呢排報咗唔少航空公司2至3月淡季筍盤，又點會少得AirAsia個份？好多航線都有得平，例如香港飛曼谷約HK$688（單程連稅，下同）啦，曼谷南落布吉抑或北上清邁同樣HK$256；吉隆坡飛峇里就HK$418，落新加坡平到HK$129（平到痴根～）；總之大把Offer你不如上佢官網睇睇。順帶一提，AirAsia X都推出咗香港經吉隆坡轉機飛珀斯（HK$1,526）／墨爾本（HK$1,656）／黃金海岸（HK$1,656）／基督城（HK$2,350）優惠，雖然出發日期為1/5 – 30/6係秋天接近入冬時間，不過叫起手要去嘅，呢個價堅抵。

留意位

1. AirAsia亞洲區2 – 3月優惠：訂位日期至8/2，出發日期至31/3

2. AirAsia X 5-6月優惠：訂位日期至14/2，出發日期1/5 – 30/6

網址：www.airasia.com

（記得按下面「讚好」Share俾Facebook朋友）

馬航好耐冇推出晒冷式早餐盤，今日又嚟啦！包括吉隆坡／檳城HK$1,250（未連稅，下同）、浮羅交怡HK$1,450、沙巴HK$1,500，仲有好多人鐘意嘅馬爾代夫呢！都只係HK$3,250！訂票日期直到22/2 ，出發日期去到31/10添！當然暑假唔用得啦～～～除咗以上熱門地方之外，仲有經吉隆坡轉機去印度、澳洲、印尼等東南亞城市，有興趣可上官網睇睇。

留意位

1. 最後出票日期：22/2

2. 出發日期：6/2 – 28/3；11/4 – 30/6；1/9 – 26/9；4/10 – 31/10

3. 機票有效期：0 – 14日（亞洲區）；0 – 30日（其他地方）

網址：www.malaysiaairlines.com

（記得按下面「讚好」Share俾Facebook朋友）

出得急報，梗係超筍！AirAsia X為慶祝新航線：吉隆坡<->悉尼於1/4開通，今早開始靜雞雞推出首航優惠，單程連稅約HK$523起，來回連稅約HK$1423.5起，如果你好彩夾到香港<->吉隆坡平機票（呢張你預連稅HK$1.5K），加埋分分鐘港紙三千有找，抵到爆啦（因為香港直航悉尼稅都要二千幾）！依家先開賣，官網首頁未有廣告Banner，趁依家冇乜人知，閃訂！不過要留意，回程時間係夾唔到即日返香港嘅（悉尼返到吉隆坡約下午5:30，最後一班返香港／澳門機係四點幾走），咁咪索性留喺吉隆坡玩多一陣先走囉！去程就冇問題一定夾到，因為佢開夜機23:40。

留意位：

1. 出發日期：1/4 – 30/6

2. 最後出票日期：22/1

網址：www.airasia.com

（記得按下面「讚好」Share俾Facebook朋友）

上個月23號，我哋曾經揭露經絕密通道訂AirAsia機票有8折優惠。上次錯過咗，今次再嚟過！事關佢會於11/1（零晨00:01開波） – 13/1推出限時8折優惠，呢次就公開嘅，只要登入AirAsia官網訂飛就得。8折優惠適用於30/1 – 26/4期間出發嘅機票（上次最遲只係去到31/3，今次多咗一個月），所有AirAsia航線都包括在內（包括埋AirAsia X），如果經AirAsiago訂埋酒店出套票，酒店仲會多打9折添！雖然AirAsia機票已經好平（例如2/3月淡季去曼谷連稅已平到HK$1.4K左右），但多打8折梗係開心啦！尤其係今年復活節期間去曼谷，依家AirAsia單程都索你成千，有8折可以幫你來回慳四舊，咪話唔嘢少！

網址：www.airasia.com

（記得按下面「讚好」Share俾Facebook朋友）

既然澳航劈價，對手國泰梗係跟啦！事實上，國泰官網依家做緊明年春天澳洲特價機票，去悉尼／墨爾本／開恩茲／布里斯班／阿德萊德要HK$4,880（未連稅，下同），去珀斯就HK$4,420，出票最後期限到6/1，誰不知佢地俾旅行社嘅優惠仲令仔呢！以前者城市為例，一律HK$4,040！珀斯就HK$3,750，出票期限仲去到9/2，同澳航新優惠睇齊。呢口價可以打電話去時尚遊訂，如果想即刻上網訂，可以去Zuji，佢哋貴少少，悉尼個批城市就要HK$4,195，珀斯就HK$3,889。

留意位：

1. 出票最後日期：9/2

2. 出發日期：1/2 – 30/6

3. 機票有效期：0 – 1個月

時尚遊電話：3118 1688

Zuji網址：www.zuji.com.hk

（記得按下面「讚好」Share俾Facebook朋友）

澳航都靜咗一排喇！佢剛剛推出新一批早餐盤，由1/2到30/6出發，去澳洲以下城市：墨爾本、悉尼、阿德萊德、布里斯本、開恩茲只係HK$3,930，出票最後日期為9/2，官網未有得訂住，去Zuji訂啦！Check過系統，大把。呢口價，一般筍囉！如果你只係單人飛就買喇咪煩，否則不如等一等，事關澳航同國泰都曾經做過二千幾蚊GV2（即2人同行）限時優惠，會唔會翻撻呢？呢段特價時間係澳洲秋天喎！

網址：www.zuji.com.hk

（記得按下面「讚好」Share俾Facebook朋友）

殊殊殊殊殊！呢一劑超勁猛料，真係要靜靜雞話你知！AirAsia非常低調地推出明年2-3月平機票，只要經以下秘道連結進入AirAsia官網，再揀選你心水來回地方（任何目的地都得），你會發現所有價格均一律再打8折（即係就算係推廣價，都會再平20%）！優惠期到25/12止，出發日期由明年31/1至31/3，例如揀9/3（週五）去11/3（週日）返，飛曼谷來回淨機票只係HK$726.4咋！連稅亦只係HK$1,226.4，平到真係叫救命（但唔好咁大聲俾人知喎）！咁絕密嘅優惠，一於快快手要低低低低低低低低低調Share俾朋友啦！

網址（記住只能經呢條網址入官網先有優惠）：http://booking.airasia.com/search.aspx?promocode=191211id

（記得按下面「讚好」Share俾Facebook朋友）

乜話？聖誕節飛悉尼直航仲有筍盤？千真萬確，不過需要喺深圳出發。我哋Check過大陸旅遊網站一起飛系統，如果想24/1去1/1返，淨係請28/29/30三日假，湊成9日澳洲悉尼聖誕新年Trip，如果香港出發，直航最平搭澳航都要HK$7,600（連稅就HK$10,508），只要你搭多一個鐘鬆少少嘅巴士去深圳寶安機場，搭海南航空直航悉尼，淨機票只係HK$3,501（連稅就HK$6,685），慳番成4千蚊，係咪好吸引呢？其實海航有直航機從深圳去悉尼，不過唔係好多人知，今年聖誕節遠行，又有平選擇囉～～～～

網址：hk.yiqifei.com

（記得按下面「讚好」Share俾Facebook朋友）