X
大韓航空啱啱推出韓國兩大城市Last Minute靚盤，出發日期由1月20日至1月31日，來回淨機票HK$1,900起，連稅計：釜山HK$2,499起、首爾HK$2,536起。以傳統航空公司嘅Last Minute平飛嚟講都算抵玩，加上仲有個好味伴飯做飛機餐。Check過系統，去程以夜機為主，回程就不限，視乎供應，機票有效期7日，啱就上Priceline買。
（覺得抵可用Whatsapp同LINE Share俾朋友架）
大韓航空Last Minute優惠，飛首爾、釜山來回$1,900起，1月30日前出發
好少有嘅國泰里數大劈價又嚟啦！今次最大賣點係首爾！為慶祝加開首爾紅眼機返香港（CX437，ICN 01:55 / 05:00 HKG，即返香港即返工），特別推出減10,000里數優惠：用Asia Miles兌換，來回首爾由原本需要30,000里減至20,000里（即減33%），單程更由原本20,000里大劈到10,000里（即減50%）！出發日期由2月1日至3月15日前完成行程（2月14日至22日不適用），回程必須揀新航班CX437，去程可以揀CX410 / 412 / 416 / 418 / 420 / 430 / 434 / 438（即係無限制）。依家首爾線被HK Express步步進迫，唔劈唔得，如果您唔想搭廉航／懶去搶飛，呢個里數優惠真係好抵，皆因國泰包晒行李寄艙 + 餐飲 + 機上娛樂，同廉航無得比。
至於台北及高雄，不論經濟／特選經濟及商務一律打8折，來回經濟位由原本需要15,000里減至12,000里（減20%），來往台北有指定航班（詳情請睇官網），高雄就冇限制睇供應，不過港台機票咁鬼平，用里數換台灣機票等如倒里數落海，講真打8折吸引力唔大，如手上里數唔多，梗係集中火力換首爾啦！優惠期至1月31日。
詳情：
https://www.cathaypacific.com/cx/zh_HK/book-a-trip/redeem-flights/I021.html （首爾）
https://www.cathaypacific.com/cx/zh_HK/book-a-trip/redeem-flights/I020.html （台灣）
（覺得抵可用Whatsapp同LINE Share俾朋友架）
罕劈！國泰來回首爾只需20,000里！台北高雄來回12,000里，3月15日前返港
近排有好多航空公司推出歐洲嘅轉機盤，其中包括阿聯酋航空、俄羅斯航空、捷特航空同卡塔爾航空，今次就介紹另外一個一雞兩味嘅韓亞盤俾大家，等各位多個選擇。出發日期由2015年1月1日至2月16日、2月26日至4月1日、4月7日至7月10日、8月26日至9月30日、10月3日至12月18日、12月26日至12月31日，來回歐洲4大城市HK$4,300起，連稅計：伊斯坦堡HK$5,953起、巴黎HK$6,360起、法蘭克褔HK$6,656起、倫敦HK$7,395起，呢套飛3大優點：1. 只要補返約HK$132機場稅，可以中停首爾（只限一次）；2. 可OpenJaw，倫敦入，其他城市走可以避過倫敦超貴機場稅；3. 機票有效期1個月，玩完歐洲，再玩首爾，您想點玩都得。Check過系統，照睇供應日期都已經睇到旺季冇望，但淡季供應足，啱就係12月24日前上Expedia買啦。
（覺得抵可用Whatsapp同LINE Share俾朋友架）
韓亞航空一雞兩味，玩完歐洲再玩韓國，來回機票$4,300起，機票有效期1個月
釜山航空已經開賣2015年1至2月早餐盤，澳門出發都有：出發日期2015年1月1日至2月13日，澳門來回MOP990起（連稅MOP1,969起），香港來回HK$1,388起（連稅HK$2,027起），香港出發同上次優惠一樣，不過澳門出發平咗MOP100左右，加上釜山航空來回均包20kg行李同飛機餐，如果有行李需要（去韓國掃貨好正常），呢口價可以去馬（尤其釜山航空來回時間勁靚，凌晨去夜機返）。Check過系統，香港出發貨量足，至於澳門出發MOP990貨量唔太多，最後訂票日期為12月27日，有興趣上官網買飛啦！
航班時間如下：
香港至釜山：BX392 0205 – 0610
