可獲得100,000里，平均每一里成本為HK$0.14674；至於哥倫比亞航空公司亦同上次一樣：買每一里要US$0.03（HK$0.234），香港人買不須付稅。最多可買75,000里（最抵），總成本為US$2,250（折合HK$17,550），最後可獲得150,000里，平均每一里成本為HK$0.117，不過哥航限1/8前已登記成為LifeMiles會員人士購買，如果您未入會，今次唯有向全美航埋手吧（或申請定LifeMiles戶口下次可買）！如果您連全美航會藉都冇，依家申請新會藉須再等12日後先可獲得優惠，由於截止日期為31/8，依家申請仲趕得切架。
咁應該買邊間航空里數好？表面睇，哥航每里成本低於全美航，但由於哥航最近更改咗機票兌換表，計一計，兩者其實互有勝負，無一定準則，就拎幾個主要地區為例：
兌換商務機票成本（哥航 vs 全美航），未連稅（無需俾燃油附加費）：
來回澳洲，紐西蘭：哥航105,000里（HK$12,285）vs 全美航 90,000里（HK$13,207）
來回美國，加拿大：哥航125,000里（HK$14,625）vs 全美航 90,000里（HK$13,207）
來回歐洲：哥航135,000里（HK$15,795）vs 全美航 80,000里（HK$11,739）
來回南美洲南部：哥航150,000里（HK$17,550）vs 全美航 120,000里（HK$17,609）
所以買邊家里數，真係睇您所需。不過哥航有樣好，可以直接上佢網站（http://www.lifemiles.com）即時訂任何航線嘅星際聯盟機票，全美航就必須親身打美國長途電話（1-800-428-4322）先出到票，又有各項手續費（例如出發前少出21日出票要俾US$75 Quick Ticket Fee）。但請萬萬記住：要真係決定咗日子同行程先好訂，因為唔似Asia Miles咁好俾您任改唔駛錢，無論全美航抑或哥航，每改一次都收您US$150！而且哥航電話熱線個班接線生，英文勁難聽：係十級難囉～
另一方面，全美航由星際聯盟轉入寰宇一家（One World）計劃，最新消息係將提早到今年10至11月落實，所以今次分分鐘係最後機會買星際分數。正如之前講過（http://flyagain.la/?p=7634），寰宇一家極少有咁So嘅買里數計劃，所以要把握最後機會盡買，第時換同屬寰宇一家嘅國泰商務機票，就更抵啦！
全美航空里數買一送一詳情：http://www.usairways.com/en-US/dividendmiles/programdetails/purchasemiles/default.html
哥倫比亞航空里數買一送一詳情：https://www.lifemiles.com/eng/tra/pro/proofeinf.aspx?D=DOF23
（覺得抵請記得按Like同Share俾朋友）
食完晏，唔講平機票，講下送機票吖！因為食Dreyer’s D-Collection®雪糕就有機票抽。方法好簡單：由依家到20/8/2013，購買 Dreyer’s D-Collection®產品*滿HK$30，憑手上單據再上埋www.dreyers-hk.com.hk登記，每日都會抽出1位幸運兒，可獲得指定雙人來回機票2張，目的地包括：意大利、洛杉磯、美國加州、紐約、比利時、馬達加斯加等等，日日食，日日抽，所有參加者更直接進入終極大抽獎，嬴取比利時雙人來回機票1套，總值超過HK$500,000，每Share多一次，更可多獲1次抽獎機會。講真，反正夏天您都會食雪糕，參加呢個又無乜成本，都玩得過，中咗記得報料話俾我哋知喎（*溫馨提示：必須包括Dreyer’s D-Collection® 100毫升杯、90毫升雪糕批或多件裝先可參加）！
條款及登記網址：http://www.dreyers-hk.com.hk/tc/intro.aspx
查詢電話：2179 8888
（覺得正請記得按Like同Share俾朋友）
今日搶唔到國泰馬爾代夫fanfares？唔緊要！陽光與海灘嘅靚島，世上仲有好多，就好似今次介紹嘅塞班島，8月份暑假超旺季出發，竟然仲有特價飛！搭聯合航空，可免費中停關島，來回連稅HK$6,140起，機票有效期長達45日。Check過系統，供應主要集中喺21/8後出發，如果唔夠假期，齋去關島來回連稅HK$5,610起，慳HK$530，不過建議如果去得嘅話，呢HK$530唔好慳，去埋塞班島啦！提提您：雖然關島同塞班島都係美國托管，持有BNO及特區護照入境係可以享有免簽證逗留45天的（護照有效期須超過6個月）。
（覺得抵請記得按Like同Share俾朋友）
早幾個星期，曾應承大家分享日本免費WiFi教學，趁今日得閒啲，終於有機會講喇！是咁的：日本Wire & Wireless喺全國14大城市（包括東京／大阪／札幌／廣島／福岡／沖繩／京都……等等）都設有龐大WiFi網絡，各大機場／鐵路車站／商場／餐飲地方，都唔太難搵到Wire & Wireless網絡（自己試過喺名古屋，好多地方都有覆蓋）。如果您持有非日本Visa卡，您可以申請24小時免費WiFi服務（距離前一次申請時間須相隔180日以上），價值HK$80架！如果您有超過1張Visa卡，咁就正啦！您大可以用另一張卡申請新戶口，咁又可以有24小時免費WiFi上網服務喇！呢個優惠好適合一啲使用量低，例如只求打下卡，Upload少少相，得閒先Check下Email嘅旅客，至於要經常上網嘅旅客（例如依賴Google Map做導遊），建議您俾錢買3G服務實際啲。呢個優惠計劃去到29/8/2014為止。
申請方法：
1. 建議出發前，先去呢個網址申請咗先：https://service.wi2.ne.jp/wi2net/VisaReg/2/?locale=zh-TW
2. 輸入您Visa Card號碼／有效日期／信用卡持有人名字（您大可以用埋自己同家人嘅Visa卡申請，反正免費）
3. 自選用戶名稱及登入密碼
4. 成功後會收到確認電郵
5. 唔駛怕即申請即計時，因為佢會由您喺日本登入網絡後先開始計24小時（登入熱點名稱為：Wi2或Wi2Premium）。
6. 當然去到日本先申請都得，只需用手機／電腦接上Wi2或Wi2Premium熱點，系統會自動帶您去http://300.wi2.co.jp/campaign/visa/index_pc_zh_tw.html，跟番上面第1 – 4步驟申請就得，非常容易。
享受完24小時免費服務後，您亦可以8折價申請3日（約HK$90）或1週（約HK$120）WiFi上網方案。1日都得（HK$60）嘅，不過冇8折啫！
主要的交通設施
・機場（東京〈成田、羽田〉、大阪〈關西〉、札幌〈新千歲〉、福岡）
・鐵道車站內（東京〈都心的JR線、都營地下鐵、東京單軌電車MONORAIL〉）、福岡市營地下鐵的各車站、京都車站、新大阪車站)
・利木津巴士車廂內（成田機場線、羽田機場線的利木津巴士）
詳情請睇：http://300.wi2.co.jp/campaign/visa/index_pc_zh_tw.html
（覺得有用請記得按Like同Share俾朋友）
X