服務水平超高嘅新加坡航空繼日前推出經新加坡飛印尼峇里嘅筍盤之後，近期亦都出咗經新加坡飛馬爾代夫馬累嘅盤，出發日期由8月27日-11月30日，香港來回馬爾代夫馬累淨機票HK$2,050起，連稅計HK$4,757起，以坐新航嚟計，呢口價確實吸引！呢套飛除咗可以揀A380航班飛新加坡之外，仲可以一雞兩味玩完馬爾代夫再玩新加坡都得。Check過系統，呢口價供應量足，旺季例如暑假（8月27日去-8月31日返）、中秋（9月5日去-9月9日返）、國慶（9月28日去-10月2日返）都有，機票有效期為14日，最後訂票日期為9月30日，啱就上Expedia買啦！

網址：www.expedia.com.hk

（覺得抵可用Whatsapp同LINE Share俾朋友架）

新加坡航空又嚟一雞兩味！淡季飛馬爾代夫，來回$2,050起

直航馬爾代夫，港航價錢仲靚過fanfares（又唔駛等添）：扣除紫荊會會員喺完成旅程後可獲100 eCredits回贈（免費申請網址：http://flyagain.la/bmiles），直航馬爾代夫馬累來回淨機票HK2,180起，連稅HK$4,209起，比對手fanfares價仲要平HK$1,210，比轉機只係貴幾舊水，吸引到呢！出發日期由8月27日至10月12日，Check過系統，如果想暑假出發，呢口價8月27日出發仲有少量存貨；中秋期間9月6日出發都有！不過國慶期間就無喇。機票有效期為5日，賣晒就無，上官網訂啦！

航班時間：（隔日一班）

去程： HX787 15:55-19:45

回程： HX790 20:55-06:00+1

網址：www.hongkongairlines.com

（覺得抵請記得按Like同Share俾朋友）

激抵！港航飛馬爾代夫來回$2,180起，暑假中秋都有

國泰出完Fanfares去馬爾代夫，港航16/7復飛，推出劈盤反擊！扣埋紫荊會會員直減HK$100（首次）或提供HK$100 eCredits回贈（第二次後）（免費申請網址：http://bit.ly/XiCJvm），香港直航往返馬爾代夫只需HK$3,090起，連稅HK$5,119起，出發日期由25/8 – 20/10，呢口價雖然唔及港航上年嘅最低位，但Check過系統，8月尾暑假都仲有貨，想一家大細去人間天堂度吓假，享受馬爾代夫嘅藍天白雲都係唔錯嘅選擇！機票有效期為5日，賣晒就無。上官網訂啦。

航班時間：（隔日一班）

去程： HX787 15:55-19:45

回程： HX790 20:55-06:00+1

網址：www.hongkongairlines.com

（覺得抵請記得按Like同Share俾朋友）

港航反擊劈盤！香港直航馬爾代夫$3,090起

成日講台日韓，今次帶大家遠赴太平洋島國：斐濟群島。斐濟航空（Fuji Airways）推出咗下半年度劈盤：來回淨機票HK$3,940起，連稅HK$6,696，出發日期由16/06 – 30/06、10/09 – 25/09及04/10 – 11/12，價錢唔錯！斐濟航空每週有三班直飛納迪班次，去程逢週二／五／日搭FJ392（17:10 / 07:20+1），回程逢週一／四／六搭FJ391（22:00 / 04:30+1），去程請半日假，回程可以玩到盡先上機，返到香港即返工，咁又慳番一日假。Check過系統，跨中秋節（07/09 – 11/09）都仲有呢口價，想去睇下迷人嘅心形沙灘、陽光同埋大洋洲島國風土人情，呢度冷門平盤，玩得過！機票有效期1年，最後出票日期為30/6，可上ZUJI買。

