請即Like 又飛啦！Facebook Page
馬航又玩晒冷劈，今次航點集中東南亞／中亞及澳洲，出發日期為明年2至3月，最有睇頭依然係吉隆坡同沙巴：吉隆坡來回淨機票HK$1,133起，連稅HK$1,868起，去程限坐夜機MH433（20:40 / 00:30+），回程冇限制睇供應，如果想坐其他班次就加HK$50，仍屬射程範圍；沙巴來回淨機票HK$1,333起，連稅HK$2,068起，雖然比廉航香港快運同AirAsia貴幾舊，但馬航呢口價包埋行李寄艙同飛機餐，絕對唔輸蝕。出發日期為06/02/2014 – 31/03/2014，機票有效期14日。
每次馬航晒冷劈，聰明嘅朋友都會吼埋佢商務艙優惠，皆因的確堅抵，例如飛馬爾代夫來回淨機票HK$4,333起，連稅HK$7,227起，呢個價買國泰直航都只能坐經濟位；至於悉尼同墨爾本，來回淨機票HK$8,333起，連稅計，悉尼HK$12,558起，墨爾本HK$12,423起，呢個價買國泰／維珍／澳航只可以坐豪華經濟位！衰在轉機啫！從另一角度睇，搭耐啲咪歎耐啲囉！以上機票有效期為30日。
（覺得抵請記得按Like同Share俾朋友）
留言