尋晚先講，話有銀行推Promotion送AsiaMiles，分數足以換領免費台北機票，經仔細研究，發覺都幾抵玩，值得同大家分享下。是咁的：由依家到30/9，去Citibank開立戶口作出糧用途，只要頭5個月內連續3個月存入薪金，即可獲贈里數。如果您月薪係HK$30,000以上，可獲贈15,000 AsiaMiles，足以免費換1張國泰／港龍台北來回機票；如果同時存入50萬新資金，就可以開Citigold戶口，更可獲贈22,000 AsiaMiles，足以免費換1張國泰曼谷來回機票！至於月薪介乎HK$10,000 – HK$30,000，都有8,000 AsiaMiles送，相比渣X銀行，雖然佢都有做出糧戶口Promotion，但如果月薪低於HK$19,999，渣X係唔會送AsiaMiles俾您；就算月薪介乎HK$20,000 – HK$30,000，佢都要您申請埋信用卡兼要求首2個月簽帳HK$18,000先有里數送，相反Citibank只需要您開戶並Keep住戶口3個月有糧出就得，Very Easy！所以計落都係開Citibank戶口著數啲。依家透過網上或電話預先登記（電話號碼：2860 0230），仲加送超市HK$50現金券，想知詳情，可以去Citibank官網望望。

提提您：以上里數獎賞必須透過自動轉帳或執行支付指示方式出糧，如果透過入支票方式出糧，Citibank會改送現金回贈，月薪HK$10,000 – HK$29,999就送HK$200，HK$30,000以上就送HK$400。

申請網址：www.citibank.com.hk

（覺得抵請記得按Like同Share俾朋友）

如果您早前跟我哋入咗港航超平河內機票，呢單料都要睇埋！越南新廉航VietJet今晚香港時間10:00起至00:59，推出10,000張超平機票，無論國內線（包括：河內／胡志明市／芽莊／海防／峴港／會安／順化／富國島，以及有咖啡首都美譽嘅邦美蜀）抑或國際線（曼谷<->胡志明市／河內），每張淨機票越南盾99,000（折合HK$38），至於稅同油附，內陸線單程約HK$80，國際線單程約HK$240，出發日期為10/8 – 20/12。如果今次不幸搶唔到（因為佢Server次次開倉都幾死下），下週四（25/7）同樣時間會開多次倉。玩完河內想玩埋其他城市，甚至跑去曼谷做個Spa，今次就要留意。提提您：以上格價並不包括行李及飛機餐，手提行李每人有7kg免費限額，與AirAsia一樣。

網址：www.vietjetair.com

（覺得抵請記得按Like同Share俾朋友）

暑假旺季，又有一單平飛曼谷猛料，竟然全港冇人提過？就等我哋「又飛啦！」首報吧！是咁的：8月打後出發，坐斯里蘭卡航空來回曼谷，淨機票HK$1,140起，連稅HK$1,838，最值錢係機票有效期長達1個月，俾您足夠時間玩埋其他泰國城市，暑假超旺季都有呢口價，仲抵過空氣亞洲呀（況且斯里蘭卡係傳統航空公司，有免費行李寄艙同飛機餐）！美中不足係斯航只係逢週一、四、六先有航班，去程UL423（18:15/20:10），回程 UL422（13:20/17:10），不過對於學生哥嚟講，大把假期，冇所謂啦！

網址：www.srilankan.com

（覺得抵請記得按Like同Share俾朋友）