又有新地點推出4月後平機票，今次輪到韓國。廉航濟洲航空推出咗1/4 – 31/5優惠，飛首爾同釜山一律HK$1,850（未連稅，下同），呢隻機票有效期為7日，唔係佢個批Last Minute秒殺機票咁限死你來回日期（個啲平五舊左右）。最正係復活節來回價亦只係HK$2,400，唔知仲有冇位？至於一般全年票價為HK$2,400（1個月有效期），暑假期間（13/7 – 18/8）就加到HK$3,100。咦？咁即係7月頭同8月中暑假期間都可以享用HK$2,400優惠播！

查詢電話：2185 6499

（記得按下面「讚好」Share俾Facebook朋友）

仲記唔記得港航有個名為A21嘅早餐盤優惠？計下計下，依家距離4月份超過21日，咁一於幫大家刮一刮有冇日本筍盤，原來有喎！4月打後飛東京HK$1,750（未連稅，下同）、大阪HK$2,300、沖繩HK$2,290起，唔似國泰要2人同行，抵啦！呢口價更可以去到14/7，暑假頭兩個禮拜都用得，個陣沖繩已經有番晒陽光與海灘！至於大阪，不嬲機票都好貴，想去而又等唔到桃子航空嘅您，依家郁手啦！至於東京，Well！仲有其他平選擇卦？

留意位：

1. 出發日期：1/4 – 3/4、8/4 – 27/6、1/7 – 14/7、26/8 – 27/9、1/10 – 31/10

2. 機票有效期：2 – 7日

網址：www.hongkongairlines.com

（記得按下面「讚好」Share俾Facebook朋友）

「又飛啦！」曾經介紹過冷門地方包括斐濟、蒙古甚至北韓。翻查一下，原來都有好耐冇同大家發掘冷門筍盤，今次就介紹一隻「冷到震」嘅平機票。俄羅斯遠東區著名城市海蔘威，上年11月起開始有直航機來往香港，由S7航空執飛，逢星期三、日各飛一班．諗住好貴？唔係喎！計埋下欄連稅唔駛HK$4,000（大約HK$3,800左右，視乎月份），機程4-5 小時，唔係好遠，但就去到另一個世界．海蔘威有「東方三藩市」之稱，係俄羅斯遠東嘅不凍港、軍港和漁港，亦係西伯利亞鐵路嘅終點站。如果時間多啲，可以去埋周邊地區（如堪察家半島），大草原、深水湖泊、活火山、億年冰河與極地，大把你睇！

網址：www.s7.ru

（記得按下面「讚好」Share俾Facebook朋友）