直航關島嘅筍盤，對上一次報已經係上年1月30日！剛剛事隔一年，平嘢返嚟啦！出發日期由依家至2月14日，2月25日至3月31日，4月6日至27日，搭聯合航空直飛關島，來回淨機票HK$3,098起，連稅HK$3,843起（剛剛減燃油附加費，抵上加抵），直航呢口價好耐冇見過，值得大家趁低吸納，歎番個久違嘅陽光與海灘！至於轉飛隔離嘅塞班島，來回淨機票HK$3,664起，連稅HK$5,562起，差咁遠係因為稅款貴成千，唔明點解！Check過系統，供應量足，大節日無。機票有效期45日，ZUJI比官網平3舊幾，梗係上ZUJI訂。

提提您：雖然關島同塞班島都係美國托管，持有BNO及特區護照入境可享免簽證逗留45天（護照有效期須超過6個月）。

網址：www.zuji.com.hk

（覺得抵可用Whatsapp同LINE Share俾朋友架）

直航罕割！聯合航空飛關島來回$3,098起，塞班島$3,664起，4月27日前出發

飛馬爾代夫仲平過去日本？斯里蘭卡航空推出馬爾代夫超平盤！出發日期由依家至3月31日，來回淨機票HK$1,049起，連稅HK$3,310起，呢口價飛馬爾代夫仲平過廉航虎航（來回連稅都要三千頭兼唔包行李及飛機餐），所以斯航仲要包30kg行李真係諗得過。Check過系統，3月頭供應量多，復活節前後同農曆年期間都冇。機票有效期1個月，最後訂票日期為1月31日，可以上ZUJI訂。

網址：www.zuji.com.hk

（覺得抵請記得按Like同Share俾朋友）

勁抵！馬上起程！斯里蘭卡航空來回馬爾代夫$1,049起，3月31日前出發

斯里蘭卡航空推出年尾限時75折劈！無論經濟艙定商務艙都有減，參與城市達21個，出發日期由2015年2月1日至3月31日，由香港出發飛科倫坡，或經科倫坡轉機飛班加羅爾、德里、馬爾代夫、阿布扎比、杜拜、多哈、倫敦、巴黎、羅馬、莫斯科等都有，其中折咗之後，最值得推介嘅係馬爾代夫HK$1,880起、連稅HK$4,141起；科倫坡HK$2,670起、連稅HK$4,241起；杜拜HK$2,800起、連稅HK$5,437起；羅馬HK$2,850起、連稅HK$6,047起。仲有其他航點都值得大家上去睇睇價錢，至於農曆年期未見有驚喜，另外，曼谷線亦未有參與今次優惠。提提您，機票有效期14日，最後出票日期為12月31日，啱就上官網買啦。

網址：www.srilankan.com

（覺得抵可用Whatsapp同LINE Share俾朋友架）

斯里蘭卡航空年尾限時75折劈！來回馬爾代夫$1,880、科倫坡$2,670、杜拜$2,800、羅馬$2,850，12月31日前截飛

唔知您覺得人間天堂係邊呢？馬爾代夫？夏威宜？毛里求斯？……今日介紹俾大家嘅優惠帶大家嚟到帛琉！帛琉除咗有豐富的海洋生態，綠藻、熱帶魚、珊瑚….仲可以喺紅樹林泛舟，到北島斷層潛水或者去行叢林古道。不過想去帛琉玩，原來又唔係好貴，中華航空推出經台北飛科羅爾（帛琉）優惠，出發日期由2015年1月1日至12月31日（旺季及暑假除外），來回機票HK$3,850起，連稅計HK$4,380起，呢套飛最大賣點係一雞兩味，可以順便玩埋台北先返，Check過系統，淡季供應量都足，其中3月大部份日子都有飛，至於復活節出發都有呢口價（請4日假玩8日，3月29日出發至4月5日返），機票有效期1個月，呢個屬於長期優惠，賣哂就冇，啱就上Expedia買啦。

網址：www.expedia.com.hk

（覺得抵請記得按Like同Share俾朋友）

華航一雞兩味！先玩人間天堂帛琉再玩台北，來回$3,850起，2015年12月31日前出發

虎航推出新加坡飛馬爾代夫優惠，出發日期由2015年1月5日至5月29日，來回連稅SGD$239起（約HK$1,428起），呢口價真係正到痺。咁香港去新加坡點算？可以考慮酷航或國泰（香港來回馬爾代夫連稅計HK$2,943）。如果嫌煩唔想分開訂，不如全程虎航，全程連稅計HK$2,605起。無論坐咩機加埋都唔駛HK$3千，就可以去到人間天堂，加上，仲可以自制停留新加坡，玩哂兩個地方，確實抵呀。Check過系統，淡季期間供應足，廉航沒有機票有效期，想玩耐啲都得，最後出票日期為11月23日，啱就上官網買啦。

