搶咗今日國泰港龍fanfares機票嗎？有就要訂埋酒店啦！雅高（Accor）呢幾日做緊全球全線限時劈，非會員6折，會員5折，入住日期為15/12/2012 – 10/02/2013，難得聖誕新年都有得減！今日起雅高會員（Le Club）已可優先訂購，非會員就要等到19/11，之前我哋教過大家點樣免費申請雅高白金會員，呢次用得著啦！訂完房記得Send Email提佢Upgrade（免費登記雅高白金會員教學：http://flyagain.la/?p=4958，若然唔Work，上番雅高官網申請做普通會員亦唔駛錢嘅～）！Check過系統，話就話五／六折，您預比平日訂打七折就差唔多，不過曼谷就真係幾抵：例如12月新開嘅ibis Bangkok Siam（位於BTS站National Stadium正旁邊），一晚連稅只係HK$254起（會員價）左右，可謂抵到爆炸！貴少少檔次例如Novotel Bangkok Platinum，位於水門區，樓下正係大型時裝批發市場，就算聖誕期間入住，每晚連稅亦只係HK$570起（會員價）。不過提提您：1. 雖然唔少酒店堅減，但有啲酒店喺外面酒店網訂仲平，訂之前記得去埋http://www.hotelcombined.com 比較下；2. 有時雅高英文版價錢比中文版更抵，記得轉語言比較下先好拍版呀！最後訂房日期為22/11。

網址：www.accorhotels.com

（記得按下面「讚好」Share俾Facebook朋友）

12:05 13/11 Update：國泰聯絡我哋，話金邊今早再改價錢，由HK$890下調到HK$790（未連稅）

08:30 13/11 Update：第三週國泰港龍fanfares開倉分析：

– 沙巴得指定一個來回日期？仲要係平日！！！！！:(
– 紐約竟然唔係指定日子來回？超正！快訂！
– 曼谷聖誕期間都有，即訂！
– 阿布扎比聖誕節都有，連稅HK$4.4K，都有睇頭
– 金邊今次玩指定日子來回，冇So
– 米蘭玩指定日子來回，但都有9日，唔太走難Feel
– 約翰內斯堡得嗰5日指定日子來回，可以不理

國泰港龍fanfares第三週又嚟啦！記得今早8:00開倉喎！經過兩週，相信大家都掌握到佢哋玩法：全部都係Last Minute機票，短途熱門地點玩指定日子來回，一般地點就俾您喺指定日子內自由揀2-7日來回，長途就總有一個超平地點但超短日子來回。今次佢哋又推出15個城市，包括主打嘅曼谷$990（未連稅，下同）／武漢HK$590／廈門HK$590／沙巴HK$790（港龍極少減價，AirAsia成日都貴，頭號搶飛目標！）／河內HK$790（又嚟？）／南京HK$790／金邊HK$790（翻奄！上星期都頗受歡迎）／吉隆坡HK$990（唔係平太多）／名古屋HK$990／大阪HK$1,490（冇競爭力喎）／阿布扎比HK$1,990／約翰內斯堡HK$1,990／米蘭HK$1,990（呢兩度地方咁鬼平，唔通又係啲4日3夜指定日子來回？）／法蘭克福HK$2,990／紐約HK$2,990（首度登場！極有可能係5日4夜指定來回飛！夾到日子當然Very Good，否則都係算把啦！）。跟據上週經驗，除咗國泰同港龍，其實Zuji甚至各大旅行社都有呢批飛賣，如果今早國泰港龍Server太慢甚至當機，拿拿林轉戰Zuji搶飛啦～記住：先搶可自由揀選來回日子嘅飛先，然後再睇指定日子來回飛啱唔啱心水（如果曼谷或沙巴可以自由揀日子來回，我相信會好似上週首爾咁，1小時內極速沽清），此外每種機票均設有獨立售賣日期，有啲為1日，有啲為6日，要留心啦！

國泰FanFares網址： www.cathaypacific.com

港龍FanFares網址： www.dragonair.com

（記得按下面「讚好」Share俾Facebook朋友）