11月係大阪／京都一帶睇紅葉嘅最佳時間，本來都冇諗住日本廉航樂桃航空會劈價（因為依家11月嘅Weekend普遍賣緊單程HK$1.3K連油附，來回連稅都要HK$2.6K左右），而且對上一次劈係12/9，當時做24小時限定劈單程連油附HK$698起，誰不知隔咗兩星期又嚟劈過！官方今日公佈將於下週二（25/9）香港時間下午13:00，開賣新一批1/11至20/12及1/7-30/3出發嘅機票，出發日期範圍比上一次多好多，冬天春天想平飛大阪／日本中南部者就要留意了！來回連稅及油附您預HK$1,809左右．除咗11月睇紅葉，3月中下旬亦係大阪賞櫻花嘅好時機，尤其係3月尾香港咁啱踏正放復活及清明節假期，3月底嘅飛要率先留意啦！溫馨提示：以上所有價錢都唔包飛機餐及行李寄艙服務，須另外俾錢先有．

網址：www.flypeach.com

（記得按下面「讚好」Share俾Facebook朋友）

今次講一件非常少見嘅筍盤：香港飛夏威夷冇直航，最平曾經係東航嘅HK$3,440（連稅HK$5,862），上海轉機，但已經係上年九月嘅事，而且當時只係慶祝開航所以先咁劈，自此就見唔到乜嘢超筍嘢。不過達美近排靜雞雞劈價：經東京轉機，來回淨機票低至HK$3,700起，連稅HK$6,430起，係近一年嚟少見嘅靚價，如果您想去夏威夷歎世界嘅，呢隻飛要留意啦！機票有效期為1個月，雖然喺東京轉機，但來回均不能停東京，稍為可惜囉！最後出發日期為31/10，最後出票日期為28/9，Check過系統，數量唔係太多，集中喺10月下旬，趁冇乜人知，不妨上官網慢慢Search。

網址：zt.delta.com

（記得按下面「讚好」Share俾Facebook朋友）