哈爾濱嘅冬天，一般零下十幾廿度，凍到死，夏天就唔同，所以想去呢個東北重鎮體驗俄羅斯風情，暑假係最好時候。香港飛哈爾濱一向冇直航機去，但香港快運（港航兄弟）將會於13/6起重辦哈爾濱直航線，逢一／三／五對飛一班，去程UO408（09:25/13:45），回程UO409（15:00/19:45），叫住早機去午機返。依家去Zuji訂飛，9/7前出發，來回只需HK$1,726，連稅HK$2,463，轉機都唔夠佢平。依家訂飛，憑登機證票尾去哈爾濱萬達索菲特大酒店食自助午、晚餐可享九折優惠。如果經港航官網訂飛，更可獲贈「哈爾濱龍塔觀光通票」：不過官網最平賣緊HK$2,540，貴成八舊水，我寧願唔要觀光通票好過。

網址：www.zuji.com.hk

（記得按下面「讚好」Share俾Facebook朋友）

尋日我哋「又飛啦！」先Post咗張北海道中部Tomanu渡假村雲海靚相，執筆為止已錄得1,700個Like：雖然冇斐濟心形小島Tavarua Island過萬隻Like咁多，不過都反映好多Fans想親身目睹瀑布雲海啦！事實上，我哋經常收到Fans查詢北海道機票／套票詳情，不過由於直航機太少關係，國泰／日航淨機票價格長期高企，港航又未復航，所以想去都好貴。今次就搵到隻日航天地北海道激筍套票，3日2夜嘅，東京轉機飛北海道（包括札幌新千歲機場／旭川／函館／釧路／女滿別），俾你免費停東京（機票有效期17日），機票加酒店HK$3,770起（住Sapporo Classe Hotel Semi-Double，未連稅，下同），可以俾你Stay Behind去Tomanu呢！Check過系統，Weekday唔難搵呢個價，Weekend嘅一般就四千起錶，都仲係合理範圍之內。不過最衰嘅係呢隻套票最後有效期只去到29/6，真係有去趁手啦！

套票詳情：www.jalselect.com.hk/upload/package/182325706740.pdf

訂購網址：www.jalsatellite.com.hk

（記得按下面「讚好」Share俾Facebook朋友）