18/10 22:20 Updated：優惠Code已不能再用
上週五，我哋「又飛啦！」先教大家如何用優惠Code去新加坡Zuji訂酒店慳HK$512，今次教您一個更爆方法：訂曼谷酒店分分鐘HK$0，仲有錢落袋！是咁的，美國網站Jetsetter係一家專賣全球高檔型格酒店嘅網站，主要集中4-5星以上，佢依家有一個暗秘Promotion：只要輸入Promotion Code “jetset75″，即可享有US75（HK$585）折扣，由於佢冇設最低消費要求，即係如果訂一間原價US$100酒店，分分鐘埋單連稅都係US$30左右，即係打三折！呢個Code適用於任何Jetsetter內賣緊嘅酒店。就以港人最鐘意嘅泰國曼谷為例，我哋Search過，入住Anantara Bangkok Sathorn Deluxe Room（可以揀Double Bed 或 Twin Bed）11月份平日，原價為US$82（HK$640），連稅US$97（HK$757），訂一晚再加上呢個優惠Code，折實連稅只需US$22（HK$172），等如打22折！咁都叫抵？仲有辦法更抵！只要配合會員介紹計劃，新會員入住後您就可享有US$25回贈，咁好簡單：只要自己介紹自己或朋友，俾完US$22仲有US$25回贈，即係住完酒店每晚仲有US$3落袋，您話係咪筍到痴線呢？不過玩呢個遊戲要留意：1. 每晚要用唔同戶口訂，每個戶口必須用唔同信用卡，因為有網民試過用番同一張信用卡，Jetsetter係會取消您回贈資格；2. 早訂冇著數，因為會貴，反而Last Minute訂先有平房；3. 有啲Jetsetter酒店限您最少訂2晚，但只會俾您用一次US$75回贈，呢啲酒店最好儘量避免揀（除非您堅想住）。至於呢個優惠Code幾時完？暫時唔清楚，由於漏洞都幾大，建議大家儘快訂購，不過如果佢送$送得咁勁，會唔會事後Cancel晒您啲Order呢？都有風險架！最近ibis馬來西亞送新開嘅酒店房，即引嚟大批強國網民瘋狂搶，咁鬼揚，結果咪搞到ibis 要Cancel Order收場囉！
入會及訂房網址：www.jetsetter.com （必須先入會才可訂房，入會係免費嘅！）
（記得按下面「讚好」Share俾Facebook朋友）