網址：www.zuji.com.hk

（記得按下面「讚好」Share俾Facebook朋友）

冷門劈！斐濟航空直航斐濟納迪來回$3,940起，12月11日前出發

又有馬爾代夫平盤執。斯里蘭卡航空同國泰航空有一隻組合盤，來回淨機票HK$2,310起，連稅HK$4,571起，不過平係有代價：皆因要轉2次機，先搭國泰飛曼谷，然後轉搭斯航去哥倫坡，最後再轉飛馬代，中間不設中停，不過勝在機票有效期長達1個月，可以慢慢玩，加上Check過系統，供應量多，暑假及其他大節日都有貨賣。對手廉航虎航來回連稅都要三千頭兼唔包行李及飛機餐，計落斯航係諗得過的。至於直航，港航賣緊連稅約HK$6,639起，差HK$2,068，揀邊隻，自己諗。出發日期由依家到18/12，可以上ZUJI訂。

網址：www.zuji.com.hk

（覺得抵請記得按Like同Share俾朋友）

斯里蘭卡航空飛馬爾代夫來回$2,310起，連稅$4,571起，暑假都有

今次帶大家遠赴太平洋島國：斐濟群島！斐濟航空（Fuji Airways）3月做過一次劈價，今次再劈多HK$500，更有睇頭：來回淨機票HK$3,940起，連稅HK$6,694，出發日期由依家到29/6。每週有三班直航班次，去程逢週二／五／日搭FJ392（17:10 / 07:20+1），回程逢週一／四／六搭FJ391（22:00 / 04:30+1），去程請半日假，回程可以玩到盡先上機，返到香港即返工，咁又慳番一日假。Check過系統，跨端午節都有呢口價，建議向後請週二至四共三日，平玩呢個渡假勝地吧！機票最長可逗留至30/6，最後出票日期為15/6，可以上ZUJI買。

網址：www.zuji.com.hk

（記得按下面「讚好」Share俾Facebook朋友）

再劈！斐濟航空直航斐濟來回$3,940起，6月29日前出發

前日先介紹虎航飛馬爾代夫平機票，嫌虎航要轉機+廉航？呢隻直航盤都OK Good：美佳航空（Mega Maldives，航班代碼正係LV）推出Last Minute劈，只要28/3前回程返港，來回淨機票US$271起（約HK$2,114），連稅US$550起（約HK$4,290），比國泰平一半。由於港航已暫時停飛呢條線（不過傳佢5月開番），今個月想平飛馬代，呢隻最抵玩啦！美佳航空係傳統航空公司，呢口價已包行李寄艙（每人20kg）及飛機餐。至於航班，唔係日日都有機，去程逢一／四，回程逢一／五，時間如下：

LV137 HKG 0950 / MLE 1335 逢週一／四
LV136 MLE 1315 / HKG 1025+1 週五
LV136 MLE 2140 / HKG 0655+1 週一

網址：www.megamaldivesair.com

（記得按下面「讚好」Share俾Facebook朋友）

自從港航冇再飛馬爾代夫，想平平哋去呢個人間天堂，唯有靠廉航幫手。虎航新加坡站做緊買去送回優惠，其中包括新加坡<->馬爾代夫航線，只要配合另一張虎航香港<->新加坡機票，連稅最低可以做到HK$2,430起，出發日期為25/6 – 24/10，不過Check過系統，連稅一般去到三千鬆啲，但由於8月中下旬少量日子都有呢口靚價（例如圖中嘅23/8去27/8返），仍然值得推介，不過講明先：數量有限，睇啱就買！以上格價不包行李寄艙及飛機餐。

虎航新加坡<->馬爾代夫逢一／三／五／日各飛一班，時間如下：

TR2502 SIN 0935 – 1120 MLE 320 1,3,5,7
TR2503 MLE 1210 – 2020 SIN 320 1,3,5,7

由於去程新加坡出發太早 + 回程到新加坡太晚，香港來回都唔可以立即駁機，變相來回都要瞓新加坡機場，要留意。

網址：www.tigerair.com

（覺得抵請記得按Like同Share俾朋友）