航班時間：

新加坡->馬爾代夫：TR2502 09:20-11:10（週日、一、三、五）
馬爾代夫->新加坡：TR2503 11:55-19:20（週日、一、三、五）

網址：www.tigerair.com

（覺得抵可用Whatsapp同LINE Share俾朋友架）

虎航15年早盤，新加坡平飛馬爾代夫，來回連稅$1,428起，11月23日前截飛

亞洲萬里通（Asia Miles）推出Last minutes里數7折劈！出發日期由依家至12月16日，香港來回峴港、福岡、沙巴、馬爾代夫、名古屋、大阪、金邊、雅加達、科倫坡同仰光都有，而且包括經濟艙、特選經濟艙同商務艙，無論係旅遊定工幹都啱用。呢次折扣好吸引，其中來回峴港7折後只要10,500里、沙巴14,000里，如果要年尾清假，又要清吓就過期嘅里數，就即刻換套飛玩吓啦！提提您，最後兌換日期為11月30日。

七折里數航點及客艙：

Hong Kong 香港 ↔ Da Nang 峴港（商務艙 / 經濟艙）
Hong Kong 香港 ↔ Kota Kinabalu 沙巴（商務艙 / 經濟艙）
Hong Kong 香港 ↔ Phnom-Penh 金邊（商務艙 / 經濟艙）
Hong Kong 香港 ↔ Fukuoka 福岡（商務艙 / 經濟艙）
Hong Kong 香港 ↔ Nagoya 名古屋（商務艙 / 經濟艙）
Hong Kong 香港 ↔ Osaka 大阪（商務艙 / 經濟艙）
兌換網頁：http://asiamil.es/1vkQc6a

Hong Kong 香港 ↔ Jakarta 雅加達（特選經濟艙 / 經濟艙）
Hong Kong 香港 ↔ Male 馬爾代夫（特選經濟艙 / 經濟艙）
兌換網頁：http://asiamil.es/1BJJJod

Hong Kong 香港 ↔ Colombo 科倫坡（商務艙 / 特選經濟艙 / 經濟艙）
兌換網頁：http://asiamil.es/1EY0aLW

Hong Kong 香港 ↔ Rangoon 仰光（經濟艙）
兌換網頁：http://asiamil.es/1uoVLgn

（覺得抵可用Whatsapp同LINE Share俾朋友架）

亞洲萬里通（Asia Miles）Last minutes里數7折劈，熱點包括峴港、沙巴、福岡、名古屋、大阪、金邊、仰光、馬爾代夫等，11月30日前出票

想喺秋冬前直航馬爾代夫嘆吓，不妨睇睇港航Last Minute盤，出發日期由依家至10月12日：扣除紫荊會會員喺完成旅程後可獲100 eCredits回贈（免費申請網址：http://flyagain.la/bmiles），直航馬爾代夫馬累來回淨機票HK2,680起，連稅HK$4,667起。呢口直航價連稅唔過HK5千，都算吸引入得過。Check過系統，機票數量唔多，主要集中喺9月尾。機票有效期為5日，賣晒就無，上官網訂啦！

航班時間：（隔日一班）

去程： HX787 15:55-19:45

回程： HX790 20:55-06:00+1

網址：www.hongkongairlines.com

（覺得抵可用Whatsapp同LINE Share俾朋友架）

港航飛馬爾代夫來回$2,680起，10月12日前出發

去蜜月，想特別啲，如果筆值多少少又想私隱度高，不如飛去太平洋小島過一個二人世界啦！近排新西蘭航空推出太平洋小島嘅平盤，出發日期由10月21日至11月27日：每位來回淨機票HK$4,690起，連稅計：薩摩亞HK$7,729起、瓦努阿圖HK$7,787起（!!）、斐濟HK$7,861起、新喀里多尼亞HK$7,881起、東加HK$7,998起、大溪地HK$8,844起、庫克島HK$9,198起。除咗斐濟有Air Pacific香港直航外，其他地點都必須轉機，以呢個價錢飛咁冷門嘅渡假天堂，值得一試（平時連稅價起碼一萬）。呢套飛兩大賣點：1. 可免費停留奧克蘭，探親或玩埋都得；2. 機票有效期3個月。Check過系統，機票供應足，最後出票日期為9月14日，啱就可以上官網或ZUJI買飛啦。

官方網址：www.airnewzealand.hk

ZUJI網址：www.zuji.com.hk

（覺得抵可用Whatsapp同LINE Share俾朋友架）

一雞兩味！我想去玩嘅地方！新西蘭航空飛太平洋小島來回機票$4,690起