29/10，我哋「又飛啦！」教大家如何免費直接申請雅高（Accor）集團白金卡，反應熱烈超乎預期；今次就介紹另一間酒店集團：卡爾森（Carlson），教大家免費登記做佢金卡（Gold Elite）會員（即係四級中第二高級別），要知道若然真金白銀去Upgrade，每年起碼需要入住35晚，依家只需經指定Link入去登記即可！點解咁So？查實呢個優惠原本係俾印度Jet Airways航空會員專用嘅，不過經我哋測試，發覺任何人登記，卡爾森都一樣照俾你金卡會藉！雖然呢個優惠寫明去到31/3/2013，不過若果太多人申請，隨時取消都唔奇，趁依家唔多人知，快手登記拎咗著數先！

香港人對卡爾森酒店集團比較陌生，事關佢喺香港冇酒店，查實佢擁有Radisson／Radisson Blu／Park Plaza／Park Inn以及Country Inn and Suites，全球各地都有分店，亞洲區尤以中國大陸同泰國有唔少酒店。做金卡會員主要有以下福利：

1. 額外多賺50%住宿積分（Gold Points）

2. 每次網上訂房，可額外享有2,000分（普通紅卡只有1,000分）

3. 免費房間升級（視乎供應）

4. 迎新禮品（都係水果／飲料之類）

5. 提早Check-in及延遲Check-Out優惠（視乎供應）

6. 尊享金卡或以上會員先有嘅推廣優惠（例如有時會有買2晚送2晚／買4晚送4晚）

如果您本身已經係佢會員，甚至有分數累積緊，唔駛怕！不妨用另一個email再開新account，成功後叫卡爾森做戶口Combine，咁既可Keep住分數又可晉升做金卡會員喇！

卡爾森Carlson免費登記金卡會員指定Link：http://www.clubcarlson.com/privatePage.do?privateCode=GOLDUPGRADE

卡爾森會員福利介紹：www.clubcarlson.com

（記得按下面「讚好」Share俾Facebook朋友）

乜聖誕新年冇人去台北咩？上週五長榮推出嘅週末限定聖誕新年飛台北HK$850起，今日週五又Encore啦！睇過長榮Price List，大體上同上週末一樣，冇增加劈價航班，只係部份原本賣開HK$850嘅就小加HK$50至HK$900（連稅HK$1,620），航班包括24/12及26/12香港出發嘅BR828（07:30/09:10）；26/12香港出發嘅BR858（21:05/22:45，Hello Kitty機嚟）；31/12香港出發嘅BR852（11:20/13:00），其他同上週末相同。上次冇入手嘅，依家可以補飛，最後出票日期為下週二（18/12）早上8:00（比上週多一日）。

網址：www.evaair.com

（記得按下面「讚好」Share俾Facebook朋友）

尋晚同大家介紹荷航／法航Last Call緊嘅歐洲早餐盤，今次就介紹呢隻新鮮歐陸早餐盤：芬蘭航空飛歐洲各大城市HK$3,920（未連稅）起，出發日期為16/1 – 4/2；15/2 – 31/3，計埋稅，巴黎來回HK$7,675起，倫敦HK$8,671起，羅馬HK$7,504起，巴塞隆拿HK$7,725起，馬德里HK$7,735起，法蘭克福HK$8,092起，價錢的確比其他對手貴啲，但勝在3月尾貼近復活節出發仲有唔少供應，趁依家冇乜人知，諗諗佢吖！

咁芬蘭航空又有乜嘢漏洞值得注意？如果揀唔同城市來回，只要掉一掉轉城市，價錢隨時有驚喜！就以7/3去歐洲19/3返港為例，如果巴黎入倫敦出，來回連稅HK$8,671，但如果掉轉行（即倫敦入巴黎出），來回連稅竟然只係HK$7,675，等於巴黎來回價錢（仲平過法航HK$300）！須知道倫敦機場稅一向全球至貴，依家話晒有一程機係經倫敦，下欄費竟然不變：淨機票明明大家同樣HK$3,920，掉一掉轉就慳成HK$1,000！另一例子：巴塞隆拿入法蘭克福出，連稅HK$8,192，掉一掉轉，法蘭克福入巴塞隆拿出，連稅HK$7,625！咪仲平過巴塞隆拿來回？咁又慳咗HK$567喎！由於城市組合太多，不妨自己上芬蘭航空官網尋下寶吧！

網址：www.finnair.com

（記得按下面「讚好」Share俾Facebook朋友）