呢期劈價焦點轉至長途：最近小弟親身搭過嘅土耳其航空（有埋Flight Report，詳情請睇番FB Page Album），剛晒冷式推出歐洲70條航線早餐盤，淨機票HK$2,990起，連稅一般五千尾六千頭，抵嘅程度拍得住平霸三寶：國航／東航同卡塔爾！出發日期為12/11/2012至28/2/2013（農曆新年6/2/2013 – 11/2/2013除外），最凍時間！機票有效期長達3個月。至於航線同價錢，熱門嘅例如雅典HK$6,210（連稅，下同）、巴塞隆拿HK$6,360、柏林HK$6,460、布達佩斯HK$6,090、開羅HK$6,130、法蘭克福HK$6,610、倫敦HK$7,120、慕尼黑HK$6,520、巴黎HK$6,360、布拉格HK$6,060、羅馬HK$6,040、威尼斯HK$6,020、維也納HK$6,450同埋蘇黎世HK$6,200等等，其他城市請上佢官網睇睇。至於我上次搭嘅豪華經濟艙（Comfort Class），一般比經濟位貴HK$3-4K左右，我就一定俾（長途機嚟講，加呢個價絕對超值），咁您呢？

網址：www.turkishairlines.com

（記得按下面「讚好」Share俾Facebook朋友）

尋晚同大家介紹旺季澳航飛澳洲優惠，如果只想平又唔介意秋天去（即係澳洲冬尾初春），今次介紹嘅酷航（Scoot）優惠值得考慮！呢隻新航旗下以新加坡為基地嘅新區域廉航，依家做緊限量優惠：由依家到16/8早上9時，訂4/9至27/9由新加坡出發，飛悉尼來回連稅SGD 311.17（HK$1,939），飛黃金海岸來回連稅SGD 315.70（HK$1,967），再自己加一張香港飛新加坡嘅廉航機票（如果依家買埋虎航買1送1優惠仲正！），加埋連稅應該HK$3K左右，依家香港直航去悉尼稅及油附都索你二千幾啦！你話係咪堅抵？不過要記住：呢個價唔包行李寄艙（但仍可帶一件7kg行李上機），機上餐飲亦須自費．雖然話限量1,000張供應，不過呢一刻Check過唔難搵到機位，特別係黃金海岸，而悉尼就搞笑啲：去程唔難搵到連稅SGD 100特價飛，但回程最平個批連稅SGD 211嘅平飛，反而10月打後就大量供應，一於九月玩到十月打後啦！至於您心水來回日子有冇特價，快快手上酷航官網睇睇。

網址：www.flyscoot.com

（記得按下面「讚好」Share俾Facebook朋友）