12:23pm 3/6 Updated：原來塞舌爾航空官網都有漏洞飛賣！
即去：http://www.airseychelles.com/en/home/index.php

深夜急報！呢單大漏洞機票，雖然唔係香港出發，但甚有啟發性，故此漏夜都報（小弟都入埋手添）！是咁的：由塞舌爾群島單程飛往愛爾蘭首都都柏林（中停阿布札比），搭阿提哈德航空公司（塞舌爾群島飛阿布札比有時會用番同公司嘅塞舌爾航空），坐商務客艙連稅只係HK$2,726！原價起碼HK$22K以上。點解咁抵？好大機會係佢誤將商務客艙以經濟客艙價標售，因為如果揀番經濟客艙，價錢的確相若。出發日期遍佈下半年甚至明年2014年，小弟就入咗2014年農曆新年期間，Check過系統，唔難搵到位。至於香港飛塞舌爾群島以及之後由都伯林返香港嘅機票，可以等稍後阿提哈德航空公司推出冬季優惠先入手。呢隻機票可以俾您免費中停阿布札比，如果改期只收US$50，退票只收US$150，但根據以往漏洞機票經驗，航空公司通常都提供免費退票服務（因為佢都唔想您搭啦！），所以就算依家唔firm去，不妨都入手先。官網冇漏洞價，建議去expedia.co.uk訂，起碼信得過。記住：系統唔會接受一次過訂3張或以上，所以如果訂超過3張，就要分開訂購。呢個漏洞預計到明日歐洲佬返工就冇架啦！唔好瞓住！入手啦喂！

網址：www.expedia.co.uk

（覺得抵請記得按Like同Share俾朋友）

大漏洞！坐阿提哈德航空商務客艙，塞舌爾飛都柏林單程連稅$2,726！

「又飛啦！」Fans注意！又有日本獨家優惠帶俾您！我哋特別同永安旅遊聯手推出專屬優惠：只要立即去永安旅遊網站（http://www.wingontravel.com）訂購任何日本套票，付款時輸入呢個推廣碼：PA131，每人即減HK$150，2人同行咪一共減足HK$300！記住：所有喺永安旅遊網站賣嘅日本旅遊套票都適用（任何城市，任何套票，任何出發日期，任何價錢等等）！全無使用限制，俾您最Free方法慳更多！不過請留意：名額只限首150位，最後使用日期為14/6，真係手快有，手慢冇，即刻Click去http://bit.ly/11uB2G3 快手搶！

幫大家Check過，今次最抵嘅莫過於東京國泰3日2夜套票：坐國泰來回（去程揀零晨機都得），包2晚剛喺4月先開業嘅上野Ueno No Mori酒店（JR上野站，入谷口出，步行約5分鐘），唔計稅每位都只係HK$3,178起，非常有睇頭（國泰零晨機，齋買永冇平嘢，唯有跟套票先有得咁平），減埋HK$150，即係HK$3,028，接近回歸假出發都有（27/6）。去東京，記得去埋位於成田機場附近既 Shisui Premium Outlet掃名牌，剛剛4月先開業咋！有Agnes b，Ne-net，UGG等正嘢，佔地20萬平方呎，由7/6 – 16/6更有促銷特價！交通就非常Easy：1. 由東京出發，只要係東京車站八重洲口乘Outlets直行巴士（約50分鐘車程、車費約95蚊港幣～已經包Outlet往成田空港巴士車票，抵爆）；2. 成田機場有穿梭巴士前往，車程15分鐘。建議臨走先去Shisui Premium Outlet，之後直接去成田機場返香港啦！

東京國泰3日2夜套票詳情：http://bit.ly/14gJ2wd

Shisui Premium Outlet網址：http://www.premiumoutlets.co.jp/cht/shop/shisui/

（覺得抵請記得按Like同Share俾朋友）