國泰前幾日宣佈美國航線減價，來回三藩市官網賣HK$5,160起，新航一於二仔底死跟。去一起飛網站買最平，只係HK$4,778（連稅HK$7,313），比新航官網平三舊，亦比國泰官網平四舊；售票期限一樣到30/9；不過出發日期上，新航只去到30/11，咁就冇國泰咁長（最遲可以明年29/2）。不過我個人鐘意新航時間多啲，香港出發係晚上十點九，上機先食晚飯；去到當地只係晚上八點半，方便你搭車入市中心；回程到港只係早上六點幾，分分鐘返屋企放低行李再返工都得。

網址：hk.yiqifei.com

（記得按下面「讚好」Share俾Facebook朋友）

去得歐洲咁遠，都唔會去一兩度地方咁少卦？一般都會花啲時間穿州過省去唔同國家玩。如果來回程可以自定，唔駛走回頭路，既可慳時間又唔駛拎咁多重行李周圍走，你話幾好呢？呢啲情況Open-Jaw機票就大派用場（即係來回程地點不相同），但如果獨立出呢類機票都幾金！想喺秋天飛歐洲者，不妨參考國泰假期推出嘅歐洲套票，有唔同國家你揀，如倫敦5日3夜只需HK$6,390起（未連稅，下同），巴黎就HK$6,970，米蘭就HK$6,830起，但呢個Package最大賣點係回程城市任揀，就算你幫襯佢倫敦Package，回程揀巴黎返港都得，咁呢個價就真係抵嘞！除咗莫斯科有效日期去到今年年底（31/12）外，其他城市一律到31/10。

網址：www.cxholidays.com

（記得按下面「讚好」Share俾Facebook朋友）

遲啲大家會收到政府送嚟嘅HK$6,000，您諗住點駛呢？一於與民同樂！東瀛遊推出四個地點4日3夜HK$6,000一口價結伴同遊套票（未連稅），由依家到10月尾喺指定日子出發，去日本東京搭國泰，2人同遊加埋都只係HK6,000；去新加坡搭港航，3人同遊加埋共HK$6,000；曼谷一樣搭港航，HK$6,000可以4人一齊去！台中一樣4人同價；至於三亞，由於住靚靚渡假村（三亞亞太國際會議中心暨海航渡假村），所以只能玩3日2夜，不過一樣4人同遊。咁抵，你大可以拎政府俾你嘅Happy Money，請晒朋友家人豪一豪佢（30/9截止啦）！

網址：www.egltours.com

（記得按下面「讚好」Share俾Facebook朋友）