釜山至香港：BX391 2135 – 0001+1
澳門至釜山：BX382 0205 – 0610 逢週一、四、六
釜山至澳門：BX381 2150 – 0020+1 逢週三、五、日
（覺得抵可用Whatsapp同LINE Share俾朋友架）
釜山航空明年初釜山早盤，來回澳門出發MOP990起，香港出發$1,388起
首爾嘅選擇都唔少，以傳統航空嚟講，小小編都幾鐘意韓亞嘅服務，仲可以訂佢嘅海鮮特別餐（最遲須於出發前24小時打上熱線預訂）。佢日前推出2015全年優惠，出發日期由2015年1月6日至2月13日、2月26日至4月1日、4月7日至7月10日、8月26日至9月30日、10月3日至12月18日、12月26日至12月31日：來回淨機票HK$1,900，連稅HK$2,559起，記住已包20kg寄艙行李，想坐A380就要留意，班次為週一、二、三、六同日，去程 OZ746 00:30-04:50，回程 OZ745 19:40-22:30，但要視乎供應。總括嚟講，呢口價坐韓亞都算係靚價。Check過系統，淡季供應足，機票有效期1個月，最後出票日期為12月20日，可以去Priceline買。
（覺得抵可用Whatsapp同LINE Share俾朋友架）
韓亞2015年平飛再續，來回首爾每位$1,900起
飛首爾大概3個半鐘，如果唔想坐廉航，想舒舒服服可以坐服務水平高嘅韓亞航空，出發日期由2015年1月1日至2月13日、2月26日至3月31日：來回淨機票HK$1,900，連稅HK$2,559起，坐韓亞除咗包20kg寄艙行李，仲可以訂佢嘅海鮮特別餐（最遲須於出發前24小時打上熱線預訂）。另外，想坐A380就要留意，班次為週一、二、三、六同日，去程 OZ746 00:30-04:50，回程 OZ745 19:40-22:30。總括嚟講，呢口價坐韓亞都算係靚價。Check過系統，供應量集中3月出發，機票有效期1個月，最後出票日期為12月20日，可以去Priceline買。
（覺得抵請記得按Like同Share俾朋友）
韓亞航空12月平飛優惠，來回首爾每位$1,900起
首爾平機票又嚟啦！呢次主角係濟洲航空，今早（12月3日）10:00開賣，來回淨機票HK$650起，連稅HK$1,259起，記住濟洲航空來回都包15kg行李（冇飛機餐），仲可以有機會揀到凌晨去夜機返，比HK Express更有睇頭！出發日期為2015年5月1日至31日，雖然係早餐盤，但呢口價點睇都唔會輸，早啲起身搶喇！此外，如果出發日期由12月3日至2015年2月22日，佢亦有另一隻首爾平盤，來回淨機票HK850起，連稅HK$1,459起，因為匯價同燃油附加費下調，呢口價比之前平咗HK$110左右。估計各時段旺季冇平飛，確實數量要等開賣先知，不過經驗話俾大家知，佢好少添新飛，故此要快手咪等。最後訂票日期為12月31日，賣哂就冇，啱就上官網訂飛。
航班時間：
去程: 7C2108 01:50-06:30、7C2110 13:35-18:15
回程: 7C2109 09:55-12:35、7C2107 21:40-00:25+1
（覺得抵可用Whatsapp同LINE Share俾朋友架）
決搶！今早10:00！濟洲航空來回首爾$650起，2015年5月出發
真航空將會於12月20日新增一班首爾凌晨機去晚機返嘅航班，大家以後又多啲選擇。而今次呢個優惠出發日期由2015年3月5日至3月25日：香港飛首爾來回淨機票HK$840起，連稅計HK$1,449起，呢口價真係好抵，去程限坐LJ114，回程限坐LJ113，如果想坐凌晨機去晚機返就要補HK$300起差價，而真航空已包20kg免費寄艙行李同飛機餐。Check過系統，呢口價集中3月中，機票有效期15日，啱就上官網買。
航班時間方面：
香港飛首爾：
去程：LJ114 13:30-18:05 / LJ126 02:20-06:45（週一、四、五、六）
回程：LJ113 09:35-12:20 / LJ127 22:10-01:00+1（週三、四、五、日）
（覺得抵可用Whatsapp同LINE Share俾朋友架）
真航空勁抵早餐盤，來回首爾$840起，明年3月出發
X