09:53 Updated：國泰港龍fanfares今早8am又開倉，自由揀日子嘅地點有：上海／吉隆坡／青島／布吉／大阪／三藩市，出發日期為21/4 – 4/5，咦？跨到5.1勞動節假喎！

－　上海可以跨到5.1假期，不過1/5回程就冇得揀

－　台中指定日子來回？2月尾出發，3-4日，吸引力一般

－　東京羽田指定日子來回，2月尾出發，由4日至6日，唔知10點前可否沽清？

－　食到5.1大假者（即27/4去1/5返），包括：吉隆坡／大阪／三藩市／青島

－　布吉5.1假期冇位

國泰港龍fanfares第十七週又嚟啦！記得聽早08:00開倉喎！今次推出11個城市，過咗新年，終於有番睇頭！上次自由揀日子出發日期為14/4 – 27/4，估計今次又係順延一週咁上下：

－　主打嘅上海HK$690（連稅HK$1,377，29/1做過HK$690自由揀日子，估計今次做得主打，應該都係啦！尤其係港航大陸線劈得咁癲，唔同佢肉搏點掂？）

－　台中HK$690（連稅HK$1,344，自由揀日子多，雖然比港航貴一二百，但溢價合理）

－　吉隆坡HK$990（連稅HK$1,729，常客也，唔知佢今次開邊樣）

－　東京羽田HK$990（連稅HK$1,742，應該係指定日子來回，唔駛諗，一定最早沽清！）

－　青島HK$990（連稅HK$1,677，自從11/12出現過後又見面，估計係自由揀日子）

－　布吉HK$1,190（連稅HK$1,950，四月已經係布吉旅遊旺季尾聲，Last Call！）

－　仰光HK$1,490（連稅HK$2,142，又嚟！上週指定日子就賣唔去，今次應該變番自由揀日子卦）

－　大阪HK$1,790（連稅HK$2,587，唔算抵，不過樂桃呢排又真係幾靜，有必要去者可買）

－　巴黎HK$1,990（連稅HK$4,461，隔一星期又見面，應該係指定時間來回，梗係抵啦）

－　悉尼HK$1,990（連稅HK$4,795，首度推出！直航嚟講近年新低，指定日子來回居多，適合探親之用）

－　三藩市HK$2,990（連稅HK$5,386，三期前首度出現，係指定日子來回，今次同價，應該一樣）

記住：先搶自由揀日子嘅飛先，然後再睇指定日子來回嘅飛，此外每個地點均設有獨立售賣日期，有啲為1日，有啲為6日，留心啦！

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://goo.gl/F8jom　<–記得Bookmark！

（記得按下面「讚好」Share俾Facebook朋友）

19/1，我哋「又飛啦！」已率先話週末熱價將會ByeBye，取而代之就係今日開始嘅”一Click即享，震撼全城”，每日會將不同航線45天或以上預售機票劈劈劈，限量供應，售完即止，聽日再玩過，擺到明針對國泰港龍fanfares啦！人哋逢週二，佢就日日劈，唔通幫你日日賺？今日（18/1）首度開倉，曬冷式推出20個航點，個個真堅平，包括：

中國大陸

－　海口HK$360（連稅HK$1,046）、三亞HK$390（連稅HK$1,076）、杭州HK$410（連稅HK$1,096）、福州HK$420（連稅HK$1,106）、昆明HK$430（連稅HK$1,116）、上海HK$450（連稅HK$1,136）、南京HK$510（連稅HK$1,196）、重慶HK$540（連稅HK$1,226）、成都HK$600（連稅HK$1,286）、北京HK$610（連稅HK$1,296）、哈爾濱HK$820（連稅HK$1,506）

最抵一定係北京！上海個價同春秋有得Flight！其他都好平

台灣地區

－　台中HK$370（連稅HK$1,023）、高雄HK$430（連稅HK$1,083）、台北HK$510（連稅HK$1,164）

去台灣連稅一千左右，真係迫您去！

日本及東南亞地區

－　沖繩HK$690（連稅HK$1,264）、曼谷HK$720（連稅HK$1,477）、河內HK$710（連稅HK$1,408）、沙巴HK$810（連稅HK$1,548）、布吉HK$880（連稅HK$1,637）、峇里島HK$1,240（連稅HK$1,814）

飛沖繩連稅千二蚊，峇里島連稅唔駛二千蚊，史上新低！必去！

記得加入埋「紫荊會」，會員訂購HK$2,500以下機票，每個Order可以多HK$50折扣，扣番HK$50後，飛台中連稅只係HK$973，平到叫救命！從今以後，每晚00:00起，都要上港航官網睇睇有冇新一批劈盤。

網址：www.hongkongairlines.com

（記得按下面「讚好」Share俾Facebook朋友）

10:38 18/2 Update：Check過美國航空官網，漏洞價仲係度！趁班美國朋友未返工fix，需要去就買啦！不過講明先：機票係non-refundable

深夜都同大家急報一單漏洞機票消息！雖然唔係香港出發，但其漏洞之大，值得分享！美國航空官網出現漏洞：紐約（JFK）<->智利首都聖地牙哥（SCL）嘅商務及頭等機票，來回本來賣緊HK$23,000起，但依家竟然賣HK$7,013起！仲要係連稅！就算揀經濟，來回連稅都賣緊HK$8,000起，所以又係9999.999999%漏洞價！出發日期為1/4 – 12/6，最遲亦需於12/6完成，紐約來往聖地牙哥冇直航，須經邁阿密轉機，第一程（紐約->邁阿密）及第四程（邁阿密->紐約）係坐頭等，第二及第三程（邁阿密<->聖地牙哥）就坐番商務，可以免費中停一站（例如邁阿密），再停就加收US$125（HK$975）一程。由於呢條航線係美國航空同智利航空以代碼共享運作，可以嘅話，邁阿密<->聖地牙哥建議盡量揀乘智利航空，因為商務艙正過美國航空。Check過系統，雖然唔係全部日子都有，但去程唔太難搵到，回程就以五月打後易啲（四月極少，所以未必食到復活節假），想飛南美州玩番轉，再加番張香港<->紐約機票就得啦！若然稍後遇上國泰fanfares有紐約就更perfect！就算無，香港來回紐約直航連稅都係一萬左右，加埋呢套漏洞機票，來回南美唔駛兩萬，仲要坐到商務 + 頭等，的確超級化算！同上次葡航事件相若：估計美國時間週一早上，班美國佬返工後一定會fix架啦！要買就趁手！

溫馨提示：玩漏洞嘅嘢，絕對睇彩數，唔好抱太大期望先好學人玩喇！

網址：www.aa.com

（記得按下面「讚好」Share俾Facebook朋友）