第二單要追報嘅筍盤就係捷星（JetStar），佢前幾日推出咗一款早餐盤：明年1月出發（1/1 – 31/1）飛新加坡，單程HK$308起，連稅HK$478起，來回連稅HK$1,013起（溫馨提示：唔包飛機餐及行李寄艙），唔知點解，Check過系統，賣到依家好多日子都仲有平飛喎（當然回程06:30嗰班3K 691就堅有，但其餘班次平日都唔難搵到）！點解咁淡靜嘅？查實呢個價以3個月中短距離嘅期貨盤嚟講，確實抵玩，當然您會話：車！新航之前都做過連稅HK$1.3K啦！不過呢種非典型劈價，十年唔逢一潤！最後出票日期為7/10，要買就快！

網址：www.jetstar.com

（記得按下面「讚好」Share俾Facebook朋友）

經過長假期以及因哀悼而閉館兩日後，「又飛啦！」要幫大家追番啲優惠資訊（不過亦都唔多），首先就揀番華航劈盤：由依家到30/11出發，2人同行飛台北每人每張HK$760起，連稅HK$1,486起，2-7日有效期，上次先講華航台北線史上低位做過HK$655，今次只差一舊水，加上呢隻Fare去程中午同晚上都有航班選擇（當時只得最夜機去），回程一般都係搭最夜個班22:00，返到香港23:45，仲可以搭機場快線極速回家瞓覺，絕對夠時間俾大家嚟過Crazy Weekend！想搭早機？得！俾多HK$40之嘛：多謝HK$800，抵到唔識講，搵多啲Friend一齊去啦～

網址：www.china-airlines.com

（記得按下面「讚好」Share俾Facebook朋友）