尋日我哋「又飛啦！」率先介紹嘅國航超平歐洲機票，您有冇買先？怕Delay？得！今次就介紹平霸Number 2：俄航！佢剛推出歐洲機票優惠，飛歐洲多國來回淨機票HK$2,464起，連稅計，斯德哥爾摩HK$5,517起，馬德里HK$5,612起，米蘭HK$5,615起，羅馬HK$5,665起，慕尼黑HK$6,035起，法蘭克福HK$6,144起，雖然價錢比國航貴啲，但機票有效期長達半年（165日），比國航更有睇頭。最後出發日期話就話28/2/2014，但Check過系統，呢個價主要集中喺12月前，呢一點就輸番俾國航喇！最後出票日期為9/9，去ZUJI訂飛。

網址：www.zuji.com.hk

（覺得抵請記得按Like同Share俾朋友）

日航又劈日本機票，不過今次係期貨盤，出發日期為明年2/1 – 23/1；9/2 – 15/3，須2人同行，直航東京來回淨機票每人HK$2,280起，連稅HK$3,043起，講真唔算最平，不過幾適合想一早Plan定晒行程人士選購（想再平？等埋香港快運10月底推羽田線先啦！小弟今次一定忍手）。今次賣點反而係飛其他日本城市，皆因一如以往優惠：每人可以追加最多2程國內線機票（每程HK$500），最著數梗係飛札幌啦！雖然喺東京轉機，但來回連稅亦只係HK$4,184起，比直航平三四千。總之所有日航國內線航班（以JL及NU航班編號）都可以揀（多達30個目的地），以日航咁強網絡，您大可以順道去埋其他小鎮，充份利用今次優惠。機票有效期10日，行李寄艙最多可帶2件23kg，亦係日航賣點之一。最後出票日期為10/9。

揀其他日本城市之溫馨提示：

1. 千萬要記住：一定要喺訂飛時一併加埋其他城市（搜尋器上揀”停留2個或以上城市”），一旦出咗票（香港<->東京Only）就唔可以追加架！
2. 可以Open Jaw：去程可揀A城市，回程揀B城市（兩地均以東京做起點／終點），中間A去B就自己諗辦法
3. 只可以停留東京一次，不能來回皆停東京，去或回程停就自己揀
4. 轉機地點有時喺羽田機場！請預鬆轉機時間

網址：www.hk.jal.com

（覺得抵請記得按Like同Share俾朋友）