今次同大家介紹啲冷門少少嘅地方平機票。東南亞除咗泰國、馬來西亞、新加坡外，仲有越南、柬埔寨、老撾（寮國）、緬甸等地，都有唔少靚風景等你欣賞。不過除咗越南呢排做緊平機票外，其他地方一係香港冇直航，一係航空公司企硬唔減（例如港龍飛金邊，永遠企硬四千頭），一於搵AirAsia啦！佢依家做緊呢四國特價機票，由曼谷或吉隆坡出發，飛柬埔寨金邊單程全包HK$424（曼谷出發）/484（吉隆坡出發），去緬甸仰光探下昂山素姬就HK$376（吉隆坡出發），去老撾萬象市就HK$584（吉隆坡出發），佢亦有越南河內同胡志明市優惠，不過既然依家越南航空做緊香港來回HK$1,400，暫且不理，除非你係順便去埋。

網址：www.airasia.com

（記得按下面「讚好」Share俾Facebook朋友）

特別報告！急急急！繼日航同ANA推出日本平機票後，國泰依家先嚟個反擊，推出限時優惠，飛日本東京／大阪／名古屋／福岡來回只需HK$1,990（未連稅，下同），為2-7日機票，購買限期到本週六5/11晚上23:59，出發日期為10/11 – 14/12以及5/1 – 15/1，時限同CO HK$1,888差兩星期，都算可以，總之假期高峰期就免問啦！上次執唔到國泰平機票嘅你，今次快趣啲啦！仲有仲有！依家上佢官網訂日本機票，只需再登記，就可獲贈「無印良品X國泰航空旅行套裝」一份，每位合資格嘅乘客更可獲贈無印良品 Muji to GO 香港國際機場店九折購物優惠券一張添！

網址：www.cathaypacific.com

（記得按下面「讚好」Share俾Facebook朋友）