澳門Fans留意！澳門航空推出一隻只限持有澳門身份證或勞工證人士（咦？喺澳門工作嘅香港人都得喎）購買嘅筍盤，飛去各大城市都有特價，當然最正係日本航線：飛東京及大阪來回淨機票HK$1,290，東京連稅HK$2,290，大阪連稅HK$2,299；台北高雄來回淨機票HK$790，連稅HK$1,653，以上四隻盤非常抵，雖然香港出發會更平，但慳番來回船飛錢同時間嘛！最值得入手。曼谷來回淨機票HK$790，連稅HK$1,760，似乎搭番AirAsia或泰國微笑航空抵啲喎！仲有其他大陸航線都有份減。出發日期由依家到27/3；30/3 – 2/4；5/4 – 15/5；18/5 – 14/6（大阪只去到30/3前，逢週五出發；曼谷則限坐NX886及早上9點前起飛之航班），機票有效期7日；Check過系統，供應量唔係太多，三／四月就非常難搵，最後出票日期只去到24/3，澳門Fans要爽手喇！

網址：www.airmacau.com.mo

（記得按下面「讚好」Share俾Facebook朋友）

17:58 Update：必須先介紹朋友／自己，然後被介紹者會收到Agoda Send嚟嘅Email，再Click入裡面條Link，再激活Promotion Code，然後搵酒店，喺輸入人客資料時，頁底會見到輸入Promotion Code位置，直接上Agoda.com係冇位俾您輸入Promotion Code嘅，請留意！

Agoda訂房網向來好少有Promotion Code，今日竟然出現，仲要限額1,000名！是咁的：Agoda今日發電郵俾登記會員，只要邀請朋友登記做Agoda會員，對方可以有10%折扣券，自己則可以參加抽獎，有機會贏取希爾頓（Hilton）免費酒店，每介紹一位，都會多一個抽獎機會。之不過抽獎嘅嘢，向來無謂咁認真，但10%折扣券就堅有用，不妨介紹朋友，又或者”介紹自己”：即係登記另一個同屬於自己嘅電郵戶口囉！暫時搵到呢個10% Promotion Code：13FTAFHKT1A，最後使用日期為20/3，只限訂購不設退款（Non-refundable）之房間，冇講入住日期到幾時。請記住：限額1,000名！唔知滿額後會否轉Code？不妨介紹多幾個朋友，以備稍後不時之需。

推薦朋友網址：https://pages.reply.agoda-rewards.com/friend-referral/form/?referrer=&lang=7

（記得按下面「讚好」Share俾Facebook朋友）

香港<->台北線，劈完可以再劈！今次就介紹長榮，出發日期由現在至26/3，2/4 – 15/5，18/5 – 31/5（同國泰一樣），來回台北淨機票HK$684，連稅HK$1,368，機票有效期2-7日，去程除咗BR870（15:30/17:10）同BR856（17:05/18:45）唔揀得外，其他班次都揀得，不過Check過系統，通常早機BR828（07:30/09:10）同BR810（21:45/23:25）比較易搵，其他就有少少難度，回程就睇供應。呢隻Fares長榮官網未有得賣（佢仲賣緊HK$750），上Zuji啦！

記住31/8前去台灣三次來回，可以換取一張免費台灣機票，詳情請睇：台灣機票3送1活動，2013年又嚟啦！

網址：www.zuji.com.hk

（記得按下面「讚好」Share俾Facebook朋友）