今日搶唔到$10飛法蘭克福機票？唔緊要！等荷航同法航幫您！兩間航空公司（其實都係同一間，因為已經合併咗）聯手推出飛歐洲HK$3,040淨機票優惠，出發日期為1/3 – 30/4，可以揀搭法航或荷航或混合，不過Check過系統，法航直飛巴黎已經冇晒HK$3,040蹤影！荷航直飛阿姆斯特丹都冇，不過兩者都仲有少量HK$3,040但有一程須轉機，連稅HK$5,938起，唔駛HK$6K都算抵買。至於飛其他歐洲城市，呢一刻都唔太難搵到HK$3,040，不過始終佢哋轉機下欄貴，連稅加埋都要六千幾，同卡塔爾甚至阿聯酋航空做特價時相若，未算超級抵，只係一般筍而已。請留意：機票有效期1個月，來回必須跨到一個週日或最少停留5日。最後出票日期為3/3。

荷航網址：www.klm.com

法航網址：www.airfrance.com.hk

（記得按下面「讚好」Share俾Facebook朋友）

今次介紹嘅航空公司，係「又飛啦！」嘅稀客：佢就係印尼嘉魯達航空公司喇！佢依家做緊3月直航峇里島優惠：來回淨機票HK2,760起，連稅HK$3,367起，機票有效期14日，出發日期為5/3 – 31/3（不過Check過，3月尾最近係25/3，唉！貼唔到復活節假）。雖然平唔過港航之前嘅一劈震天下優惠，但以嘉魯達本身嚟講，呢個的確係佢低價，況且峇里島直航少有筍嘢（依家港航又上番價），所以有心去峇里島者，不妨比較下。去程搭GA857（15:45/20:50），回程搭GA856（09:45/14:45），時間就一般咗啲。官網冇得賣，上真旅網啦！

網址：www.travelzen.com

（記得按下面「讚好」Share俾Facebook朋友）