CheapTickets.com一直有8折Code俾您平訂酒店，想再著數啲？可以試下佢另一隻Promotion Code：CHEAP50，買滿US$200（約HK$1,560）以上即減US$50（HK$390），如果咁啱買夠US$200，即等同打75折，如果您識得揀酒店同埋識得巧妙地分配每張訂單（即係每單最好啱啱做到US$200），建議用CHEAP50 Code，否則用番佢CHEAP20 Code直接打8折就算啦！記得訂之前去http://www.hotelcombined.com 做埋比價先好郁手喎！提提您：CheapTickets.com係海外網站，須用美金結算，信用卡會收海外簽帳附加費，不過都係貴1%-3%不等，計落都有So！

Promotion Code：CHEAP50（大細階都得）

最後使用日期：30/4

最後入住日期：31/8

網址：www.cheaptickets.com

（記得按下面「讚好」Share俾Facebook朋友）

今次教大家如何暑假平飛首爾，方法非常簡單：新加坡廉航酷航為慶祝台北<->首爾新航線於12/6啟航，推出超平機票，來回連稅只係HK$1,433（不包行李寄艙及飛機餐），連七／八月暑假高峰期都有呢口價！至於香港<->台北，當然搵港航啦！依家官網賣緊七／八月來回連稅約HK$1,627，用週末熱賣Promotion Code減HK$200就係HK$1,427，換言之兩程加埋：HK$1,433 + HK$1,427 = HK$2,860，台北機票如果遲啲先入手，港航分分鐘再劈都未定！暑假唔駛三千就玩盡首爾 + 台北，Good啦（由於港航台北機票有效期只有7日，想玩耐啲，建議各位如果有AsiaMiles者，盡量用分［來回15,000分］換國泰／港航台北機票，由於機票有效期長達一年，想玩耐啲都得）！更So嘅係：如果您今年已經去過台灣兩次，只要31/8前去埋呢次首爾Trip，就正式做齊三次來回，拎呢六張香港<->台灣登機證同埋一張連同有台灣移民署印章嘅出入境入台證副本，30/9前去香港台灣旅遊觀光局申請台灣免費機票乙張（詳請按此），咁又變相送多幾舊水俾您。七除八扣，呢次暑假首爾Trip分分鐘二千蚊搞掂，學生哥一定最Like！建議先買酷航（因為最後出票日期為19/4），再等到六月睇下港航有冇暑假台北劈盤，嗰陣先補飛都未遲。

酷航逢週三／五／日各對飛一班，去程19:15，到達首爾22:35；回程23:45，到達台北01:25，所以不能立即駁機返港，建議回程先留喺台北玩。至於喺台北，由於分開唔同航空公司，您必須要先入境然後再去番酷航櫃台Check-in，行李冇得直掛到首爾。

酷航網址：www.flyscoot.com

港航網址：www.hongkongairlines.com

（記得按下面「讚好」Share俾Facebook朋友）