去新西蘭旅行，直航只得國泰同新西蘭航空，平極有限。轉機呢？除咗澳航外，都冇乜正路選擇：原來華航有喎！仲要幾平添！今日華航又推出Crazy Tuesday，拎咗澳洲嘅悉尼／布里斯班同埋新西蘭嘅奧克蘭益街坊，淨機票都係HK$3,350起（連稅HK$5,969起），Check過系統，發現三個地點中以飛奧克蘭最筍！雖然連稅HK$5,969難搵到，但連稅HK$6,999為數唔少，雖然需要喺台北轉機，但來回停留時間只係一至兩小時，非常合理，而且係夜機出發，可以俾您喺台北起飛後瞓過夠。況且華航依家有Promotion，俾您免費中停一次，揀去或回程都得，一於「一雞兩味」：一旅兩遊囉！出發日期去到31/12，當然12月中打後聖誕新年期間就冇晒特價啦！

網址：www.china-airlines.com

（記得按下面「讚好」Share俾Facebook朋友）

8/10，我哋「又飛啦！」先話國泰將日本平機票延長至14/12，個時大阪線仲賣緊HK$2,430，仲要2人同行先出得，點知原來國泰近排靜雞雞再劈一刀：減到HK$1,950，2-7日有效期，仲要1人出飛都得！出發日期一樣去到14/12（19/11 – 21/11除外），不過唔同嘅係：去程指定坐零晨機CX566（01:45/06:20），回程坐早上機CX567（09:30/12:55），冇得夜返。查實呢個Offer國泰之前都出過，有效期去到18/10，今次玩Encore，冇計啦！鬼叫樂桃航空頂爛市咩！連港航都唔夠佢玩，宣佈取消大阪線，睇嚟呢條線仲有排鬥。Check過系統，好多日都有得揀，最後出票日期為30/11。

網址：www.cathaypacific.com

（記得按下面「讚好」Share俾Facebook朋友）