Updated：09:39 15/1〔fanfares分析〕
－ 自由揀日子嘅地方包括：杭州／昆明／金邊／上海浦東／河內／檳城／沖繩／仰光／大阪／法蘭克福，出發日期為3/3 – 16/3
－ 福岡要指定5日4夜，Well！由18/1 – 25/1分四日出發，有三個跨到Weekend
－ 沙巴要指定日子來回！仲要只係平日去，即時跌Walt
－ 金邊／河內／檳城／仰光自由揀日子，本週最有睇頭是也
－ 巴黎指定6日5夜，跨到Weekend，去走水貨啦喂！應該好快沽清～
國泰港龍fanfares第十二週又嚟啦！記得聽早08:00開倉喎！今次佢哋又推出15個城市，包括……
－ 主打嘅福岡HK$990（連稅HK$1,684，之前做過幾次HK$990都係指定日子來回，今次會唔會學似名古屋咁，升做主打就變成自由揀日子呢？）
－ 桂林HK$490（連稅HK$1,209，上次第七週出過，竟然做HK$490自由揀日子，今次會唔會Encore？係就幾抵）
－ 杭州HK$690（連稅HK$1,409，呢個價難估佢出乜，出過四次，三次都係自由揀日子）
－ 昆明HK$690（連稅HK$1,409，上次係第八週出現，應該係自由揀日子）
－ 寧波HK$790（連稅HK$1,483，今個禮拜又出現！少有平盤，有需要可買）
－ 上海HK$890（連稅HK$1,609，第八期HK$890係自由揀日子，相信今次都係）
－ 金邊HK$890（連稅HK$1,691，前次先出現，應該係自由揀日子，抵去呀！）
－ 檳城HK$990（連稅HK$1,737，貴番一舊水，應該係自由揀日子．AirAsia將於3月Cut香港飛檳城航線，國泰好快變成獨市生意嘞～）
－ 河內HK$990（連稅HK$1,721，又加一舊水！真係隔個禮拜又出現！）
－ 沙巴HK$1,090（連稅HK$1,862，應該係自由揀日子，沙巴平貨要搶啦！）
－ 仰光HK$1,490（連稅HK$2,148，新航線，首度登場！雖然唔係幾舊水，但緬甸依家先開始發展旅遊業，去仰光亦只有港龍有直航，呢個價值得飛去親身體驗呢個新開發嘅國度．要留意回程係零晨機）
－ 沖繩HK$1,490（連稅HK$2,096，加兩舊水！應該係自由揀日子）
－ 大阪HK$1,790（連稅HK$2,612，可以不理）
－ 巴黎HK$1,990（連稅HK$4,802，99%指定日子來回，不過直航巴黎唔駛HK$5K連稅，買多兩嗰袋，已經夠回本，好抵去！）
－ 法蘭克福HK$3,090（連稅HK$6,679，加咗一舊，自由揀日期居多）
記住：先搶可自由揀日子嘅飛先，然後再睇指定日子嘅，此外每個地點均設有獨立售賣日期，有啲為1日（自由揀日子），有啲為6日（指定日子來回），留心啦！
國泰FanFares網址： www.cathaypacific.com
港龍FanFares網址： www.dragonair.com
「國泰港龍fanfares往績全紀錄」（by Google Doc)：http://goo.gl/F8jom <–記得Bookmark！
（記得按下面「讚好」Share俾Facebook朋友）
