請即Like 又飛啦！Facebook Page
AirAsia終於公佈週一00:00大開倉詳情，不過係賣超遠期早餐盤（出發日期為10/2 – 5/8），先睇價錢（來回連稅計）：吉隆坡HK$630起（呢口價真係近年新低，非常抵買），沙巴HK$660起（冇辦法！香港快運一定同佢鬥到落花流水，唔劈定都唔得，呢口價亦非常抵，但小心回程甚有機會係早上6點機），曼谷HK$1,025起（以咁遠期嚟講，呢口價只屬一般抵，因為半年期期貨都只係賣貴四／五舊，除非您堅去，否則未必最吸引），布吉HK$1,374起（如果係2至3月旅遊旺季都有呢口價就超級抵，否則捱雨季，諗下先好喎），以上價錢唔包行李寄艙同飛機餐。當然仲有其他地點，但記住唔係全線有得減（例如澳門飛清邁就未見上榜，不過澳門飛吉隆坡同曼谷都有平，價錢同香港出發相若），宜先去以下網址上官網睇睇。
溫馨提示：AirAsia每次大開倉，頭段時間一定上唔到啦！不如等到零晨3-4點，等啲人散晒，系統可能會跌番之前被人搶過但終於冇俾錢嘅平飛，可能有意外收獲架！
（覺得抵請記得按Like同Share俾朋友）
AXA安盛「卓越」優遊樂旅遊保，手提電話都保！立即報價+投保
「又飛啦捕票器」App，一有新Post即響機！iOS下載；Android下載
Booking.com訂房：泰國 | 日本 | 台灣 | 韓國 | 其他
AGODA訂房：泰國 | 日本 | 台灣 | 韓國 | 其他
＊由於優惠產品供應有限，最終格價或因反應熱烈而有所調整，敬請留意。