酷航又嚟喇！今次開賣新加坡同澳洲各線嘅平盤，仲比上次優惠平咗少少，出發日期由依家至2015年1月31日，來回連稅計：新加坡HK$718起，珀斯HK$2,210起（已包來回程Scoot-Thru轉機服務），悉尼 / 黃金海岸HK$2,968起。酷航係星、澳線嘅平盤，一如以往都係咁抵，其中澳洲航線嚟到夏天淡季，呢口價好吸引。Check過系統，旺季時段未見，想去就主攻淡季。而酷航可以分開買單程，啱晒去Working Holiday／留學／探親朋友選購。如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由依家至11月16日晚上11時59分。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 07:20-11:10
回程：TZ220 01:50–05:45

網址：www.flyscoot.com

（覺得抵可用Whatsapp同LINE Share俾朋友架）

酷航又劈，來回連稅新加坡$718，珀斯$2,210，悉尼/黃金海岸$2,968起，2015年1月31日前出發

虎航推出明年早餐盤優惠，出發日期由2015年1月7日至2月11日，來回新加坡淨機票HK$375起，連稅計HK$888起，呢口價真係好抵買，而且時間冇酷航咁癲，都入得手。另外，今次優惠仲包括經新加坡轉機飛馬來西亞、印度同澳洲等，來回連稅計：檳城HK$1,133起、雅加達HK$1,336起、布吉HK$1,426起、欽奈HK$2,119起、海德拉巴HK$2,530起、柯欽HK$2,613起、蒂鲁吉拉伯利HK$2,969起、班加羅爾HK$2,716起、柏斯HK$3,527起。以上各價都算OK，不過駁機時間較差，絕多數航點來回都要停一晚獅城，唔介意都可入手。Check過系統，新加坡線以一月期間供應量最多，其他地方供應量足，想過Long Weekend都得。至於想去印度嘅要留意當地為黃色旅遊警示，而我哋都唔建議女仕們獨自出發，去印度都係人多啲，有照應會更好！以上價格不包行李寄艙及飛機餐，最後出票日期為11月2日。

網址：www.tigerair.com

（覺得抵可用Whatsapp同LINE Share俾朋友架）

爆平！虎航早餐盤，來回新加坡$375起，經新加坡轉機都有平，11月2日截飛

中華航空推出新世代長途航線優惠，經台北飛紐西蘭同美加都有優惠。先講紐西蘭基督城，出發日期由12月1日至12月10日、2015年1月10日至1月31日：經台北轉機飛基督城（中停悉尼）來回機票HK$2,777起，連稅HK$4,801起，由於香港無直航基督城，所以唔洗HK$5K飛到真係好平；至於美加航線，出發日期由依家至12月10日、2015年1月10日至1月31日：經台北轉機來回HK$3,177起，連稅計三藩市/洛杉磯HK$5,450起、溫哥華HK$5,510起、夏威夷HK$5,674起、紐約HK$6,150起，整體價錢比之前嘅Lucky 7仲吸引，不過就唔可以停台北玩番幾日。Check過系統，平機票主要集中1月期間平日出發，機票有效期為1個月，啱就上官網買啦。

網址：www.china-airlines.com

（覺得抵可用Whatsapp同LINE Share俾朋友架）

華航早餐盤，來回紐西蘭$2,777、美加$3,177起，1月31日前出發

捷星（Jetstar）推出優惠，出發日期由10月28日至11月13日、2015年1月7日至2月12日、4月14日至5月28日（視乎航點），來回淨機票HK$598起，連稅HK$1,126起；至於經新加坡轉機來回：峇里HK$1,170起，連稅HK$1,790起、達爾文HK$990起，連稅HK$2,355起、珀斯HK$1,650起、連稅HK$3,058起。呢口價嚟講以達爾文線最有睇頭，由於香港無直航，加上係澳洲夏天旺季，啱價啱日子可即買，至於新加坡唔算超平，只適合剛需人仕使用。Check過系統，飛新加坡供應量足，Loog Weekend週五飛週日返都有，至於其他轉機航線，平飛供應量唔多，以平日為主。以上價格不包行李寄艙同飛機餐，最後出票日期為10月13日23:59。

