淡季平機票浪接浪，今早9:00，酷航會開倉賣新加坡／珀斯／悉尼／黃金海岸平機票，來回連稅計：新加坡HK$743，珀斯HK$2,690（已包來回程Scoot-Thru轉機服務），悉尼HK$3,016起，黃金海岸HK$3,032，同上次8月28日之劈差唔多。新加坡呢口價算平，澳洲11月前天氣未完全回暖，不過酷航勝在可以分開買單程，啱晒去Working Holiday／留學／探親朋友選購。如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由今日早上9點至9月10日晚上11:59。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 06:55-10:55
回程：TZ220 01:50–05:45

網址：www.flyscoot.com

（覺得抵可用Whatsapp同LINE Share俾朋友架）

今早9點開劈，酷航來回連稅新加坡$743，珀斯$2,690，悉尼$3,016，黃金海岸$3,032起，11月30日前出發

去蜜月，想特別啲，如果筆值多少少又想私隱度高，不如飛去太平洋小島過一個二人世界啦！近排新西蘭航空推出太平洋小島嘅平盤，出發日期由10月21日至11月27日：每位來回淨機票HK$4,690起，連稅計：薩摩亞HK$7,729起、瓦努阿圖HK$7,787起（!!）、斐濟HK$7,861起、新喀里多尼亞HK$7,881起、東加HK$7,998起、大溪地HK$8,844起、庫克島HK$9,198起。除咗斐濟有Air Pacific香港直航外，其他地點都必須轉機，以呢個價錢飛咁冷門嘅渡假天堂，值得一試（平時連稅價起碼一萬）。呢套飛兩大賣點：1. 可免費停留奧克蘭，探親或玩埋都得；2. 機票有效期3個月。Check過系統，機票供應足，最後出票日期為9月14日，啱就可以上官網或ZUJI買飛啦。

官方網址：www.airnewzealand.hk

ZUJI網址：www.zuji.com.hk

（覺得抵可用Whatsapp同LINE Share俾朋友架）

一雞兩味！我想去玩嘅地方！新西蘭航空飛太平洋小島來回機票$4,690起

廉航酷航（Scoot）今次聯同東方日報推出8尋寶遊戲，今日中午12點開搶，出發日期由依家到11月30日，每位來回連稅8拆後（要來回一齊買，只有去程有折）：新加坡HK$820起、珀斯HK$2,534起（已包去程Scoot-Thru轉機服務）、黃金海岸HK$3,036起、悉尼HK$3,087起。如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由8月28日正午12點至8月31日，上官網買啦！

今次優惠8折Code：（HK20%OFF）

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 06:55-10:55
回程：TZ220 01:50–05:45

網址：www.flyscoot.com

（覺得抵可用Whatsapp同LINE Share俾朋友架）

酷航平盤，12點開搶，可用8折Code，飛新加坡來回連稅$820、珀斯$2,534、黃金海岸$3,036、悉尼$3,087起

捷星（Jetstar）推出優惠，出發日期由9月9日至11月13日、2015年1月7日至2月12日；2015年4月14日至5月19日，來回淨機票HK$658起，連稅HK$1,190起，呢口價只屬一般，反而經新加坡轉飛澳洲達爾文仲有啲睇頭，出發日期為2015年1月28日至2月12日，來回淨機票HK$1,247起，連稅HK$2,661起，由於香港無直航，加上係澳洲夏天旺季，呢口價真係掂。Check過系統，飛新加坡以淡季為主，週五飛週日返都有；至於達爾文線，平飛供應量唔多，去程以1月尾2月頭為主，回程則集中係2月頭。以上價格不包行李寄艙同飛機餐，最後出票日期為9月1日下午2點。

網址：www.jetstar.com

（覺得抵可用Whatsapp同LINE Share俾朋友架）

捷星期貨孖寶，新加坡來回連稅$1,190起，達爾文$2,661起

趁週末，講下啲冷門優惠，今次介紹澳洲虎航內陸線平盤，啱哂Working Holiday者喺澳洲定居嘅Fans。往返航點眾多，包括：阿德萊德、布里斯本、凱恩斯、科夫斯港、達爾文、黃金海岸、荷伯特、麥凱、墨爾本、悉尼、珀斯、降靈島，出發日期由11月11日至15年8月31日，呢段日期正好覆蓋澳洲旅遊旺季，Check過系統，夏天（12至2月）供應量一般，其他時間比較易搵，最後出票時間係香港時間8月4日21:59，以上價格不包飛機餐及行李寄艙（15kg每程約HK$108、20kg每程約HK$122，25kg每程約HK$158，30kg每程約HK$216），有興趣上官網買啦。

