趁今晚週五，唔講機票，轉下話題講酒店：今次教大家如何折上折！是咁的，新加坡Zuji（www.zuji.co.sg）暗地裡推緊一個優惠，只要輸入優惠代碼SGDELLZUJI80PROMO，買滿SGD300（折合HK$1,920）就可以減SGD80（折合HK$512），如果咁啱您想訂嘅房價總值剛好SGD300，即等同打73折俾你，呢個優惠Code只限喺新加坡Zuji訂購，香港Zuji係唔用得嘅！點為之折上折呢？其實Zuji內嘅酒店都有唔同Promotion，例如早購優惠啦！連續住幾晚優惠啦！甚至Master卡回贈優惠（用Master卡付款可獲SGD25回贈），而今次介紹嘅優惠Code係可以一併使用，換言之咪折上折囉！就好似附圖為例，小弟就訂咗11月頭過澳門睇方大同演唱會，住大倉酒店，早購已有優惠，今次再用優惠Code，折實只係HK$1,455連稅！週六喎！一般週末起碼HK$3K以上啦！呢個優惠Code適合訂任何酒店，總之新加坡Zuji有就得。如果您所訂嘅房價超過HK$3,800，建議分開兩次訂，攞多一次HK$512優惠！

網址：www.zuji.com.sg

（記得按下面「讚好」Share俾Facebook朋友）

提起香港搭A380飛機，好多人只會諗到阿聯酋／澳航，最多會答埋剛喺6/10投入服務嘅泰航，但其實中國南方航空亦有派A380機走香港<->北京航線，只可惜時間勁差：回程08:50起飛呀陰公！有幾多港人會搭呢？其實中國南方嘅A380水準唔差架！如果想搭佢，依家又有平機會：今日起（12/10），呢隻A380機會改飛廣州<->洛杉磯直航，為慶祝呢隻巨無霸首度執飛長途航線，中國南方亦推出優惠盤，當中亦包括香港出發嘅（經廣州轉機），12/9前出發，來回HK$2,940，連稅HK$5,796，Zuji有售，不過數量非常有限，要慢慢細搵先有！由於中國南方回程需要喺廣州白雲機場等11小時，太長啦（去程只需等2小時，合理）！自己掏腰包搭火車／巴士返香港仲快啦！好在去Zuji買，佢可以幫你回程揀坐國航，北京轉機，只需停2.5小時，停少啲，總價都係多幾舊水而已，自己上Zuji慢慢發掘下吧！

網址：www.zuji.com.hk

（記得按下面「讚好」Share俾Facebook朋友）