X
想暑假大旺季平飛新加坡？早買為宜！捷星剛剛低調推出暑假飛新加坡早餐盤：出發日期為2/7 – 2/8，單程淨機票HK$338，來回連稅HK$1,074，雖然唔係上次幾舊水來回咁激平，但仍然係抵買水平，起碼今次出發日期為暑假期間，如果您係學生哥，呢個價不妨入定貨（事關返學期間就算平到幾舊水您都飛唔到）；如果係上班一族，有需要者仍可入手，否則再等下冇壞～Check過系統，大量供應，除咗香港飛新加坡，新加坡飛亞洲區內城市一樣有特價。最後都係嗰句：有買趁手！優惠去到11/1 23:59。
（記得按下面「讚好」Share俾Facebook朋友）
10:37 8/1 Updated：〔fanfares分析〕
－ 自由揀日子出發日期：24/2 – 9/3，地點有：海口／台北／寧波／首爾／名古屋／新加坡／西安／布吉／阿德萊德／羅馬
－ 首爾率先沽清！
－ 台北竟然係自由揀日子！不過週四／五出發基本上係冇影，週六出發嘅就只有2/3
－ 名古屋HK$990竟然係自由揀日子！正！180張，執筆時仲未沽清！好多日子都有！
－ 阿德萊德直航極少有咁平，況且依家係澳洲旅遊旺季，仲可以自由揀日子，絕對買得過！
－ 主打三亞做限定4日3夜日子來回唔出奇，但連大阪HK$1,790都限5日4夜，真係No Eye See；曼谷係指定4日3夜來回，夾唔到Weekend Trip，慳番！鄭州HK$790都做4日3夜指定日子來回；吉隆坡HK$990指定4日3夜，不過都跨到Weekend，唔算太差
國泰港龍fanfares第十一週又嚟啦！記得聽早08:00開倉喎！今次佢哋又推出15個城市，包括……
－ 主打嘅三亞HK$290（連稅HK$983，唔駛問阿貴，咁平梗係指定日子來回，不過平成咁，當遊機河都抵）
－ 海口HK$490（連稅HK$1,183，今個禮拜出晒海南島孖寶咁搞嘢？）
－ 台北HK$590（連稅HK$1,252，應該係指定日子來回啦！以價論價，比華航／長榮更平，夾啱來回時間梗係抵買）
－ 鄭州HK$790（連稅HK$1,483，自由揀日子居多）
－ 寧波HK$890（連稅HK$1,583，少有平盤，有需要可買）
－ 名古屋HK$990（連稅HK$1,798，又嚟！99%係指定日子來回）
－ 曼谷HK$990（連稅HK$1,750，估計係農曆新年之後，呢個價如果係自由揀日子，就真係必搶啦）
－ 吉隆坡HK$990（連稅HK$1,737，fanfares常客）
－ 首爾HK$1,090（連稅HK$1,881，好耐冇見喎！如果係自由揀日子就快手喇～）
－ 新加坡HK$1,090（連稅HK$1,850，冇乜特別）
－ 西安HK$1,090（連稅HK$1,783，自由揀日子矣）
－ 布吉HK$1,190（連稅HK$1,950，布吉少平盤，99%係自由揀日子，呢隻抵呀！）
－ 大阪HK$1,790（連稅HK$2,612，可以不理）
－ 阿德萊德HK$2,390（連稅HK$5,244，首度登場！唔知開邊樣）
－ 羅馬HK$2,990（連稅HK$5,816，fanfares常客，自由揀日子）
記住：先搶可自由揀來回日子嘅飛先，然後再睇指定日子來回嘅飛，此外每個地點均設有獨立售賣日期，有啲為1日，有啲為6日，留心啦！
國泰FanFares網址： www.cathaypacific.com
港龍FanFares網址： www.dragonair.com
「國泰港龍fanfares往績全紀錄」（by Google Doc)：http://goo.gl/F8jom <–記得Bookmark！
（記得按下面「讚好」Share俾Facebook朋友）
X