部份航線票價：

-阿德萊德 往返 墨爾本（來回連稅AUD$107起，約HK$770起）
-布里斯本 往返 悉尼（來回連稅AUD$115起，約HK$828起）
-布里斯本 往返 墨爾本（來回連稅AUD$155起，約HK$1,116起）
-科夫斯港 往返 悉尼（來回連稅AUD$115起，約HK$828起）
-黃金海岸 往返 悉尼（來回連稅AUD$95起，約HK$684起）
-黃金海岸 往返 墨爾本（來回連稅AUD$127起，約HK$914起）
-荷伯特 往返 墨爾本（來回連稅AUD$95起，約HK$684起）
-墨爾本 往返 悉尼（來回連稅AUD$107起，約HK$770起）

網址: www.tigerair.com/au

（記得按下面「讚好」Share俾Facebook朋友）

虎航澳洲內陸航班優惠，來回連稅澳元95起

汶萊未必係一個熱門旅遊點，但如果經汶萊轉機，除咗可以停一停玩返日，最大吸引係可以坐全新波音787，感受一吓夢幻客機（Dreamliner）嘅魅力。依家坐皇家汶萊航空飛墨爾本來回淨機票HK3,190起，連稅HK$5,468起，呢個價位屬於一般淡季價，但因為可以試新野，加上皇家汶萊航空嘅機隊同服務水平都極有水準，同區內頂級航空公司有得Flight，都幾吸引！機票有效期為1個月，適合大家探親用；請留意回程要第二日轉機，可以順便喺汶萊首都斯里巴加灣市觀光吓。出發日期由8月17日-8月31日，回程日期則由8月28日-9月30日。Check過系統，供應量足，啱就上官網買啦！

網址：www.bruneiair.com

（記得按下面「讚好」Share俾Facebook朋友）

平坐夢幻787！皇家汶萊航空飛墨爾本$3,190起，8月31日前出發

我哋好少報導澳紐出發平盤，今次就介紹捷星航空 ‘Kia Ora’ 優惠，包括澳洲飛紐西蘭國際航線同紐西蘭內陸航線，除咗適合大家探親之外，亦可順道探訪《哈比人》拍攝地，航線票價可參考下表，當中紐西蘭內陸航班免稅，來回計都幾抵，已打算去澳紐玩嘅值得考慮。出發日期由8月12日至15年3月25日（個別航線出發日期有所不同，詳情請參考網站），Check過系統，淡季供應量都唔少，旺季就少啲，最後出票時間係香港時間7月21日21:59，以上價格不包行李寄艙及飛機餐，有興趣上官網買。

部份航線票價：

-奧克蘭 往返 威靈頓 （來回埋單AUD$64.86起，約HK$471起）
-奧克蘭 往返 基督城（來回埋單AUD$83.4起，約HK$606起）
-奧克蘭 往返 但尼丁（來回埋單AUD$109.34起，約HK$794起）
-奧克蘭 往返 皇后鎮（來回埋單AUD$109.34起，約HK$794起）
-墨爾本 往返 奧克蘭（來回埋單AUD$231,27起，約HK$1,680起）
-墨爾本 往返 基督城（來回埋單AUD$231,27起，約HK$1,680起）
-墨爾本 往返 皇后鎮（來回埋單AUD$331.27起，約HK$2,406起）
-悉尼 往返 奧克蘭（來回埋單AUD$255.49起，約HK$1,855起）
-悉尼 往返 基督城（來回埋單AUD$225.49起，約HK$1,638起）
-悉尼 往返  皇后鎮（來回埋單AUD$355.49起，約HK$2,582起）
-黃金海岸 往返  奧克蘭（來回埋單AUD$251.25起，約HK$1,825起）
-黃金海岸 往返  基督城（來回埋單AUD$241.25起，約HK$1,752起）

網址: www.jetstar.com

（記得按下面「讚好」Share俾Facebook朋友）

捷星往返澳紐內陸各地，單程由澳元38起

仲有1個鐘乍，您地預備好未？今日正午12點廉航酷航（Scoot）推出新加坡同澳洲劈盤！香港飛新加坡來回連稅HK$722起；飛珀斯來回連稅HK$2,474起（已計去程Scoot-Thru轉機服務）；另外，去悉尼、黃金海岸來回連稅HK$2,908起，仲平過6月個次優惠HK$100，好值得大家入手！出發日期由依家到11月30日，估計暑假去新加坡都有少量呢個價位；不過香港嘅暑假屬於澳洲淡季，所以應該唔難搵到平飛。順帶一提，如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由7月10日正午12點去到7月12日，上官網買啦！

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 06:55-10:55
回程：TZ220 01:50–05:45
網址：www.flyscoot.com

（覺得抵請記得按Like同Share俾朋友）

酷航爽劈！香港飛新加坡來回連稅$722起，珀斯$2,474起，悉尼黃金海岸$2,908起，11月30日前出發