11/11，新航為追擊國泰狠劈新加坡機票，當時來回只需HK$830（連稅HK$1,622），平到無朋友。眼見國泰仲維持呢口價，新航決定Encore，今次最後出票日期為31/12/2013，出發日期為06/01/2014 – 23/01/2014；10/02/2014 – 31/03/2014，大致無變，只有2個小改動：1. 來回淨票價由HK$830稍加至HK$853起，連稅HK$1,643起；2. 去程加多一班選擇，仲係坐A380添（SQ865 18:50 / 22:50），依家來回都可以揀到A380，呢口價真係無敵（記住新航係傳統航空公司，呢口價包行李寄艙及飛機餐架）！機票有效期7日。ZUJI比新航官網平幾蚊，去邊度買，自己諗。

香港去程限搭：SQ857（09:05 / 12:55），SQ891（12:30 / 16:20），SQ865（18:50 / 22:50 A380班次），SQ871（19:55 / 23:45）

新加坡回程限搭：SQ890（07:35 / 11:20），SQ856（09:30 / 13:30 A380班次），SQ866（13:05 / 17:00 A380班次），SQ872（15:05 / 18:50）

網址：www.zuji.com.hk / www.singaporeair.com

（覺得抵請記得按Like同Share俾朋友）

馬航又玩晒冷劈，今次航點集中東南亞／中亞及澳洲，出發日期為明年2至3月，最有睇頭依然係吉隆坡同沙巴：吉隆坡來回淨機票HK$1,133起，連稅HK$1,868起，去程限坐夜機MH433（20:40 / 00:30+），回程冇限制睇供應，如果想坐其他班次就加HK$50，仍屬射程範圍；沙巴來回淨機票HK$1,333起，連稅HK$2,068起，雖然比廉航香港快運同AirAsia貴幾舊，但馬航呢口價包埋行李寄艙同飛機餐，絕對唔輸蝕。出發日期為06/02/2014 – 31/03/2014，機票有效期14日。

每次馬航晒冷劈，聰明嘅朋友都會吼埋佢商務艙優惠，皆因的確堅抵，例如飛馬爾代夫來回淨機票HK$4,333起，連稅HK$7,227起，呢個價買國泰直航都只能坐經濟位；至於悉尼同墨爾本，來回淨機票HK$8,333起，連稅計，悉尼HK$12,558起，墨爾本HK$12,423起，呢個價買國泰／維珍／澳航只可以坐豪華經濟位！衰在轉機啫！從另一角度睇，搭耐啲咪歎耐啲囉！以上機票有效期為30日。

網址：www.malaysiaairlines.com

（覺得抵請記得按Like同Share俾朋友）

虎航今日起推出買去程送回程優惠，香港來回新加坡連稅HK$862起，直航印尼峇里島及泗水來回連稅HK$1,465起，雅加達HK$1,386起，其實都幾抵，不過如果學識貨幣轉換大法用印尼盾結算，可以再額外平一百幾至三百幾（大約打75折）。轉完之後，新加坡來回連稅HK$735起，峇里島及泗水來回連稅HK$1,104起，雅加達來回連稅HK$1,045起，極度吸引（尤其係峇里島，來回都係直航呀！傳統航空公司貴兩三倍有多）！想學識貨幣轉換大法？步驟如下（適用於任何虎航目的地）：

Step 1：開啟IE或Chrome瀏覽器（Firefox唔Work）

Step 2：先開一個Tab，去虎航官網搜尋您想去嘅任何地方（例如香港<->峇里島），揀選來回航班後就要停一停，唔好再按任何鍵

Step 3：喺瀏覽器上開另一個Tab，再去虎航官網搜尋機票，今次必須揀印尼出發（任何城市都得），目的地任何城市都得，來回日期又係任何日子都得，出咗搜尋結果後，唔好按任何鍵

Step 4：去番Step 1嘅Tab，剔選”同意條款”及按Continue鍵，系統會自動改用印尼盾報價，價錢大約為港幣結算之75折，想知港幣係幾多，可以喺Price Details下Click “Currency Converter”計一計。之後繼續如常填寫個人資料同俾錢就得（若然買行李寄艙同飛機餐，亦可一併用印尼盾結算，又慳番筆）。請留意信用卡公司會收取海外簽賬手續費，一般約1%-2%左右

大法就係咁簡單！唔明歡迎發問！

今次劈價之出發日期：01/01/2014 – 31/03/2014（新加坡）；16/12/2013 – 30/09/2014（峇里島）；17/12/2013 – 30/09/2014（泗水）；26/11/2013 – 30/09/2014（雅加達）

最後出票日期：04/12/2013

網址：www.tigerair.com

（覺得抵請記得按Like同Share俾朋友）

今日新加坡廉航相繼劈價，先報咗捷星（JetStar）先：佢推出新加坡出發買去程送回程優惠，至於香港亦有類似優惠，不過回程由$0變成$50，唔知點解！來回連稅最平HK$911起（不包行李寄艙及飛機餐，下同），出發日期為06/01/2014 – 22/01/2014；01/04/2014 – 17/07/2014；02/09/2014 – 25/09/2014．如果拆開香港<->新加坡及新加坡<->澳洲訂，仲有意外驚喜（代價係要自己拎行李轉機及可能須要喺新加坡過夜）！例如香港<->珀斯來回連稅共約HK$2,393起（出發日期30/04/2014 – 02/07/2014；23/07/2014 – 24/09/2014），香港<->達爾文來回連稅共約HK$2,562起（出發日期11/02/2014 – 02/04/2014；07/05/2014 – 17/06/2014），香港<->墨爾本來回連稅共約HK$3,675起（出發日期07/02/2014 – 02/04/2014；30/04/2014 – 25/06/2014；16/07/2014 – 17/09/2014），雖然都係澳洲淡季，但呢口價真係冇得彈，尤其係打算去Working Holiday朋友，不妨一次過買埋回程，就算回程最終用唔到都冇乜大損失；移民探親客就更正啦！回程唔駛被人限死晒，想留耐啲都得。最後出票日期為29/11/2013上午11點，趁依家唔多人知，搶啦！

