呢單猛料，平嘅程度，真係彷彿迫您去旅行！本週長榮週末劈經已推出，由依家到下週一（7/1）早上08:00，買台北機票來回只需HK$650起，連稅HK$1,344，去程指定坐BR828（07:30/09:10）/ BR852（11:20/13:00）/ BR810（21:50/23:25），回程冇限制，上週Weekend先賣緊2人同行HK$750，今個禮拜就……出發日期由11/1 – 3/2，所以成日話：想要台灣平機票，忍手Last Minute出手先至高明！呢個價已極為接近：甚至已經打破長榮新低，絕對值得入手！如果想任揀航班？得！週日至四出發就HK$750（連稅HK$1,444），週五及六出發就HK$800（連稅HK$1,494），比之前再低一截！以上機票有效期為2-7日，有買快手！

網址：www.evaair.com

（記得按下面「讚好」Share俾Facebook朋友）

講到飛歐洲嘅平霸航空公司，中東嘅您自然會諗起卡塔爾航空，但其實仲有另一間中東航空公司，服務五星級，但價錢就非常大眾化！佢就係阿提哈德航空（Etihad Airways）嘞！佢係阿聯酋第二間大型航空公司，同阿聯酋航空唔同，佢基地設於阿布扎比。阿提哈德航空一向係冇飛機嚟香港，但隨著佢子公司塞舌爾航空（Air Seychelles）將於24/3起開辦香港<->阿布扎比<->塞舌爾航線後，以後想搭阿提哈德航空，大可以先搭塞舌爾航空然後喺阿布扎比轉機。

依家佢推出春季飛歐洲筍盤：淨機票HK$3,960起，連稅後，香港飛巴黎HK$5,482起、布魯塞爾HK$5,245起、慕尼黑HK$5,790起、都柏林HK$7,376、杜塞爾多夫HK$5,606起（同國航差唔多）、法蘭克福HK$5,782起、日內瓦$5,133起、曼徹斯特HK$6,182起，都係六千以內！連去伊朗首都德克蘭連稅都只係HK$5,729（奇怪係佢宣傳網頁上，價錢遠比以上列出為高，可能未Update卦？）！不過要提一提大家：如果揀香港出發，俾您喺官網買到飛歐洲嘅航點唔會太多，因為如果駁機時間太長，阿提哈德會索性唔俾您買。如果您想去嘅歐洲地方以上都冇提及，咁揀番其他航空公司算啦！航班方面，香港去程阿布札比每逢週一、三、五（EY4121 18:55/23:25），阿布札比返香港每逢周二、四、日（EY4122 21:40/09:40）。飛去塞舌爾呢？依家做緊首航特價：淨機票HK$4,660，連稅HK$5,939，比以往平一大截，呢個價都值得飛去嘆個陽光與海灘嘅，話晒夠冷門嘛！

留意位：

最後出票日期：20/1

出發日期：24/3 – 30/6

機票有效期：3日至2個月

網址：www.etihadairways.com

（記得按下面「讚好」Share俾Facebook朋友）