今次教大家簡簡單單賺Accor酒店集團Le Club會員200分數！唔駛入住都有！Accor集團正喺北歐四國：瑞典／丹麥／挪威同芬蘭做緊有獎問答遊戲，只要答中問題，並撰寫一段小文章講下旅遊Idea，即可參加比賽，大獎有iPad 16GB！不過條款有寫明參加者需提供北歐四國地址，除非您真係有，否則您冇可能贏到大獎啦！但仲有細獎呢！只要答中所有問題，填交基本資料就可賺取200分Accor Le Club分數，重點係：填Form時冇需要入地址，地址一欄可以漏空，連電話都唔好寫852，就咁輸入人名同埋Accor Le Club會員號碼就得啦！至於啲問題，都係看圖識字個隻，超級容易，俾埋答案您又點話！最後參加日期為31/3，得獎名單將於10/4或之前公佈。

答案（順次序）：倫敦／曼谷／巴黎／里約熱內盧／上海／斯德哥爾摩

網址：accorscandinavia.com

（記得按下面「讚好」Share俾Facebook朋友）

國泰港龍上年做台灣2人同行HK$800，但剛剛喺31/1完咗喇！不過佢已宣佈Encore，價錢就比上次貴HK$100，出發日期由1/2至3/2；15/2至27/3，飛台北及高雄2人同行來回淨機票每張HK$900，連稅HK$1,555，相比起一眾對手如華航／長榮／港航甚至泰航，佢係最貴，但呢隻筍盤嘅最大賣點並非如此：因為佢回程可以俾您揀唔同城市，例如台北入高雄出，高雄入台北出，回程甚至可以揀埋台中，例如台北入台中出，高雄入台中出（不過台中來回就冇呢口價），自由度大咗，當堂值錢晒！雖然官網有呢隻盤賣，但只限同地來回，想分開城市來回，去Zuji買最方便（又或者打去國泰2747 1577出飛都得），反正同官網價錢相若，最後出票日期為27/3。

網址：www.zuji.com.hk

溫馨提示：華航已率先公佈將參與2013年「港人遊台機票三送一」活動，換領細則請瀏覽：www.china-airlines.com　（國泰港龍雖未宣佈加入，但留定登機證等公佈無壞）

（記得按下面「讚好」Share俾Facebook朋友）