上週同大家介紹過淡季超平歐洲機票，不過都係轉機，咁香港直航呢？都有平，今次先介紹英航，直航倫敦來回淨機票HK$4,380起，連稅HK$7,831起，賣點係22/10起有得搭全新A380機（記得去程揀BA26（23:25/04:50），回程揀BA25（18:35/14:10）），而出發日期更去到明年31/3，機票有效期又有2個月，比一般平機票抵。Check過系統，呢一刻訂明年農曆新年都有呢口價，咁又唔錯喎！想轉飛其他英國城市？英航淨機票一樣HK$4,380，連稅就睇您揀邊個城市，例如曼徹斯特就HK$8,644起，至於歐洲城市，比較貴，唔建議買喇！最後出票日期16/3。

網址：www.britishairways.com

（覺得抵請記得按Like同Share俾朋友）

尋日我哋「又飛啦！」率先介紹嘅國航超平歐洲機票，您有冇買先？怕Delay？得！今次就介紹平霸Number 2：俄航！佢剛推出歐洲機票優惠，飛歐洲多國來回淨機票HK$2,464起，連稅計，斯德哥爾摩HK$5,517起，馬德里HK$5,612起，米蘭HK$5,615起，羅馬HK$5,665起，慕尼黑HK$6,035起，法蘭克福HK$6,144起，雖然價錢比國航貴啲，但機票有效期長達半年（165日），比國航更有睇頭。最後出發日期話就話28/2/2014，但Check過系統，呢個價主要集中喺12月前，呢一點就輸番俾國航喇！最後出票日期為9/9，去ZUJI訂飛。

網址：www.zuji.com.hk

（覺得抵請記得按Like同Share俾朋友）

飛歐洲，最平可以去到幾盡？答案竟然唔駛HK$5,xxx！唔係漏洞，堅架！國航剛狼劈歐洲淡季機票，來回淨機票一律HK$2,590起，連稅計，日內瓦HK$4,846起，斯德哥爾摩HK$4,851起，馬德里HK$4,946起，米蘭HK$4,949起，羅馬HK$4,999起，雅典HK$5,105起，杜塞爾多夫HK$5,147起，慕尼黑HK$5,189起，巴黎$5,209起，法蘭克福HK$5,210起，倫敦HK$6,163起，來回仲可以Open Jaw（即揀不同城市往返），比起平霸卡塔爾航空仲要平成千幾蚊！事實上，4,xxx呢口價的確係近年罕見，Check過系統，雖然唔係日日都有咁平，但連農曆新年及大節日都有呢批價！咁就要快啲搶喇！機票有效期1個月，最後出發日期31/3/2014，最後出票日期為30/9/2013。

網址：www.airchina.hk

（覺得抵請記得按Like同Share俾朋友）

計一計，上一次介紹瑞士航空筍盤已經係10/9/2012，即係將近一年喇！鬼咩！瑞航極少有靚價，今年秋冬又有喇！出發日期：4/10/2013 – 23/1/2014，飛歐洲一眾城市（須於蘇黎世轉機）來回淨機票HK$3,500起，連稅約HK$6K左右，同卡塔爾／阿聯酋航空相若，但機票有效期長達3個月，以瑞航嚟講真係少見，值得留意！至於航點，包括：阿姆斯特丹、巴塞隆拿、伯明翰、布魯塞爾、布達佩斯、哥本哈根、都伯林、佛羅倫斯、里斯本、倫敦（希斯路）、倫敦（城市機場）、馬德里、馬拉加、曼徹斯特、米蘭、尼斯、巴黎、布拉格、羅馬、斯德哥爾摩、維也納、威尼斯、華沙等等，可以揀不同城市往返（Open Jaw）。瑞士航空官網有樣好：佢會幫您用月曆形式Show晒邊啲來回日子有特價飛，唔駛您逐日逐日搵咁煩！

