講完馬公，戰線又返嚟台北／高雄！上星期華航先搞完Weekend限時劈，飛台北或高雄只需HK$665（需配合PayPal付款優惠HK$155，否則機票價HK$820），點知今個禮拜又Encore！價錢一樣，玩法一樣：2人同行，台北去程一樣限坐華航08:20早機，回程任揀；高雄去程一樣限坐AE982（10:15/11:35），回程任揀睇供應。唔同嘅係，今次出發日子順延一星期，即係28/5 – 10/6．喂咁搞法，以後想Last Minute平飛台灣，逢週六都要捕住華航啦！

網址：www.china-airlines.com

（記得按下面「讚好」Share俾Facebook朋友）

星期六，不妨講單航空新聞，都同大家有密切關係架！知你哋鐘意去台灣玩，依家香港飛台灣暫時只有台北、台中及高雄三個航點，不過由聽日起，就新增一個全新航點：位於澎湖列島嘅馬公啦！澎湖係邊度嚟？佢係高雄左邊一批小島嶼，向來係台灣人嘅渡假後花園，水質唔錯，好適合嚟一個陽光與海灘嘅短Trip。以往去澎湖需要經台灣島轉機，聽日（27/5）起遠東航空會開辦香港直飛馬公航線，逢週二、日各對開一班，香港去程中午12:00起飛，下午1:15到澎湖馬公機場，飛行時間一共1小時15分鐘；回程上午9:45起飛，11點返港。初時以包機形式運作，點樣買飛？官網暫時唔見有，好可能要經旅行社發售。暑假係澎湖旅遊高峰期，唔知機票幾多錢呢？一有消息會再同大家報導。

網址：http://www.fat.com.tw/

（記得按下面「讚好」Share俾Facebook朋友）