02:00 7/12 Update：樂桃航空明年1/4起將實行夏季時刻，回港到著時間為23:55，可以趕得切搭尾班巴士／機場快線，正～

樂桃航空飛大阪又有早餐盤喇！今次係明年8/4至11/7出發嘅（26/4至6/5除外），單程HK$598，來回連稅HK$1,509起（不包行李寄艙及飛機餐），明日（7/12）香港時間下午1點開賣。今次係樂桃首度開賣明年春夏機票，相信受歡迎程度必定比冬天機票大，有心去者，聽日下午1時捕住電腦搶飛喇（尤其係7月左右嘅機票，大把學生哥剛放暑假，聽日真係手快有手慢冇）！不過個人衷心覺得，如果佢回港時間可以Catch到尾班巴士／機場快線者，會更受歡迎啦！

網址：www.flypeach.com

（記得按下面「讚好」Share俾Facebook朋友）

國泰港龍自上星期（27/11）推出台北2人同行機票HK$800（未連稅，下同）後，好受歡迎，12月好多日子都Full咗。有見及此，港龍將2人同行優惠擴展至台中同高雄，來回淨機票HK$821，連稅HK$1,509，就算揀台中入高雄出／高雄入台中出，價錢一樣$821！咁就更加抵啦！出發日期由依家到20/12、27/12 – 28/12、31/12至31/1。航班選擇方面，台中來回無限制，高雄除咗回程冇得揀KA455（19:05/20:35），其他都得。最有趣嘅係：如果來回連到台北，機票更平到HK$800：咪即係食埋國泰港龍台北2人同行HK$800優惠囉！去程如果飛台北，限搭CX494（10:40/12:20）、CX466（13:40-15:15）、KA488（21:20-22:55）、CX408（22:45-00:20+1），反之回程台北返港就冇限制，咁一於台中／高雄入，台北出，又抵又多航班選擇啦～～～官網都仲未有得訂，去Zuji卜！

網址：www.zuji.com.hk

（記得按下面「讚好」Share俾Facebook朋友）