網址：booking.swiss.com

（覺得抵請記得按Like同Share俾朋友）

未食早餐呀？阿聯酋航空已準備一大盤早餐等各位慢用！佢一口氣推出多條航線早餐盤（包括歐洲及美國東岸），出發日期由7/10/2013去到31/3/2014（不包括1/1/2014 – 12/1/2014；28/1/2014 – 3/2/2014 農曆新年期間），拉到咁鬼長，方便晒想一早Plan定行程嘅Fans，買咗唔駛心掛掛呢！至於價錢，尚算可以，一般淡季價啦！來回連稅計，飛歐洲有莫斯科（HK$6,285起）／米蘭（HK$6,552起）／蘇黎世（HK$6,618起）／慕尼黑（HK$6,798起）／巴黎（HK$6,811起）／法蘭克福（HK$6,923起）／斯德哥爾摩（HK$7,151起）／維也納（HK$7,151起）／倫敦希斯路（HK$7,745起），至於美國東岸，飛紐約HK$7,932起，華盛頓HK$8,212起，以飛咁遠嚟講都算幾實惠，機票有效期1個月。Check過系統，供應量足，有興趣可上阿聯酋官網望望。遲啲再平？會唔會再有漏洞機票？點知呢！最後出票日期為31/8。

網址：www.emirates.com

（覺得抵請記得按Like同Share俾朋友）

星期一好奄悶… 我．要．去．旅．行．呀！但都要有$$$先得架？今日就參加Citibank漫畫對白創作比賽，頭獎贏$50,000旅遊現金券，夠您同Honey 坐商務客位去巴黎／馬爾代夫／澳洲／日本／南美洲…..！與其等喺公司密密做慢慢儲$ ，不如立即玩呢個比賽，一次過贏夠$$$去巴黎！

二獎同三獎亦分別有HK$8,000同HK$2,000太古旅遊現金券！

立即參加按此：http://hk.lifestyle.yahoo.com/citiatmcard

增加勝算方法：http://flyagain.la/?p=8839 （創作6格漫畫故事，贏$50,000即飛！）

（覺得正請記得按Like同Share俾朋友）

法航為慶祝香港<->巴黎航線開通75週年，今日起推出新優惠：經法航官網購買香港<->巴黎來回機票（出發日期為1/11 – 31/12），使用Promotion Code：75HKAF406，即可打75折，以佢條款上最低票價要求來回淨機票HK$5,250去計，打75折即係HK$3,938起（稅冇折），加埋稅約HK$6,315起，不過心水清朋友會發現：車！依家冬季佢最平來回淨機票都只係HK$4,010起之嘛（連稅約HK$6,387起）！係！不過遇著您心水日子冇呢口價（尤其係12月近聖誕節時段），淨機票貴過HK$5,250嘅，咪利用今次Promotion Code幫手囉！所以都有用得著嘅地方．最後出票日期為下週一（12/8）中午12:00。

網址：www.airfrance.com.hk

（覺得抵請記得按Like同Share俾朋友）

09:35am 25/7 Updated： 謝謝fans Judi Chiu指正，標題價錢已更改

10月雖然唔係暑假，但仲係南歐旅遊好季節，皆因天氣唔似暑假咁熱。仲記得小弟上年8月坐遊輪去意大利同希臘玩，天氣熱到爆燈！不過坐遊輪玩地中海的確非常方便，除咗省卻唔少搭飛機時間，又唔駛日日換酒店，兼且一個價錢包三餐包住宿包交通仲包埋船上精彩娛樂，保證唔會悶，呢種旅遊方法，其實好Fit講求實效嘅香港人。所以今次介紹一隻遊輪筍盤：坐Royal Caribbean嘅海洋領航者號（Navigator of the Seas），8日7夜玩盡意大利羅馬及西西里島 + 希臘雅典及哈尼亞 + 土耳其以弗所，喺羅馬上船及落船，每人淨船費HK$2,840起，連稅約HK$5,428起（包括港口服務費HK$1,365，碼頭稅HK$567，船上服務小費HK$656），比平時平一大截（我上年坐另一間郵輪，8月去同樣日數埋單都要HK$11K）！幫大家Check過，6/10，13/10同埋20/10都有呢個價錢。呢隻海洋領航者號，有1,557間房，最多可容納3,800+乘客，隻船有13萬8千噸夠晒巨型！包括有3層高嘅劇院，仲有溜冰場／滾軸溜冰滑道！當然仲有戶外游泳池，同埋大家至Like嘅賭場啦！至於香港羅馬機票，10月份搭卡塔爾同國航都幾抵，連稅約HK$6K左右，總之兩條數加埋一萬頭，唉！最衰我冇假啦！

溫馨提示：由於艙房供應情況及不同出發日子會使產品價格浮動，以上價錢只作參考並以報名時作準，詳情請向皇家加勒比國際遊輪香港代表職員查詢。

查詢電話：2316 1308

網址：https://www.facebook.com/RoyalCaribbeanHongKong

（覺得抵請記得按Like同Share俾朋友）