東京機票係咁減仲有一個原因​！聯合航空已宣佈重開香港東京航線，將於10月31日起重新營運呢條港人熱捧航線。每日對開一班，離港CO78，出發/到達時間為10:30/15:40，回港CO79，出發/到達時間為17:20/21:30，時間同尋日介紹嘅達美Delta差冇幾。怕聯合啲機又舊又殘? 放心​！今次佢會派同公司嘅美國大陸航空公司737-800細機（如圖），坐椅新淨，唔知派唔派裝有DirectTV嘅機飛（暫時75%已裝上）?  網上現價最平連稅$3,154，未駛郁手住。據消息人士透露，公司稍後會推出復飛優惠價，價錢一定大家開心喎​！既然同級對手做緊HK$1,540，唔知會唔會…哈哈​！

「梗係搭飛機快啦！」不過如果搭短途，計埋check-in/安檢/上落機甚至Delay下，你都會覺得搭巴士/的士/船會比飛機快，但係……踩單車呢?

上星期六喺美國洛杉磯就發生咗呢單飛機趣聞 : 最近因為主要幹道405號公路於週末要封路維修，好多人被迫留家渡假。著名廉航Jet Blue靈機一觸，特別安排一條從柏班克(Burbank)到長堤(Long Beach)嘅短途航線，途程60公里（等同香港與澳門距離），航程15分鐘，單程收4美金。消息一出立即惹嚟唔少話題。其中一群叫「拼命狼包」嘅單車發燒友承機向Jet Blue「挑機」，話佢地踩單車一定快過搭飛機，引起熱烈討論。而係網上，民眾更一面倒支持佢地添！

比賽於當地時間7月16日上午10:50舉行，6名單車手與搭Jet Blue嘅乘客係同時、同地出發。單車手踩咗1:34分鐘就抵達長堤終點， 個陣架機先啱啱起飛（本來預計12:20起飛，最終Delay少少）！咁當然啦！佢地係單手高手先踩得咁快啫！事實上，呢班咁短途嘅機都坐滿150位乘客架！我反而懷疑呢單嘢係Jet Blue幕後搞出嚟嘅宣傳活動，如果係都夠絕！

不如重溫呢班15分鐘飛機係點啦！
[youtube http://www.youtube.com/watch?v=QJ6e8U2TrWc&w=560&h=349]

去倫敦玩，雖然市中心地鐵Tube系統好完善，不過能夠同成班Friends揸車四圍走，特別去近郊，又真係另一番興緻。新航有一個倫敦機票連租車Package，坐A380飛機，包4天租車嘅，最平由HK$5,899起，包7天租車嘅，最平由HK$6,199起（由依家到8月31日，12月17-28日呢兩段日子會加收HK$200），以旺季而言非常合理。租車服務由Europcar提供。個Package仲包埋汽車保險，無限車程里數同Westfield購物優惠等。

睇過佢張Price List，我建議大家揀W Class Code嘅飛，每人只需加HK$300就可賺埋機票里數，長途喎！此外來回是旦一程可以俾你Stop Over新加坡，一張機票2地遊。機票有效期為6個月，慢慢玩啦（須於2012年1月31日前出發）！

網址：http://www.sia-holidays.com