早喺12/11，我哋「又飛啦！」同大家介紹過日航早餐盤2人同行飛東京HK$2,050，除著對手ANA尋日推出單人飛東京HK$1,900後，無計啦！立即跟劈！價錢同ANA睇齊HK$1,900（連稅HK$2,778），但機票有效期比ANA多3日到10日。去程限搭JL736（10:30/15:25），回程限搭JL735（18:10/22:30），早去晚返，出發日期同ANA一樣為1/1至27/3（2/2 – 14/2不適用）。Check過系統，一般日子供應量充裕，但貼實復活節出發（例如27/3去1/4返）嘅就賣晒，暫時只搵到26/3去4/4返，雖然叫跨埋復活節長假期，但10日假期前後都要請足5日大假，感覺唔太So，不過一心想復活節飛東京睇櫻花者，呢個價搭日航，點都買得過。最後出票日期與ANA一樣為14/12，想出飛，去日航天地啦！

網址：www.jalsatellite.com.hk

（記得按下面「讚好」Share俾Facebook朋友）

尋日早上，我哋「又飛啦！」先報華航聖誕新年飛台北$1,020起（連稅HK$1,740起），長榮見狀，立即還拖！無論日子抑或價錢，都針對華航嚟打！由24/12至31/12出發（比華航多日子揀），最平可以做到來回台北淨機票HK$850（華航最平HK$1,020），連稅HK$1,570起，比華航平多HK$170！Check過系統，HK$850嘅飛主要集中喺最早機BR828（07:30/09:10）同埋最夜機BR810（21:50/23:25）。唔知係咪長榮知道一般香港打工仔平安夜會放下午，所以24/12當日一口氣拎4班下午機益大家（除咗BR810係HK$850外，其他3班淨機票HK$1,000，連稅HK$1,720），但尋日小弟已經講明：主戰場應該放喺年尾度（24/12又連唔到22/12，賺唔到個Weekend，去嚟做乜）！31/12長榮已安排3班早機俾大家早啲飛台北Countdown！統統都係HK$850，正呀！呢個優惠只限週末，最後出票日期為下週一（10/12）早上8點，快手啦喂～

網址：eservice.evaair.com

（記得按下面「讚好」Share俾Facebook朋友）