澳門fans請留意！澳門航空有一隻限量首爾平機票，低調到冇人知！出發日期由依家到19/7，1/9 – 18/9（中秋節唔用得），24/9 – 26/9，30/9 – 31/10（國慶假得喎），淨機票MOP1,180起，連稅MOP2,193起，機票有效期2-7日。講明先：澳門航空飛首爾時間麻麻，去程紅眼零晨機NX826（02:00/06:25），回程超早機NX825（08:00/10:40），如果以澳門出發計，對手只有真航空，但價錢都唔平（連稅要MOP3,200左右，貴成一千蚊），所以澳門航空仍然可取（搭船去香港轉機就有啲冇謂）。Check過系統，7月頭暑假仲有極少量來回（去程日子：2, 3, 4, 11, 12, 13, 14,  回程日子：1, 3, 4, 8, 10, 11, 14, 15, 17），好多日子都係一張起兩張止，所以有心7月頭暑假去首爾就要立即郁手喇！相信呢個Post一出，今晚都被人掃光。至於9月打後供應量就OK。香港Fans唔介意過大海搭，當然可以買啦！

網址：www.airmacau.com.mo

（覺得抵請記得按Like同Share俾朋友）

首爾，上海，杜拜，昆明，四個截然不同嘅地方，只要您肯一張機票玩晒佢，淨機票只係HK$3,708起，連稅HK$5,590，仲可以暑假飛添（您冇眼花，真係咁抵）！學生哥或想飛長Trip者，今次就要俾足心機留意下，皆因要留心以下教學，再自己努力慢慢Search，先搵到呢批筍價。咁點樣飛呢？經我哋反覆研究後，只要用以下步驟就可以玩晒4個城市（當中首爾同上海Trip可以同杜拜及昆明Trip拆開，分兩次玩唔駛一連請咁多假），留心要揀啱日子，因為有部份航程唔係日日有航班，建議行程如下：

第一程：香港飛首爾，中停上海浦東（即飛，唔好Stop-over），每日都得

第二程：首爾飛上海浦東，直航，每日都得

（玩完上海，您可以買春秋航空單程機票返香港；到一段日子後，再買另一張春秋航空單程上番上海，繼續以下行程，當然您有權唔返香港一路玩落去啦）

第三程：上海飛杜拜，中停昆明（即飛，唔好Stop-over），揀週一／二／六是旦一日

第四程：杜拜飛昆明，直航，揀週二或六

第五程：昆明返香港，直航，每日都得，但以週二或六平機票機會較大

就以附圖為例，8/7香港飛首爾，14/7首爾飛上海，16/7上海飛杜拜，20/7杜拜飛昆明，27/7昆明飛香港，淨機票正係HK$3,708，連稅HK$5,590。不過呢口價供應量唔太多，俾多HK$333就易搵啲。如果第二及第三程相隔時間耐，淨機票會升到HK$4,263（即係多HK$555），埋單都係HK$6K左右。呢隻搞鬼筍盤，唔單止暑假出發，去到今年年底都有，實在係另一奇趣大發現。呢隻Fare官網訂唔到（因為冇Multi-City揀），去ZUJI發掘下啦！

網址：www.zuji.com.hk

（覺得抵請記得按Like同Share俾朋友）