09:57 11/12 Update：〔fanfares開倉分析〕
－ 主打嘅嘅台中，10/1-23/1自由揀日子，不過Weekend飛就唔多覺有
－ 珀斯10張Block Seat位率先沽清！
－ 東京羽田指定兩組日子來回，回程剛好喺聖誕節前，不過估計第2組（19/12去，23/12返）由於跨到週末，相信應該最快沽清，其實都值得入手
－ 胡志明市10/1-23/1自由揀日子，供應量頗多，河內今次就玩指定日子，18/12去21/12返，Weekday唔So
－ 吉隆坡指定24/12零晨機去27/12早機返，除非你堅想聖誕節搵個地方平飛啦！
－ 福岡／名古屋／法蘭克福／洛杉磯／杜拜一如預期，10/1-23/1自由揀日子，桂林今次平$200竟然都仲係自由揀日子，幾抵喎！
國泰港龍fanfares第七週又嚟啦！記得聽早08:00開倉喎！今次佢哋又推出15個城市，包括……
－ 主打嘅台中HK$590（連稅HK$1,277，根據上次高雄HK$490經驗，估計係指定日子來回，不過佢1月份飛台中2人同行都只係HK$800未連稅，平HK$210但要指定日子來回？唔太抵啦！除非係自由揀日子啦！況且港航呢排Weekend劈都有呢口價，仲要係自由揀日期呢？）
－ 桂林HK$490（連稅HK$1,209，第一週時出過，當時係HK$690自由揀日子，今次平兩舊，估計係指定日子來回）
－ 昆明HK$690（連稅HK$1,409，第二週時出過，價錢一樣，咁99%係自由揀日子）
－ 杭州HK$790（連稅HK$1,509，應該係自由揀日子，不過上星期先賣緊HK$690喎～）
－ 河內／胡志明市HK$790（連稅HK$1,521／HK$1,536，呢對fanfares孖寶又嚟啦！）
－ 吉隆坡HK$990（連稅HK$1,764，Encore喎！自由揀日子居多）
－ 東京羽田HK$990（連稅HK$1,796，羽田喎！唔駛問阿貴，必定係指定日子來回！1月嘅飛，一早Plan想去者聽早就搶啦！）
－ 青島HK$990（連稅HK$1,709）
－ 福岡／名古屋HK$1,290（連稅HK$1,986/HK$2,134，應該係自由揀日子）
－ 珀斯HK$1,690（連稅HK$4,705，指定來回甚大，爭在係幾多日嘅飛）
－ 杜拜HK$1,990（連稅HK$4,442，第四週出過，同價錢，呢個價應該係自由揀日期）
－ 法蘭克福HK$2,990（連稅HK$6,579，第三週出過，同價錢，呢排歐洲機票勁淡，估計都係自由揀日期）
－ 洛杉磯HK$2,990（連稅HK$5,724，上次都係呢個價同埋自由揀日期，今次應該唔例外，呢個價，應該好快沽清！）
記住：先搶可自由揀來回日子嘅飛先，然後再睇指定日子來回嘅飛，此外每個地點均設有獨立售賣日期，有啲為1日，有啲為6日，留心啦！
國泰FanFares網址： www.cathaypacific.com
港龍FanFares網址： www.dragonair.com
（記得按下面「讚好」Share俾Facebook朋友）
