就嚟到8月，亦即代表淡季機票即將進入出籠高峰期，呢次介紹嘅優惠，相信都算係近期至平之一！濟洲航空推出9月優惠，出發日期為1/9 – 29/9，17日期機票，來回首爾只需HK$1,200，連稅亦只係HK$2,024，比韓亞平成千二／三蚊，雖然時間麻麻，但呢個差距又將濟洲航空變番吸引。Check過系統，都仲有唔少供應（奇就奇在Poster講每班只限供應5張，但應該唔止呢個數目囉～），至於能否連埋國慶中秋假？查過，如果指定2/10返，去程最近磅就係25/9，不過其實你俾多HK$600，都可以做到27/9同29/9去，28/9就HK$2,000：其實以大時大節嚟講，唔貴喎！要平定唔想請咁多日假，自己諗！

網址：en.jejuair.net

（記得按下面「讚好」Share俾Facebook朋友）

今年中秋國慶，咁啱得咁橋係連假，故此唔請假：29/9（週六）去2/10（週二）返，就有一個4日3夜之旅了！可惜啲機票已被人炒貴晒呢！去日本東京嘅散飛，最平連稅都去到近HK$5,000！買團飛？受氣啦！「又飛啦！」點敢送你一程？今次就介紹另類方法，以淡季價錢遊東京！是咁的，只要提早一日出發（28/9週五），去澳門搭澳門航空，回程一樣2/10，2-7日機票，淨機票竟然仲係賣緊MOP$1,899，連稅就MOP$2,937，就算加埋來回船飛$300，都仲係三千頭左右，幫你慳近二千（同樣提早一日，香港出發連稅一樣四千尾）！不過代價當然係來回再加一小時啦！但其實澳門航空飛東京時間都幾靚仔架！去程NX862（09:30/15:00），回程NX861（16:00/19:50），拍得住香港出發嘅東京航班。蝦！大家都係放國慶中秋假啫！點解香港飛東京咁多班次，竟然仲平過澳門？你又知唔知點解呢？

網址：www.airmacau.com.mo

（記得按下面「讚好」Share俾Facebook朋友）