一連兩單劈價消息，都關虎航事！首先係新加坡，虎航推出1/7 – 30/9出發嘅劈盤，來回連稅只需HK$1,181（已包括硬食嘅手續費HK$114，但唔包行李寄艙及飛機餐），Check過系統，供應量唔錯！記得去程搵”Sale Fare $323″回程揀”Sale Fare $350″，方為今次出擊目標。咁嘅價錢，暑假一於齊齊飛去Universal Studio／Legoland玩餐飽！最後出票日期為22/4。至於澳洲內陸線，當地春季出發（21/10 – 16/12），一眾虎航航線齊齊怒劈到單程AUD10（約HK$80），當中嘅珀斯飛墨爾本最值得推介：因為您可以夾埋虎航/捷星/AirAsia X由新加坡或吉隆坡出發去珀斯嘅平機票，一舉玩盡澳洲東南西岸！最後出票日期為19/4。

網址：www.tigerairways.com

（記得按下面「讚好」Share俾Facebook朋友）

今早零晨00:00起，中國南方航空喺大陸官網推出一系列航點限時劈，但需要廣州出發之餘，又唔可以用香港信用卡找數，得個睇字。其實南航喺國際版網站亦靜靜雞推出類似優惠，最正嘅係：可以揀香港出發！價錢同廣州出發一樣！而且又可以用Visa / Master / Paypal找數！講緊嘅係新西蘭奧克蘭淡季超爆優惠：來回淨機票HK$2,740，連稅HK$5,496！國泰／新西蘭航空依家淡季直航奧克蘭連稅都要九千一萬，可想而知呢隻有幾抵。Check過系統，呢個價錢啲飛主要集中喺六月，八月及九月，其他日子暫時未搵到，有就請大家報料吧！機票有效期14日。提提您：去程需要喺廣州白雲機場等5.5小時，好在廣州出發飛奧克蘭剛好係零晨00:30，可以大瞓一回；回程就要喺廣州白雲機場等9.5小時，建議自己搭火車返香港，好過喺廣州無啦啦等九粒鐘喇！

網址：www.flychinasouthern.com

（記得按下面「讚好」Share俾Facebook朋友）