日航自從喺7月帶頭劈東京機票後，各路對手相繼跟風，減到冇停手。可能眼見對手都減得七七八八，依家佢又出招（冇計啦！鬼叫佢窮頂硬上）！今日最新推出2人同行飛東京來回HK$1,999優惠，出發日期為6/10到15/12，必須於30/9前出票，喺Zuji裡仲搵到唔少早機去（10:30/15:25）晚機返（18:15/22:30）選擇。之前Facebook上有唔少網友都問11月打後有冇平東京機票（如Bruce Chan、Katsy Yau、Mandy Lam等），呢個夠抵卦？

網址：www.zuji.com.hk

（記得按下面「讚好」Share俾Facebook朋友）

AirAsia好耐冇派免費機票益街坊喇！今晚零晨12點開始，網站又再開倉派米，吉隆坡出發到浮羅交怡、清邁、丁加奴（去樂浪島一定要訂！）、斗湖、新加坡、胡志明市、山打根免費（當然要俾下欄費用如機場稅、油附、手續費），香港出發當然無免費機票啦（依家俾錢都咁爆）！不過佢都有超平機票益香港人，去布吉島單程HK$110，去曼谷、檳城、吉隆坡、亞庇就通通HK$210起錶，只限今晚零晨12點起（21/9）到25/9限日供應。出發時間為3/5/2012到27/10/2012，如果明年暑假7/8月都俾你搵到呢口價，咁就快快手訂咗先。

網址：www.airasia.com

（記得按下面「讚好」Share俾Facebook朋友）

東瀛遊成日都有只限網上訂購嘅超筍盤，今次就介紹東京Package，9-10月指定日子出發，搭達美航空連5日4夜酒店房，最平可做到HK$3,099起，呢個只係27/9或29/9出發，選擇前者更可免費獲贈單程成田機場巴士券。至於10月份雖然唔係日日都有呢口價，一般佢指定出發日子都係HK$3,499，計番條數，張機票算你HK$1,400都唔駛，話晒達美係早去午返吖！真係俾你玩足5日4夜！特別推介13/10（週四）出發，可以橫跨週末，價錢只係HK$3,299起，呢口價可以入住池袋太陽城太子酒店Semi-Double房，位置上距離JR新宿同池袋各8分鐘，位置尚可，平價搭夠。

網址：www.egltours.com

（記得按下面「讚好」Share俾Facebook朋友）