嚇死人嘅劈價，真係一浪接一浪！今次輪到新加坡：虎航將於今晚00:00推出「買去程．送回程」優惠，去程唔理您揀乜嘢價錢，回程都有機會揀到免費航班（視乎供應，仍要俾稅款）。依家虎航去程最平係HK$398（未連稅），回程再揀埋免費航班，咁來回淨機票咪就係HK$398，連稅HK$693，再加埋HK$100手續費（冇得避，堅要俾），咁埋單就HK$793（不包行李寄艙及飛機餐）！出發日期為7/1/2013 – 31/3/2013，唔算太遠期貨，咁嘅價，絕對搶得過！Check過系統，去程HK$398主要集中喺最早航班TR2963（10:25/14:40），免費回程主要集中喺最夜個班機TR2968（17:00/20:55），咁就發啦！早去晚返都係HK$793連稅？今晚唔搶就笨喇！除咗香港<->新加坡，新加坡來回其他14個城市都有回程免費優惠（最衰冇澳洲珀斯啦），想知飛邊度有得平，即去以下官網睇睇。

網址：www.tigerairways.com

（記得按下面「讚好」Share俾Facebook朋友）

前晚我哋「又飛啦！」漏夜報春秋航空推出HK$0機票，尋日下午2點一望：HK$0當然冇，其他CNY99單程平機票原來一定要用大陸信用卡／銀行戶口或支付寶找數！滿以為香港人今次冇行啦！點知原來今日先係波！春秋航空由今日起推出香港版開倉，每日下午2點起限量推出5個航點平機票，包括香港<->上海、香港<->杭州、香港<->南京、香港<->重慶、香港<->廈門，單程HK$129起，來回連稅約HK$1,013起（不包行李寄艙及飛機餐）。根據尋日大陸版開倉嚟睇，每個航點佢會拎一啲指定日子指定航班出嚟賣HK$129，以上海為例，尋日大陸版只提供一日選擇！其他新航點就有唔少日子供應，所以如果想搶上海平機票，不宜抱太大希望，新航點就唔同。另一方面，記得每張訂單只可訂一張飛，如果有2人或以上嘅，就要分開購買。如果您係12月16日生日，恭喜您！只要向春秋航空香港辦事處申請，首199位朋友可以享有HK$0優惠（當然要俾稅及油附啦），係就依家拿拿林去以下網址申請喇～

網址：www.china-sss.com

（記得按下面「讚好」Share俾Facebook朋友）