好耐都冇介紹JetStar飛新加坡筍盤喇！無他嘅，連國泰新航都做2人同行HK$1,100，廉航梗係要讓一讓路啦！不過講到明年3月嘅機票，廉航依然勝人一籌，就好似佢推出咗HK$261（未連稅，下同）3月香港出發嘅超筍單程早盤，個別日字仲有得賣，例如1/3、3/3、8/3、15/3、17/3，不過呢口價通常搭超早機07:00 /10:45，如果搭頭班機場快線，理論上係趕到上機嘅，但打鑼咁早，我就麻麻喇，但一定啱晒一般鐘意早去晚返嘅香港人囉～～～而其他班次，一般做單程HK$558；至於回程，雖然最平做HK$428，但係零晨02:25/06:15喎！除非你趕返香港返工囉！其他時間就通通HK$558。點都好，去程揀HK$261，回程揀番HK$558，連稅都只係HK$1,211，依然有數圍！

網址：www.jetstar.com

（記得按下面「讚好」Share俾Facebook朋友）

乜話？聖誕節飛悉尼直航仲有筍盤？千真萬確，不過需要喺深圳出發。我哋Check過大陸旅遊網站一起飛系統，如果想24/1去1/1返，淨係請28/29/30三日假，湊成9日澳洲悉尼聖誕新年Trip，如果香港出發，直航最平搭澳航都要HK$7,600（連稅就HK$10,508），只要你搭多一個鐘鬆少少嘅巴士去深圳寶安機場，搭海南航空直航悉尼，淨機票只係HK$3,501（連稅就HK$6,685），慳番成4千蚊，係咪好吸引呢？其實海航有直航機從深圳去悉尼，不過唔係好多人知，今年聖誕節遠行，又有平選擇囉～～～～

網址：hk.yiqifei.com

（記得按下面「讚好」Share俾Facebook朋友）