澳洲旺季筍盤開始嚟料！澳航推出悉尼及墨爾本2人同行優惠，由依家到20/12，24/12 – 5/2/2013，14/2 – 27/3，1/4 – 30/6出發，每張機票淨價HK$4,000（連稅HK$6,951），如果只買1張嘅，都只係HK$4,420，雖然唔算絕平，但以直航嚟講非常合理，年尾係澳洲夏天喎！旺季都呢個價飛澳洲，加上飛悉尼係坐A380，抵啦！機票有效期2個月，仲有里數儲！話晒都係One World，里數可以用番同系嘅國泰身上：事關國泰減價盤一般都冇里數儲，澳航有九千幾里賺，都係值得考慮要素！想下半年去澳洲玩番飽者，諗諗佢吖！

網址：www.qantas.com

（記得按下面「讚好」Share俾Facebook朋友）

虎航突然大劈！由依家到16/8零晨前訂購由1/9至31/10期間出發飛新加坡嘅虎航機票，可以做到買1送1優惠，最平來回連稅HK$939起，嘩！又係一千蚊有找就有得去新加坡！Check過系統，呢隻”2-for-1 fare”雖然唔係日日有，但暫時嚟講為數唔少（可惜22/9新加坡F1大賽車期間，去程冇”2-for-1 fare”，淨係得回程有），呢隻Fare去程淨機票係HK$538起，回程淨機票HK$750起，加番2人兩地機場稅及油附（呢樣就冇得免費），計落總價為HK$1,878。提提您，雖然揀航班個陣，就算揀咗”2-for-1 fare”系統仍會Show 2人要俾錢之價錢，但當您進入下一步輸入乘客名單時，系統會調整番買2送1情況，放心！

網址：www.tigerairways.com

（記得按下面「讚好」Share俾Facebook朋友）