長榮週末嘅台北限時優惠又嚟喇，出發日期由依家至2月10日、2月25日至3月31日，來回台北淨機票HK$750起，連稅HK$1,203起，去程指定坐BR810（21:45/23:30 逢週一、二、四、五），啱哂鐘意放工上機就去玩。如果去程想搭BR828（07:30/09:10）；BR852（11:20/13:00）；BR870（15:30/17:10）；BR856（17:05/18:45）或BR858（21:05/22:45 Hello Kitty彩繪機）就要補HK$40-$90，至於回程無限制，視乎供應。Check過系統，供應量足，想過一個Long Weekend都得，復活節出發又得（3月31日去，4月6日返）！機票有效期7日，1月11日中午12:00前截飛。

網址：www.evaair.com

（覺得抵可用Whatsapp同LINE Share俾朋友架）

長榮台北週末限定！來回$750起，加$40坐Hello Kitty機，復活節仲有！1月11日中午12點截飛

中國版攜程剛發佈新一批訂房折扣Code，今次優惠適用於國內及國外酒店（港澳台除外），只要預訂連稅房價RMB51（約HK$64）或以上嘅酒店，每單即減RMB50（約HK$62），換句話說，如果搵到RMB51既酒店，只要俾RMB1就住得，特別適合各位背包客。想每晚都有平，就拆單買啦。記得去到攜程官網後揀‘中文簡體版’及必須以‘人民幣’結算，留意以外幣簽賬信用卡公司會收您1%-2%手續費，不過點計都抵啦。最後使用日期為3月31日。提提您，呢個優惠只適合即時付款嘅酒店；另外，部份民宿同旅舍冇參與，想知邊間得邊間唔得？方法係要試多幾間。老規舉：訂房前，請先比價。

折扣代碼：GJ888

網址：www.ctrip.com.hk

（覺得抵請記得按Like同Share俾朋友）

超抵！攜程中國版折扣Code，$1已連稅酒店！快搶！

好少有嘅國泰里數大劈價又嚟啦！今次最大賣點係首爾！為慶祝加開首爾紅眼機返香港（CX437，ICN 01:55 / 05:00 HKG，即返香港即返工），特別推出減10,000里數優惠：用Asia Miles兌換，來回首爾由原本需要30,000里減至20,000里（即減33%），單程更由原本20,000里大劈到10,000里（即減50%）！出發日期由2月1日至3月15日前完成行程（2月14日至22日不適用），回程必須揀新航班CX437，去程可以揀CX410 / 412 / 416 / 418 / 420 / 430 / 434 / 438（即係無限制）。依家首爾線被HK Express步步進迫，唔劈唔得，如果您唔想搭廉航／懶去搶飛，呢個里數優惠真係好抵，皆因國泰包晒行李寄艙 + 餐飲 + 機上娛樂，同廉航無得比。

至於台北及高雄，不論經濟／特選經濟及商務一律打8折，來回經濟位由原本需要15,000里減至12,000里（減20%），來往台北有指定航班（詳情請睇官網），高雄就冇限制睇供應，不過港台機票咁鬼平，用里數換台灣機票等如倒里數落海，講真打8折吸引力唔大，如手上里數唔多，梗係集中火力換首爾啦！優惠期至1月31日。

詳情：
https://www.cathaypacific.com/cx/zh_HK/book-a-trip/redeem-flights/I021.html （首爾）
https://www.cathaypacific.com/cx/zh_HK/book-a-trip/redeem-flights/I020.html （台灣）

（覺得抵可用Whatsapp同LINE Share俾朋友架）

罕劈！國泰來回首爾只需20,000里！台北高雄來回12,000里，3月15日前返港

卡塔爾航空隻歐洲優惠（詳情請睇：http://flyagain.la/18666）延長多一日至今晚23:59，今次介紹佢另一隻超超超超超超超級平貨：6千蚊一口價俾您玩晒冰天嘅歐洲以及火辣辣嘅澳洲！點解咁筍？又因為卡塔爾嘅OpenJaw優惠囉：出發日期由3月1日至4月30日，復活節旺季都有，香港飛歐洲可揀奧斯陸／馬德里／慕尼黑／柏林／華沙，回程澳洲可揀墨爾本／柏斯／悉尼／阿德萊德（當中以柏斯及墨爾本較易搵到），來回淨機票HK$2,780起，舉例香港飛挪威奧斯陸，再由奧斯陸飛澳洲墨爾本連稅計HK$4,164起，再加一張澳洲嘅廉航（例如酷航或捷星）單程返香港連稅約HK$1,400（未包行李費，仲可以免費玩埋新加坡），埋單分分鐘連6千都唔駛，咁就可以一次過玩齊南北地球喇（記得帶晒羽絨同比堅尼）。機票有效期1個月，啱可以上官網或Expedia買（當中以Expedia搵到機會大啲）。

提提您：如果飛澳洲嘅悉尼／阿德萊德及開恩茲，部份航班會由多哈經香港飛落去。如果唔想飛澳洲，可以考慮飛到香港即走人（如果只係Hand Carry就一定得，寄艙行李要向地勤提出香港Off Load行李，如果轉機時間太短如1-3小時，理由要好合理先得），比起齋香港<->歐洲來回平HK$1K左右，不過呢種飛唔可以做歐洲OpenJaw，要平定要Flexible，自己要考慮清楚先好去馬。

卡塔爾航空官網：www.qatarairways.com

Expedia：www.expedia.com.hk

（覺得抵可用Whatsapp同LINE Share俾朋友架）

首報！超平冰火之旅！卡塔爾航空香港飛歐洲，歐洲返澳洲，來回$2,780起，連稅$4,164起，復活節都有！