網址：www.jetstar.com

（覺得抵請記得按Like同Share俾朋友）

00:49 25/11 Updated：真正開賣價（來回連稅計）：曼谷HK$898起，清邁HK$988起，布吉HK$1,198起，吉隆坡HK$968起，沙巴HK$988起（回程下午機都有靚價）

AirAsia剛公佈週一零晨00:00開倉價格，一睇，唔係特別筍喎！先講價錢：來回吉隆坡連稅HK$950起，沙巴HK$986起，曼谷HK$921起，布吉HK$1,230起，清邁HK$940起，相信實際價錢會再平幾十蚊，出發日期由05/05/2014 – 31/01/2015。以價論價，如果買到咁遠期期貨都仲係呢口價，好難即時入手囉（尤其沙巴回程頭班機及清邁回程時間勁早）！就以今年7月佢曾經開賣過嘅六個月以上超遠期期貨為例（詳情請睇：http://flyagain.la/?p=8485），起碼平三／四百蚊，咁先有睇頭，所以呢次AirAsia開倉吸引力只屬一般，除非您堅要去，否則遲買分分鐘仲抵。

地點 | 去程連稅 | 回程連稅

吉隆坡 | HK$518 | HK$432
沙巴 | HK$528 | HK$458
曼谷 | HK$438 | HK$483
布吉 | HK$588 | HK$642
清邁 | HK$483 | HK$457

網址：www.airasia.com

（覺得抵請記得按Like同Share俾朋友）

香港飛新加坡成日有平機票（競爭多，梗要劈），但澳門出發就極少有筍盤，今次虎航就有好嘢益澳門fans：呢幾日佢喺新加坡推出「買去程，送回程」優惠，出發日期為02/04/2014 – 19.07/2014（遠期期貨），Check過系統，原來就算澳門出發飛新加坡一樣得，只不過變成「買回程，送去程」而已，無所謂啦！去程就$0 + $140稅及油附（唔係日日有，數量亦唔太多），回程最平HK$850全包，加埋硬食嘅網上訂票手續費HK$114（呢項收費香港出發經已取消，但澳門出發仍然要俾），來回連稅HK$1,129起，係就冇酷航平到來回連稅六七舊咁So，但計番香港<->澳門船飛錢，呢個價仍屬抵買範圍，而且慳番唔少轉機時間呢！澳門fans想去環球影城／Legoland？依家去虎航官網訂啦！記住要見到Return for free + tax先係HK$0機票，最後出票日期為17/11。

網址：www.tigerair.com

（覺得抵請記得按Like同Share俾朋友）

P.S. 話時話，虎航訂票介面改革咗，更加似酷航，靚仔咗，有進步！

打打打打打！新加坡戰線又有新火頭！今次挑機係新航！佢見國泰劈到HK$830咁爽，佢又同樣劈到HK$830（連稅HK$1,622）！出發日期由依家到15/12；01/01 – 23/01；10/02 – 31/03，同國泰睇齊，去程限搭SQ857（09:05 / 12:55）／SQ891（12:30 / 16:20）／SQ871（19:55 / 23:45），回程限搭SQ890（07:35 / 11:20）／SQ856（09:30 / 13:30 A380班次）／SQ866（13:05 / 17:00 A380班次）／SQ872（15:05 / 18:50），坐A380都係HK$830？真係抵到冇嘢好講！機票有效期7日，去新航官網買同ZUJI都一樣價錢。

既然阿媽都咁劈，阿仔（虎航 / 酷航）點算好呢？會唔會來回連稅再劈到HK$4xx？係就每個禮拜飛去新加坡食海南雞飯／肉骨茶喇～

網址：www.zuji.com.hk / www.singaporeair.com

（覺得抵請記得按Like同Share俾朋友）

捷星又劈啦！為慶祝香港<->新加坡航線乘客突破200萬，今日推出新一輪劈盤，航線眾多，其中以香港<->新加坡最抵：單程連稅HK$499起，來回連稅HK$1,090起，出發日期為明年07/01 – 23/01；11/02 – 26/03；22/04 – 22/05；03/06 – 26/06；其次係香港<->奧克蘭（經新加坡轉機），單程連稅HK$3,536起，打算去新西蘭Working Holiday朋友要留意喇（出發日期11/02 – 26/03；22/04 – 22/05；03/06 – 26/06）！其他減價盤仲包括印尼四條航線（新加坡轉機）：棉蘭（單程連稅HK$1,075起）／雅加達（單程連稅HK$1,075起）／泗水（單程連稅HK$1,138起）／峇里島（單程連稅HK$1,300起），當中因為棉蘭冇直航機，所以最抵買，其他可以買俾印印回鄉之用。以上特價機票最後出票日期為11/11/2014 23:59，有買趁手！

網址：www.jetstar.com

（覺得抵請記得按Like同Share俾朋友）