網址：www.jetstar.com

（覺得抵可用Whatsapp同LINE Share俾朋友架）

捷星限時優惠，來回新加坡$598、峇里$1,170、達爾文$990、珀斯$1,650起，10月13日截飛

聽日中午12:00，酷航會開倉賣新加坡／珀斯／悉尼／黃金海岸早餐盤，出發日期由2015年3月29日至10月24日，來回連稅計：新加坡HK$723起，珀斯HK$2,380起（已包來回程Scoot-Thru轉機服務），悉尼 / 黃金海岸HK$2,808起，同上次劈價差唔多。新加坡呢口價都算平，至於想去澳洲可先睇年頭年尾時段，始終香港嘅暑假係澳洲冬天，吸引力較低。不過酷航勝在可以分開買單程，啱晒去Working Holiday／留學／探親朋友選購。如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由聽日中午12點至9月28日晚上11時59分。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 06:55-10:55
回程：TZ220 01:50–05:45

網址：www.flyscoot.com

（覺得抵可用Whatsapp同LINE Share俾朋友架）

酷航早餐盤，來回連稅新加坡$723，珀斯$2,380，悉尼黃金海岸$2,808起，聽日中午12點開劈

華航Lucky 7優惠去到第4週，今晚00:00開賣。今次賣澳洲悉尼及新西蘭基督城平貨：來回淨機票HK$2,777起，連稅計，悉尼HK$5,422起，基督城HK$4,862起，出發日期：悉尼9月22日至9月28日、10月3日至12月10日、1月10日至1月31日；基督城12月1日至10日、1月10至31日（逢週一／四／六）。以價論價，悉尼可以不理（轉機呢口價不如坐酷航），但基督城就唔同睇法，雖然除咗台北轉機外仲要中停悉尼，但來回連稅唔駛HK$5K，搭廉航都唔得呀！呢口價值得考慮。一如以往，加HK$9,000來回可坐商務艙，都建議大家加錢歎長途。機票有效期21日，不可中停台北，最後出票日期為9月24日。

網址：www.china-airlines.com

（覺得抵可用Whatsapp同LINE Share俾朋友架）

華航飛澳洲悉尼及新西蘭基督城$2,777起，加$9,000來回可坐商務艙，1月31日前出發

澳洲虎航今日出咗隻澳洲內陸線早餐盤，極品抵買，值得即搶：出發日期為2015年4月28日至5月27日，阿德萊德來回墨爾本，阿德萊德來回悉尼，布里斯本來回開恩茲，黃金海岸來回悉尼，共1,500張平飛限時拋售！只限週二及三出發，單程連稅AUD15（HK$105），來回連稅AUD30（HK$210），不過用非澳洲信用卡每位每程要俾AUD8.5信用卡手續費，咁單程連稅連手續費就係AUD23.5（HK$164.5），來回全包係AUD47（HK$329），雖然無啦啦俾人屈手續費，但加埋都仲係勁抵，有心去（特別係玩緊WH朋友）就快手搶！以上價格不包行李寄艙及飛機餐，最後出票時間為今日（9月16日）香港時間下午10:00。

網址：www.tigerair.com

（覺得抵可用Whatsapp同LINE Share俾朋友架）

即搶！限1,500張！虎航澳洲內陸線超平機票，單程全包$164.5起

虎航呢幾日會推出新加坡出發超平限時機票（1日2轉，每逢早上9:30及下午3:30喺佢Facebook Page度公佈特價航點），今日就有新加坡飛珀斯單程機票，淨機票SGD 0.10（約HK$0.61），連稅SGD 51.3（約HK$334），雖然只係單程，但由於新加坡<->珀斯線捷星同酷航成日都有優惠，之後補飛都冇問題，出發日期12月1日至28日，只限800張，Check過系統，聖誕節附近日子出發都有！咁就值得快手搶啦！以上價格不包行李寄艙及飛機餐，最後出票時間係今晚香港時間8:00pm。

網址：www.tigerair.com

（覺得抵可用Whatsapp同LINE Share俾朋友架）

即搶！限時大劈！虎航新加坡往珀斯單程連稅$334，聖誕都有，今晚8點截飛