AirAsia又有早餐盤益街坊，今次又輪番熱門地點：泰國嘅曼谷、布吉，同埋馬來西亞嘅吉隆坡、檳城，由依家到25/12前訂購明年1/4 – 30/6出發嘅機票，前者來回連稅HK$1,358起，後者來回連稅HK$1,340起，Check過系統，4月頭近復活節個陣就真係所餘無幾（除非你肯好夜去啦），之後都唔難搵呢啲平飛，上次開倉執唔到筍嘢嘅你，呢次唔駛同人搶喎！諗得過！

網址：www.airasia.com

（記得按下面「讚好」Share俾Facebook朋友）

我哋冇寫錯，你哋冇睇錯！飛溫哥華搭加航，單程真係HK$1,215起！連稅都只係HK$2,701起！真係平到痴線！是甘的，因為聖誕期間飛加拿大啲機好吉，加航咪搞下新意思囉！不過呢隻平機票，出發地唔係香港，而係北京和上海，你大可以先搭廉航春秋航空去上海轉機，單程連稅約HK$1,430，不過會有少少趕（去到上海係16:10，加航班機開18:15），再想平啲，深圳出發嘅上海單程機票連稅都係幾舊水，班次又密，加埋點都有數圍！至於回程返香港？Well，呢個Offer好適合移民客返加拿大之用，又或者短時間未必返港人士。如果只係留一段短日子，就冇謂咁搭法啦！或者你用里數換單程機票返香港囉。

網址：hk.yiqifei.com

（記得按下面「讚好」Share俾Facebook朋友）